唔想繼續讀， 回港有甚麼可打算

keroro_lam

本帖最後由 keroro_lam 於 17-7-29 11:39 編輯

本帖最後由 keroro_lam 於 17-7-29 11:39 編輯

呀仔現在在加洲讀緊第二年社區學院，唔係好適應， 好唔開心， 社交又唔好， 沒有很多朋友， 經常留在房， homestay 也無佢符， 仲有2個quarter 就完成副學士，佢表示話唔想繼續， 請問各位知唔知， 如果佢唔願意暑假返過去完成副學士， 在香港有甚麼機會可以讓佢繼續完成學士學位？ 佢在香港只是完成中四， 高中畢業証書都無，唉， 都唔知點算。。。。但佢唔想返過去， 我都無得勉強。

Candice1128

情緒上，佢本身有冇什麼問題呢？先安內，再處理外吧。

keroro_lam

Candice1128 發表於 17-7-29 12:04
情緒上，佢本身有冇什麼問題呢？先安內，再處理外吧。

情緒無太大問題， 只是無動力想返番過去， 所以諗下在香港有無後路先同佢再分析利弊
佢是想繼續讀， 但好似想在香港讀多d， 不過佢成績又唔好， 唔知點算

nintendo

回覆 keroro_lam 的帖子



其實好快完成，都唔肯讀？
有冇睇過成績表，係唔係唔合格？

而家連 community college 都想唔讀，又冇高中畢業學歷，只可以話出路少之又少。

(1) 返香港補返個高中課程，但相信要佢入主流中學考 DSE 佢唔會想，學校也未必收。
(2) 香港而家好多人想入國際學校，水漲船高，基本上已經冇 "野雞國際學校" 呢回事，又係冇機會。

(3)  IVE 之類，但好多課程人地也要看 DSE result，而且亦已經收晒學生。
(4) 可以去睇下有冇私校有得讀書，我見旺角有商業大厦有較商業化的私校。但唔知讀甚麼，亦唔知認受性。
(5) 再唔係，要出去工作。

不能做宅男，食屋企。
叫佢比個 proposal 比你佢想點。

( 不是事後孔明，但我一直不贊成未高中畢業就入 community college 或 foundation。)

keroro_lam

謝謝你， Nintendo

是否完全AA後回港機會比較好d?  例如自資學士課程？

nintendo

keroro_lam 發表於 17-7-29 12:45
謝謝你， Nintendo

是否完全AA後回港機會比較好d?  例如自資學士課程？

總之點都完成佢先啦。

亮燈

如果真係唔讀，不如索性返香港搵野做或搵門手藝學師，而美國果邊可否留低搵野做呢？

angie_ma

回覆 keroro_lam 的帖子

我反而覺得一定要了解佢點解咁吾想番過去既原因, 我相信一定有原因的. 如果吾係情緒問題, 就可能係其它問題, 因為加洲都好多香港人, 點解會無朋友, 吾出街? 佢喺香港時係咪咁? 因為咁差少少吾讀埋佢真係有D可惜.

嘗試再了解下, 或者搵D呀囝願意講野既人去幫你手了解下先. 因為如果問題吾解決, 番到香港都可能會有同樣問題. 有機會報左課程之後又吾想讀, 又留既屋企, 到時你又係無佢附, 咁點算 ? 好好地一個後生仔, 一定要諗辦法幫佢.

又或者佢會吾會係吾鍾意美國, 或者佢有冇同學仔去左其它國家, 佢會吾會想去其它國家.

同意上面, 如果佢真係吾鍾意讀書, 就要搵野做 or 學門手藝, 咁細個, 將來再進修都吾係問題.

brother4

同上各意見一樣，先同 學校講遲些回來可否?希望可以。。再回來等小朋友回復心情，考慮前途，另可選大陸大學degree,再去洗底如英 master ,事後孔明 估中伏 agent講天下無敵，上二年社区快上大學 真係好難的。。。

keroro_lam

佢在香港讀書時朋友已不多及經常宅在家。。
去美國讀書是他自己提出， 去到後應該同佢想像中的留學生活有落差， 在家千日好， 出外自己要自理好多東西， 所以一句講晒- 懶怠。。
我自己就好down好失落。。

brother4

肯行出去留學，是人生行一大步，再装備自己吧!好奇一問，有冇經agent 攪留學? 自己有問agent 如foundation 及 美國留學是否適合孩子。。。

keroro_lam

美國留學是我自己搞的， 沒有經agent.
佢一心想去美國， 所以沒有考慮英國的foundation.
佢聽完學校在港的seminar before apply的。

brother4

agent 一般分析小朋友的能力，及有建議的。。。不過讚小朋友好叻仔。。。〈肯去也不容易的事〉。。希望小朋友盡快回復心情，再考慮吓一步。。。

noel2010

我覺得現階段不要迫他完成學業，但同他講只是Gap year 一年，這一年先找找自己人生方向。很多case 都會選擇重返校園。

你看看VTC ，有些不用DSE，比完成中三去讀一兩年實用的課程，可定下方向。如果不讀書，這一年可工作先，不理他找類型，純吸收社會人情冷暖。

keroro_lam

Gap year後 AA degree仍可繼續完成餘下的credits ? 還是要由頭嚟過或者leave it to沒有完成狀態？
但現在的GPA是合格的， 完全AA應該可以tran去大學， 須然不是那些100內大學， 但仍有選擇。。現在止步真令我萬分心痛及萬分無奈

Candice1128

keroro_lam 發表於 17-7-29 16:04
Gap year後 AA degree仍可繼續完成餘下的credits ? 還是要由頭嚟過或者leave it to沒有完成狀態？
但現在的 ...

叫他問下社區學院，就著他的case,有冇option 可以商量、考慮一下？餘下未完成嘅學分，可以保留與否？當日他自己想去美國，有責任，自己行到最後，有乜變化，也請他跟學院處理番未達標嘅項目吧！
有齊資料，先可以一齊傾下未來安排嘛！

brother4

gpa如果不錯/好好，考慮用非聯招報本地大學。。但Gpa合格也一試冇妨，希望在人間。。。要留意日子申請。。。

Chole

除非影響健康，否則我不會鼓勵小朋友輕易放棄。

我認識一個學生，在港成績中上，讀完CC之後UC Berkeley 收他讀Year 3, HKU 亦有offer ，當然有出路。

Activehealth

樓主有否考慮過你自己或搵人陪佢番美國，幫佢解決生活上的問題，等佢完成埋餘下課程正一齊返香港？

如果唔係因為成績或健康/情緒問題，依家放棄等於半途而廢，一旦變成習慣，以後就什麼也做不成。

angie_ma

其實在CC完成AA之後, 以我所見基本上一般都可以升上當地大學, 成績好就去Top D既大學, 否則洲立大學會入到. 亦可以用成績報番香港既大學. 所以如果差少少吾讀埋, 真係好可惜架.