出發了嗎?

kit2004

呀仔前兩天出發了，第一年,已經好掛住。冇人陪我食早餐，陪我買野，送佢學琴，車佢番學。同我講學校既事，入佢房叫佢食飯食甜品，唔好甘夜訓。。。好空虛。
佢暫時都ok happy. 已經識到新朋友，都好安慰。都好似唔掛住我。

依家日日都好得閒，有d唔慣。

我知要放手，已經放左好耐。但放手唔代表唔掛住佢。放手都要保持親子關係到老。

katrinafu

明既，我舊年都係咁 ，但不經不覺又一年 ， 昨晚送她出機場 ，我都有點唔捨得， 但她就好瀟洒咁 Bye 便入閘，攬都唔攬我呀 。

剛剛打比我返到學校， 執緊行李，但今個term 又 夾到 黑人房友 ，好唔開心喎 ，我說 你預咗啦 ！

而我 都係時後要搵番D part time 工作做下 ！

yfchanMa

回覆 kit2004 的帖子

完全明白你的心情！間屋少左個人，屋企變得有點靜。
望番起五年前我送呀仔去英國讀書至今，時間真係過得好快。呀仔同我地嘅感情不單只無淡，仲愈來愈close，見佢有好成績，所有都是值得的！還記得他在港讀last year果年，因為佢嫲嫲生日約好晒日子食飯，我同老公都以心為心呀仔一定可以出席，點知原來佢約左同學一齊去聽音樂會（因為是學校指定功課之一），我老公唔肯讓步，佢兩個就嘈起上黎。但呢幾年間，到每次呀仔臨放holiday回港前，如果佢有朋友想預早約定佢回港時出來聚，他會事先知會我地一聲，因為他知道我地也會同佢去探爺爺嫲嫲、公公婆婆，大家夾好日子時間，再無不必要嘅爭拗出現過。
希望你嘅孩子讀得開心，你曰後見到佢嘅成長，一定感到安慰！

英子

回覆 yfchanMa 的帖子

全完同意，少見面反而感情好左！

梁媽媽

回覆 yfchanMa 的帖子

我女都出國幾年, 我地用 Gmail a/c 開左個 共同的 Calendar (我地用三星手機可以在手機用。)
佢每次回香港的日子, 佢約人的話, 全部行程都要寫在家庭 Calendar 內, 就算未落實的,
都會寫住 "可能同 xxx 食飯" ,  我亦會加上 "婆婆晚飯" ... 之類, 仲有回港好多醫生/ 牙醫 / Facial
好多時早幾個月已約定的, 都寫晒落去, 咁大家就會好明白, 唔怕撞期。


通常星期六, 日晚佢都知道要留比家人, 唔會約自己朋友。

Ruby1219

梁媽媽 發表於 17-9-8 08:48
回覆 yfchanMa 的帖子

我女都出國幾年, 我地用 Gmail a/c 開左個 共同的 Calendar (我地用三星手機可以在 ...

haha! 我幾年前開始用呢個google calendar 嘅方法，將阿仔個calendar sync 落我哋兩部手機度，佢啲（去英國前）課外活動、flight booking (去英國後), family trips and gatherings 我都係直接入落佢個calendar, 咁就大家都睇到。不過佢自己就無入calendar 嘅習慣囉。

szeszeso

我個仔都是今年過英國讀書，真的不捨得還依依不捨，我回港後都不習慣.

kit2004

katrinafu 發表於 17-9-7 18:39
明既，我舊年都係咁 ，但不經不覺又一年 ， 昨晚送她出機場 ，我都有點唔捨得， 但她就好瀟洒咁 Bye 便入閘 ...

因為成棚人送機，所以冇喊。望住佢入閘，檢查，過關。佢大手一揮，就走了。

我暫時唯有做下運動，執下屋(呢排成日執) ，上下網甘。

kit2004

szeszeso 發表於 17-9-8 11:41
我個仔都是今年過英國讀書，真的不捨得還依依不捨，我回港後都不習慣.

你同佢一齊去？我個唔想我跟

以往晚飯只同佢一齊食。老公番夜，大仔又訓覺。依家等老公番先食，唔想一個人食飯，食唔落。

andyng2014

沒有女兒在家開始有點不習慣，當時間久了，慢慢會習慣，
但她回到身邊時，有時還不習慣，因為她一回來，大家的重心又轉在她身上，
但無可否認的，孩子在外國久了，會變得獨立自信，
各方面都成熟了，做父母的會很開心。

亮燈

andyng2014 發表於 17-9-8 11:59
沒有女兒在家開始有點不習慣，當時間久了，慢慢會習慣，
但她回到身邊時，有時還不習慣，因為她一回來，大 ...

完全同意及感受到，阿大讀左三年，阿細讀左一年，佢地過左去既日子反而令我覺得舒服及寧靜，自由好多。XD

db7mu23

明晚星期六夜機 !
正式出發 !

Ruby1219

andyng2014 發表於 17-9-8 11:59
沒有女兒在家開始有點不習慣，當時間久了，慢慢會習慣，
但她回到身邊時，有時還不習慣，因為她一回來，大 ...

同感。
我都係反而阿仔返嚟要改變routine 嚟就返佢。
留學後係成熟獨立啲，同多咗識得關心屋企。
我哋嘅相處似朋友多啲，關係好咗（比起響英國前啱啱青春期）！

亮燈

db7mu23 發表於 17-9-8 13:12
明晚星期六夜機 !
正式出發 !

一樣，00:35飛。

db7mu23

阿仔坐阿聯猶，預算係杜拜冲個涼，未試過，唔知得唔得 !

db7mu23

亮燈 發表於 17-9-8 15:09
一樣，00:35飛。

大家順風 !

andyng2014

其實現在科技太先進了，沒有距離感了，每天都可以用視頻聊天，我們用Facetime，女兒每天都會打來，一天基本上3-4次，過去四年都是這樣，她大小事情都告知我們。
在外讀書幾年，她學會感恩，有目標，有獨立思考，思維也變了，會用不同的角度去看事件，對政治社會也很關心。
現在回到香港猛看中文書(今年暑假看完三本唐代歷史，背了很多唐詩)，她也知道中文很要。

亮燈

db7mu23 發表於 17-9-8 15:17
大家順風 !

大家咁話，謝謝！

siumiu2010

亮燈 發表於 17-9-8 12:45
完全同意及感受到，阿大讀左三年，阿細讀左一年，佢地過左去既日子反而令我覺得舒服及寧靜，自由好多。XD
...

X 2

katrinafu

kit2004 發表於 17-9-8 11:48
本帖最後由 kit2004 於 17-9-8 11:52 編輯

因為成棚人送機，所以冇喊。望住佢入閘，檢查，過關。佢大手 ...

Me too .. 今日昨日都係執屋清潔 ！

你都好可以等下老公食飯，我就 ⋯ 冇得等，因為他成日出差 ，係香港日子又係好忙 ，等佢食飯我應該餓死了 。
但阿女去英國時 ，我倆都是減肥，她成日話學校食物難食，每次返來都係瘦了 ，而我就一條友就 吃素多 ， 我和女呢個暑假肥了呀 ！