KTS九龍塘學校 VS 嘉諾撒聖家(聯合道）

bettyay

KTS係中文小學，但GS係英教，數亦有英數WS! 聖家傳聞都係多功課，而直屬中學仲要同九龍塘聖家一齊爭，都要留意下可以直上百分比。

任何學校都有學生外補同唔外補，真係睇個人需要。

可以考量埋男女校/女校，宗教背景，教學理念，同究竟聖家書院係咪你心儀中學。

bettyay

cindygoby 發表於 23-6-13 10:08
多謝解答！有擔心如果升唔返聖家中學，跌出來會去band2。
另一方便家中有大女升五年級，讀另一私小需呈分， ...

KTS約七成b1學生，但學生自行考獲學校取錄及叩門能力都高，最終入讀b1中學可及九成，升中成績不俗。
如果有大嘅預備呈分，而細嘅自律，揀KTS都合適。當年我又係大概呈分，細嘅小一，都係揀咗KTS, 細嘅先自己理自己，升到班就得。搞掂大嘅先再理返個細嘅！

加油^-^

bettyay

lamlamb3 發表於 23-6-13 10:51
回覆 bettyay 的帖子

請問KTS係用英文教數學定係中文教？

教數主力語言是廣東話，英數工作紙主要是認識英數詞𢑥及理解文字題，持續到小六，會教授中一英數課題，幫助同學升中適應

bettyay

cindygoby 發表於 23-6-14 11:56
另一方面，聽聞KTS程度和學生質素更高（特別數學），對於我們來說kts學費支出已佔一筆開支，所以有所擔心 ...

學校英文數學都係校本課程，數學有思考題，有工作紙指引，唔覺得特別深。溫習我都係重做工作紙，但呈分為確保不失，其間我都有外補，多學一些運算技巧去加快速度同減低計錯嘅。
音樂科由小二開始有樂器考核，每年考核程度要求比上學年深一些。學校有樂器班可以參加，導師都有一定水平，學費印象中唔貴。家長亦可以喺出邊自己學的，時間就更有彈性。

學校70% B1學生，要入b1中學唔難。但私校學費以外，某些隊團因為有外聘導師，教練，如果參加都有一些費用，雖然唔貴，但如果真係有所擔心，都係一個考量。

PS唔參加活動係唔會影響是否能升讀b1中學，但活動有助孩子全人發展，對成長－定有所禆益，當然參與多少，則每個孩子及家庭要求都唔同

撇除學費費用考量，我見小朋友係KTS返學係好開心嘅

bettyay

yanthai77 發表於 23-6-19 11:35
就算沒有出去補習   都肯定係家長自己有時間跟進

純粹有感而發！你咁講一定冇錯，係香港地有幾多孩子係家長完全唔睇功課（起碼派咗功課返嚟錯咗，點都望下卦），又唔外補又完全唔做補充嘅學霸？
但係如果只要求係b1生，入返b1中學，係k校真係唔算難。

bettyay

cindygoby 發表於 23-6-26 12:53
Thanks小朋友本身冇咩其他體藝叻，佢只係學緊中樂，但聽聞kts唔可以用中樂考試。所以都有擔心如果小朋友體 ...

可以放心，學校可以以中樂應考音樂科樂器考試的
體藝天份好多時都係小學時才發現，就算只係一般小朋友，沒話什麼體藝強項，係KTS讀書一樣開心嘅，更唔會話俾人覺得弱