赤提 SSC vs 蔡繼有CKY

貓頭鷹之家

Poyau 發表於 24-2-18 17:15
私校辦非本地課程不一定是國際學校
例如 耀中 VSA ISF CKY
以及 Stamford 漢鼎 大光德萃

我當然清楚，我當佢係，5成似。

lsllsl

貓頭鷹之家 發表於 24-2-18 14:35
只是個人感覺，所以我會當CKY是一所國際學校。

如果對CKY瞭解過，就知佢痛國際學校好唔同。
有心入讀既家長，建議多睇校長訪問和真正用家既建議。

貓頭鷹之家

有甚麼不同，可以簡單介紹下嗎？

Lightwriter

就連在校家長都講cky 係平價版國際學校，賣點係全ib。但往往問igcse之後既流失率時，都無正面回應。最多人就話，好多人預去外國讀書。

貓頭鷹之家

lsllsl 發表於 24-2-18 18:59
如果對CKY瞭解過，就知佢痛國際學校好唔同。
有心入讀既家長，建議多睇校長訪問和真正用家既建議。
...

多聽多了解，去下open day 。

poonseelai

Lightwriter 發表於 24-2-18 19:44
就連在校家長都講cky 係平價版國際學校，賣點係全ib。但往往問igcse之後既流失率時，都無正面回應。最多人 ...

在校家長唔知其他家長點解唔上ib又唔奇嘅, 或者同ib個考試制度有關, 其實ib係好好嘅教育制度, 但個考試制度未必適合每一個學生, 要求兩個語文, 又文又理, core部分又要寫作又要做extended essay, 如果唔喜歡咁多寫作, 又或者想考3科理科, ib就唔合適

我知cky初期要求中英文也要考language A, 咁樣整個考試難度會高咗, 如果學生無信心可在ib取高分, 或者會選其他制度, 近年似乎cky容許少部分考生不用兩個語文A

至於係咪一早預了出國, 就當事人才知。簡單D講, 即使選cky亦可能要兩手準備, 有機會高中會出國

lambeanmama

Lightwriter 發表於 24-2-18 19:44
就連在校家長都講cky 係平價版國際學校，賣點係全ib。但往往問igcse之後既流失率時，都無正面回應。最多人 ...

我自己，和身邊家長又無話當學校是「平價版國際學校」；身邊都不少朋友子女讀ESF、CIS、GSIS等國際學校；我自己就覺得兩者其實係有顯著不同。不過，坦白講，主打想考IB,、重視中文科但又想讀繁中的；坊間選擇都唔係多了。

至於點解考完IGCSE 後多心走。咁真係好難知道人家的真正原因的。我估，真係純估，早年學校成績未有Track Record, 部份家長信心不足，當然是寧願花錢買個安心。早幾年A Level 三個A* 就入讀醫科；理科強語文一般而又想讀醫的小朋友，不如出國兩年專心考好幾科理科，就理想達到。不用糾結兩科語文，家長何樂而不為呢？不過去年起，醫學院對A Level 收生又好像收緊了（純聽朋友講，自己無查證），或者未來幾年又會有變化。

自己一心想個小朋友考IB, 但如果再大少少發現佢考AL將更有利入讀心儀大學/學系，我當然會轉學制啦。做人最緊要是有選擇嘛。其實現今家長，人人都兩手準備。去到高小，身邊不同學校的家長朋友，即使讀大家公認的神校，傳統名校，也在不斷為小朋友考量前程安排。我覺得都是很正常的。

lsllsl

lambeanmama 發表於 24-2-18 22:45
我自己，和身邊家長又無話當學校是「平價版國際學校」；身邊都不少朋友子女讀ESF、CIS、GSIS等國際學校； ...

呢排多咗好多非用家踩CKY。都唔知點解。

potato38

咁我又無知一問，香港人喺國際校度讀，高中唔多出國嗎？應該都勁多吧，我估。唔好講外國人讀國際校先，佢地本身好多父母expact 打完工番番鄉下就自然去外國。如港人讀國際校都高中多出國，咁即dse 先唔多出國啦（比較下）。咁即ib 就多出國，而唔係cky 多出國。

其實cky 嘅application no. 同其他一般勁校一樣，apply 得db dg spcc spb ghs spc嘅人，大多數都有apply cky, at least 5千幾人，少數因貴學費而冇apply. 但sscpc 就得唔夠2 千人apply, 同國際校一樣比較少人，我估因地點問題，同校車只得港島線，所以冇人手日日不停接送番放學。講呢樣野其實想講，即會博入名校dse 嘅人，都會博cky ib 入唔入到。所以好多人其實兩樣都會考慮讀，差在收唔收，同有邊間校可簡。與其講小朋友適唔適合，其實不如先講有冇得簡，冇offer 唔洗簡，少offer 亦唔多得簡，適合嗰間又未必offer, offer 嗰幾間又未必最心儀首兩名。

貓頭鷹之家

lsllsl 發表於 24-2-18 23:54
呢排多咗好多非用家踩CKY。都唔知點解。

是否多了人討論CKY? 有優必有缺，冇學校完美。

lambeanmama

lsllsl 發表於 24-2-18 23:54
呢排多咗好多非用家踩CKY。都唔知點解。

其實不用在意人家是讚或是踩學校。我的回覆也盡量以陳述事實為基礎。漁人飲水，冷暖自知。學校好與不好手，人間怎講也不重要；重要的，是我自己感覺良好；開開心心就夠。(emoji)(emoji)(emoji)

CKY 不是甚麼神校；我也很怕低年級家長有這種想法（近年被捧得過了）。不過，學校確是一間有心辦學，以小朋友發展成長為中心的好學校。

lambeanmama

potato38 發表於 24-2-19 00:01
咁我又無知一問，香港人喺國際校度讀，高中唔多出國嗎？應該都勁多吧，我估。唔好講外國人讀國際校先，佢地 ...

咁你最後揀好未呀？

Lightwriter

近年cky 的確被追捧成神校，急促冒起自然引來一番研究，尤其ib條路點行，發覺唔岩讀ib點算，全民ib究竟有幾全民，家長背後要投放幾多資源等，都需要了解及自評。

呢度無人話cky唔係好學校，所以無人踩低間學校。但take每間學校都有risk, 風險管理好就可以了。

lambeanmama

Lightwriter 發表於 24-2-19 09:07
近年cky 的確被追捧成神校，急促冒起自然引來一番研究，尤其ib條路點行，發覺唔岩讀ib點算，全民ib究竟有幾 ...

「全民」，是指你達到學校基本的要求(IGCSE的成績)，便可考IBDP。根據學校網上公開資料。在2023年，"Five students attained straight A* grades across all 11 of their subjects. The percentage of A* grades awarded to our students is 41.3%. Our percentage of A-A* grades is 74.3%, and 96.9% of our grades this year are C-A*. Out of 118 students, 89 of them, who attained 6As or above..... "
就我理解學校的要求，同目前學校考生的IGCSE成績，我相信每年最多都是只有1-2位同學有機會「唔達標」。而如果成績真的不達標，勉強升上去又是否一件好事呢? 就好像我讀書的年代，會考最少都要有14分才可升讀預科考高考。我覺得道理是一樣的。

然後，不論家長和年輕人，都會考慮下一步如何走才是對自己升學更有利。這是很正常的。就好像在中學討論區，我見到不少家長/學生在問自修考iAL的安排及升學的可能性。讀哪一個學制都一樣，資訊科技發達、家長教育水平高了；大家對小朋友的學業要求也不可能一樣。

所以，考咩學制都好，家長都只好stay flexible；幾手準備，幫到孩子多少便多少。盡做。

Adiezz

lambeanmama 發表於 24-2-19 06:58
其實不用在意人家是讚或是踩學校。我的回覆也盡量以陳述事實為基礎。漁人飲水，冷暖自知。學校好與不好手 ...

CKY證明了其校本（圖書教學）+ IGCSE + IBDP 模式係成功，甚至可能優於IB through-train 模式

要挑一定可以挑到毛病，不用理會批評，如果CKY長期保持到IB平均分在39-40+水平，無疑是「神校」級數

現在VS帖 大多家長都會傾向CKY，我覺得是現今家長都認同IB理念，不過我認為選擇IB時應該先睇其他現實因素，包括小朋友情況、家庭支援、升學計劃等。畢竟IB最重要還是IBDP，將來再轉IB學校也無問題

potato38

lambeanmama 發表於 24-2-19 06:58
咁你最後揀好未呀？

我自己其實好想小朋友ib, 但佢性格係好怕出嚟present 嗰隻，我唔知應該幫佢克服，要佢成日present, 講足12 年，怕都變唔怕，咩都慣，當食生菜。又諗，其實鍾意唔鍾意嘅嘢，大大吓又會改變，幼稚園唔鍾意嘅嘢，唔代表過兩年唔鍾意。同總之第日出嚟做嘢，做邊行都係一定有需要present, 除非做好低級，做中層以上，都相信要public speaking, 咁就算唔鍾意都要做的，唔太鍾意但做得好亦可以。

定順番佢性格，唔鍾意做呢樣，就簡一間又有dse 又有ib 嘅，大啲先俾佢自己決定好了。咁又有dse 又有ib 嘅，除了db spcc (which 我冇offer), 咁剩下優才 sscpc, 咁sscpc vs 優才，如學費同地點都冇問題，我諗唔洗簡。
其實我手上有其他傳統嘅名校offer, 但我實在唔想讀傳統教學嘅校，覺得廿年後畢業，世界同以前唔同，用以前套教法係不合時宜。教學亦仲講廣東話都冇用，英文grammar 叻亦不需要， 寫嘢太把AI改grammar. 咸魚白菜各有所愛，當然有人鍾意傳統名校，人人想法唔同。

964000

potato38 發表於 24-2-21 08:22
我自己其實好想小朋友ib, 但佢性格係好怕出嚟present 嗰隻，我唔知應該幫佢克服，要佢成日present, 講足12 ...

其實唔洗咁早決定，如果到時唔啱想轉學制，到Y7或Y9先轉都未遲。
對於怕醜的小朋友，小學先接受IB訓練，自細已成日要present, 要explain自己稔法，慢慢會習慣當食生菜，如果到高小/中學差唔多青春期，到時會怕瘀可能更抗拒改變。

poonseelai

potato38 發表於 24-2-21 08:22
我自己其實好想小朋友ib, 但佢性格係好怕出嚟present 嗰隻，我唔知應該幫佢克服，要佢成日present, 講足12 ...

其實不用講到public speaking, 簡單D工作上向上司或客戶做個presentation 也有需要, 做presentation 係一個process, 由找資料, 設計流程和最後準備其實好花時間, 不是話懂得"吹水"就可以。我個人覺得ib這方面比到好多機會孩子去學習, 我孩子 typical introvert, 到畢業也無大改變, 但每次presentation 都會做得好好(老師話）

至於AI改grammar, 用家也要知道它改得好唔好, 我也有用下chatgpt, 唔一定佢改得好

993rs

potato38 發表於 24-2-15 00:45
本帖最後由 potato38 於 24-2-15 07:36 編輯

我大致咁樣排位

我唔係 SSC 用家，但兩間都應該滿足到呢4個條件。分別只係過程，到底係 DSE 框架下、定係 IB 框架下進行。#1、3 我所 observe 到兩者相當；4 public speaking， CKY 除左 math 外，每科都有大大小小既 presentation。

CKY 係 PIS，雖然冇 PYP/MYP， 但模式上搵唔到 local school 既影子。雖然 playground language 係英文，但整體氣氛又談不上 IS。唔熟 CKY 既有人會覺得佢係 IS，有人覺得佢係 local school，明白既就係 PIS（帶頭盔，ISF、耀中又好唔同）。

CKY 教中文主要係睇書，抄寫背書量好少，抄生字分分鐘少過 KV，傾向 IS 既教法，尤如係鬼佬教煮中國菜。如果忽略左中文，要追係幾吃力。但學校對中文係有要求的，以我所知 Chinese A 係必定。

有家長問 CKY IGCSE 上 DP 少左咁多人，點解冇「正面回應」。 唔係冇，CKY official statement 就係 IGCSE 3B3C，過往大部份時間係 >90% A*-C； IB coordinator 回覆係大約每年只有 1-2 個上唔到 DP。可能唔夠 juicy 大家唔收貨。

家長既 comment，就緊係係靠估，就算同學之間死黨都未必知道確實原因。原因大概離不開（講明，靠估） 對中文以至 language 冇信心、偏科、預左留學。 IB 六個 groups 有一半係所謂既文科，加埋 EE、TOK， 工作量計 >60% 係 favorable to 文科人。對 language 冇信心、偏科既人，有好大誘因攞住 IGCSE 成積去英國讀 A-level。想去美國既，讀埋 DP 唔見得有優勢。所以上面3個段估既原因最終結果都係「海外升學」。

SSC、CKY 之間，家長要問自己係純粹要滿足呢 4 個 criteria？定係要 IB？ CKY IB result 相對較高一點點、較穩定，但書係自己讀、track record 係師兄師姐既。 SSC 有歷史、有 boarding、提供到彈性。真係好睇家長系呢 4 個 criteria 之上仲追求d咩。呢個價錢加多少少，排埋 ESF 都仲得。

potato38

993rs 發表於 24-2-21 11:41
我唔係 SSC 用家，但兩間都應該滿足到呢4個條件。分別只係過程，到底係 DSE 框架下、定係 IB 框架下進行。 ...

可否請問咩叫PIS, EE, TOK? IB coordinator 係指全部學生定咩coordinator?