哈羅國際學校

EconFather

ababymami 發表於 18-1-2 23:10
回覆 EconFather 的帖子

你好！經你介紹咁多關於哈羅的事，我有意想小朋友入讀下一年year 7, 但發現申請的 ...

我不是推銷員。。。只係唔想大家有太多猜測。正如我所說，很多資料都是公開的。大家可以自行思考及推斷。
哈羅對一般申請基本上好嚴，網頁寫明係入讀前兩年已經可以報名。所以有心的人，最好一早交定表格先。你小朋友是year7? 本身讀緊邊間?你要check清楚你個小朋友年齡是不是year 7，哈羅是用英制出生日期的。

你可以先打去學校問（最好係school tour問啦，學校唔太like 電話同email，始終收生部得幾個人），不過我估9成都係叫你報下一年。你照填表，但佢應該會問你係咪報year 8。如果有心讀就入form啦，免得下年又miss。因為你入左form，你可以開始交你成績俾學校，咁最少學校會有你個檔案了。

如果你小朋友係交成績表時，學校覺得你係天才兒童（例如勁到有星星用你小朋友名命名），是有機會interview的。如果你小朋友叻到爆，又港隊運動成員，而你有好有誠意（成日去tour），我相信加一個位是不難，似終學校有最終決定權。

另一個逼學校見你interview就係你成為ICC holder。你要係2手市場自己找。

高年級到海外升學，而令學校有學位供應是對的。
但這個是相對低年級來說比較多，但從絕對值來說（例如10個），始終是少。

從學位供應上是易左，但由於哈羅課程是比較深，或者應該叫另一種方式的深，IGCSE比較傳統（舊式香港考試），IB比較注重開放式思考，所以在入學要求上係難左。

EconFather

shadeslayer 發表於 18-1-3 08:50
你意思係lGCSE比lB－MYP深？所以收生嚴格D？

不是。而是AL和IB在教育方向是兩個系統。

英式教育是訓練專才，所以年級越高，學生所讀的內容會越來越專門。如果你在香港受過教育就會明白，中四就要選文科理科，數學會分附加數學。簡單來說，英式教育是訓練游水或田徑單一的專家。

IB是一種全能型訓練，高年級是6科必修，唔同AL可以drop。呢個系統就如三項鐵人比賽，你小朋友要全能型。

從單一項目上，AL是比較深。但由於小朋友會讀擅長科目，所以會平衡番。IB單一科目是沒有AL深，但整合晒所有科目就會好深，仲要唔可以drop科。

所以我會說兩個都是難，但方向性不同的難。而小朋友係早期分別比較少，到左高年班要重新學習會比較吃力（當然天份高乜都唔怕）。
低年班分別會相對較少，但佢地教育系統是兩個方向。

EconFather

shadeslayer 發表於 18-1-3 19:39
AL同lB分别好多人都約略知道，但解釋唔到你說Harrow 收生嚴格D的說法。定係你的意思不是這樣的？
...

嚴格是指程序上，例如：

1. 出生日期，唔俾跳班，或故意晚一年讀。
2. 過左deadline唔會再offer interview
3. 交証明文件等等

例如我聽說
1. 有人沒有真實香港地址而被Reject。
2. 特殊學生，要特別照顧，即使手持ICC都會Reject。

其中我被經常問到係可唔可以跳班，原因是大部分國際學校是1至12月出生為一年度，但英國制度是9月至8月。

如果兩個學生在其他國際學校讀緊Year 3，一個是6月出生，一個是10月出生（細4個月），這兩名學生一個會入year 3,另一個會入year 2。當然如果真係好叻，係有機會入番year 3。但大多情況學校都會跟番個指引做。而我也有認識人是因為不想「感覺留級」而不考harrow。




比較一下弘立

* Applicants, particularly Foundation Year and Grade 1 applicants, need to meet the minimum age requirement for the grade applied. The age range for students in each grade is typically 16 months. For example, students applying for Grade 1 would be between 5 years 8 months to 7 years on August 31 in the year of entry. Parents whose children are born from September 1 to December 31 have the option of applying for the higher grade, or the lower grade, or both grades. For example a child born on September 13, 2012 can submit applications for both Foundation Year 2018-19 as well as Grade 1 2018-19. Please note that if a child is applying for both grades, then two application fees and two assessments are required, one assessment being for the lower grade and the other assessment being for the higher grade. Based on the assessments and interview process, the child will be placed in the more appropriate grade.

EconFather

又例如有些大陸人會用香港地址，但個小朋友係深圳讀書。呢d怪case 都好大機會被reject走。即使用錢買ICC，學校都可能唔批個ICC transfer。

上網睇清楚所有指引同deadline就可。

EconFather

HLME 發表於 18-1-3 23:24
想問如果入左Hk Harrow , 係咪容易d transfer 去北京、泰國、英國Harrow ? 邊間學生成績、或成就最好？有 ...

基本上。。。唔會有任何特權。但由於你係香港讀哈羅，而大家係學制上是一樣，係學術分數轉換上必定比你讀SAT/IB有一定優勢。當然學校會盡最大努力去幫學生。

成績我無記錯。。。好似香港同英國接近，泰國上海北京又差小小。網上有IGCSE成績，我查過一次，記憶大約係咁。

咁成就。。。我估點都係英國個間。。。笑。。。話晒人地真係出左個首相。

EconFather

教育理念? 呢個問題太抽象。

我自己唔覺得英國哈羅有什麼教育理念，最多說是英國哈羅文化（草帽）。如果真的要說理念，哈羅的教育理念不是哈羅獨有，我會稱這個為英國寄宿教學。

英國寄宿生活希望做到全人教育，群體生活，重傳統禮節，個人獨立。

全人教育係希望小朋友除左讀書外，都要有課外活動。群體生活係利用House系統令學生團結，有團隊精神，寄宿基本無私人生活，一齊唱詩，一齊比賽。重傳統禮儀，尊師重道，重歷史文化，例如哈羅是英國學校，你地11月11日會購物，但學校會紀念第一次世界大戰。老師當天心口前有個大紅花，叫poppy day，會去中環英雄紀念碑送花。個人獨立，咪寄宿，自己洗衣物，自己煮面（杯面）。

大家唔好俾哈羅個名而有太多幻想，正如我之前所說，佢係一間係香港的英國寄宿學校。基本上Kellet係英式，Shrewsbury都係英式，Mount Kelly 都係英式（無牌英式都係英式）。哈羅係多左個寄宿姐。
在英國哈羅，不時會有名人到學校參觀及講座，呢樣野就係一般英國寄宿學校之上對學生的value add。而其他哈羅分校都有機會，請呢d名人到校講野（當然英女皇只會去英國個間參觀）。香港網站有寫有咩guest speaker，呢d speaker其實會令學生係學術外有更大體會。

咁當然，有個名牌，叻人會聚集，Eton同harrow uk基本上無乜magic, 寄宿學校加叻人聚集，基本就係咁簡單。

又正如你問我香港大學，中文大學，科技大學係教育理念上有冇分別? 我會答3所大學係大學文化上有分別，但教育理念基本上係一樣。

我呢個答案滿唔滿足到你呢?

EconFather

papaof2 發表於 18-1-8 13:56
咁當然，有個名牌，叻人會聚集，Eton同harrow uk基本上無乜magic, 寄宿學校加叻人聚集，基本就係咁簡單。
...

正如我之前所說，這個並不是單一哈羅問題，而是香港教育正走向私人化的一個過程。學歷網上有，佢地列晒所有老師的來源。

有愛心，有熱誠，呢d問題係太抽象。一個老師有愛心唔代表全部都有愛心。一個老師衰唔代表全部衰。普遍性，定還是個別例子，大家要分清楚。但我相信，人工同福利係長遠吸引好老師的關鍵因素。如果你們去學校tour，可以問下老師有冇仔女讀，你會發現有好多老師都係用家，有d3個小朋友。

哈羅係地圖左手面有一座宿舍，是職員專用。老師小朋友讀書係有discount的。而且個discount 唔細。網上求職網你會找到。

哈羅係細班，人工高，福利好，小朋友讀書又平，星期六日去附近沙灘跑步，外國人喜歡這種生活嗎? 津校人又多，功課又多，行政煩，放假都要改卷。你係好老師走唔走?我有朋友係DBS教都走去教ESf國際學校，除左小朋友有得讀外，國際學校真係教書，而唔係同教育局煩個d TSA。

我自己相信，老師都用，佢地同你都係stakeholder，唔會死得去邊。唔似香港教育局局長自己都唔buy 香港教育。

EconFather

luikyk 發表於 18-1-15 01:53
作為哈羅嘅畢業生，其實想講一講。
哈羅嘅老師：
每一位都係熱心教學，好多時我有問題唔明，無論係email定 ...

難得有「真用家」發言，
咁記得多謝你父母，
你都要俾心機讀大學。

EconFather

woyj 發表於 18-1-17 18:26
真的？請問你識人？

純路過，唔太熟香港法律學系。
我識兩公婆都係美國頂級大學畢業，家陣係大律師。
也識一個朋友做左15年師爺，最近一年終於做左律師。（會考當年12分）
也識兩公婆都係澳洲讀書，家陣係大firm做事務律師，專幫保險公司打官司。

講真唔太熟PCLL呢d系統。

EconFather

Happyhappylive 發表於 18-6-9 08:08
請問是否有债卷，可優先申請

債卷可到會藉經紀查詢，假如你小朋友面試過了合格水平，會比沒有債券優先。

如果是2歲半，基本上考概野唔多。年紀越細，債券影響力應該越大。

不過唔係保証。

EconFather

Happyhappylive 發表於 18-6-9 16:13
請問債券市場什麼價格

其實網上有，你可打【學校債券】查詢。

EconFather

Happyhappylive 發表於 18-6-9 15:38
好，唔該，因朋友三位小朋友。我帮他代辨

3個? 2歲半? 3胞胎?