改善游泳姿勢

孺子牛

高小女仔, 略懂游水, 但如想改善泳姿, 請問應去何處學習?(沒會所泳池, 西九龍區)
謝謝

無知人

唔知略懂成點。
A. 泳會，參加 改良班，同泳會講你地程度，等佢建議番相應既班。
最大果幾間一定有間係你左近，應該有間在某直資內，唔駛係公眾池同阿毛阿伯果d水中復康健體操浸同一個池。
唔係學校內既就會係附近康民池，如 荔枝角公園游泳池、李鄭屋游泳池、深水埗公園游泳池。
康民池建議只參加 12-1pm，6-7pm休池期間租左線既班。

B. 私教。一般3-5百不包入場費，有教練牌。過千亦都有，呢d資格可能有 HKSAS 二級(一般只考一級，三級可能少見d)，同多過一間機構既資格如 AUSTSWIM、American Swim Coaches、。

呢類唔駛人介紹，除非佢係業界或者識好多教練。
去到你就近既康民池，睇下邊個教練你覺得OK，觀察下佢點教，學員游成點(當然受資質同時間影響)。
好多揾私教都係學一年半載當識游，你見到既可能大部份都係教初學，學員連D3資格都唔到，教改良係咪教到叫做游得似人樣，唔一定分得出。撞彩啦。
睇番幾個禮拜，唔係連續出現既教練可以不考慮，可能不是該池主場。
合意既教練就吼佢完一節行埋去同佢傾同攞電話。