考直資:培基/崇真/滙基(匯基)東九龍/赤柱聖士提反St Stephen

小時了了

人心籌算自己的道路，唯耶和華指引他的腳步。”呢句係阿女升中過程中令我有深刻體會。 千算萬算都唔輪到我打算! 我依家努力學習忍耐及等待這兩樣野, 等3月心儀幾間直資最後結果.

只是自己太執著, 心裏滿心不甘心, 因為自己為咗阿女備戰培基真係經年累月, 準備充足, 當日阿女面試完阿女如何信心滿滿講所有題目都識答, 仲不斷講好想好想讀培基,. 她鍾意培基鍾意到赤柱聖士提反及匯基(東九龍)如果收佢佢都唔讀, 就係鍾意讀培基, 但她在第一、二輪未被取錄. 我對上主有好多 why 的質問. 我仍在學習祂對我 why not 的教導, 自己現在仍在處理情緒中!

呢幾日自己係屋企不斷重覆睇呢條短片: 永不放棄 力克胡哲 正面能量https://www.youtube.com/watch?v=Sy6M655PyQs, 令我加添不少力氣再次站起來. 我理性上知道升中只不過人生中一個小關卡小事一樁不值得一哂, 但情感上我真係要自己去克服及處理負面情緒.

塞翁失馬 焉知非福, 說來容易. 但當事人如我正在經歷中, 唔好受的感覺是真實的, 是要面對的. 我相信兩個月後3月時, 當一切直資結果已成定局時我可以誇口我如何成功地考到… 但此刻的我, 直資未有好好 offer , 我在強忍內心強烈不安及心緒不寧, 在阿女面前又要假裝冷靜, 我仍努力學習克服面對中.




考直資, Band 1考唔到, 反而 B2卻考上了;  Band 1 連面試信都無, 反而 B2-B3 生卻考到了. 真心感受原來學校唔單止係睇成績及面試表現, 仲有好多好多唔知咩野原因會被取錄又或者不被取錄, 真的 "天曉得". 在此向後輩網友衷心叮囑一句: "世事無絕對", 唔好再講 B1 實考到實收, B2/B3 如何如何了!

以下的帖, 網友的遭遇令我有身同感受的難受. 賽事未完, 大家努力, 加油去跑去衝刺啊! 共勉之.

跟孩子們走過升中路https://www.edu-kingdom.com/foru ... tra=page%3D1&page=1
AABBCCabcabc123 #17 …..我都有申請培基, 但是連面試機會都沒有. 我囡囡二呈後老師評band 1, 我們非常失望. 為什麼連面試機會都沒有?

mckong#6 ……囡在校中排band2尾（去年這個時候家長日，我老公追問班主任，確認囡當時屬band3）… #1 囡囡被培基取錄了

培基https://www.edu-kingdom.com/foru ... %B9%E5%9F%BA&page=2
洋蔥頭媽咪#32……..個人意見，培基以收1C-2A生為主，2A生亦不少，除非面試有差池或有其他因素，若以你囡成績收嘅機會相信極高……..(但事實是小女B1B-B1C, 面試時所有題目全部識, 但第一,二輪小女卻不被取錄落空了!)

想問band 3學生叩門有機會去港同？https://www.edu-kingdom.com/foru ... 08243&extra=&page=6
Charlotte_mom#110不善言辭嘅小朋友點都係蝕底。就算唔係港同咁活，學校多數都鐘意all round的多過書呆子。讀書掂ECA掂講野掂，掂晒！

mcl203#111你又講左其中一點係直資收生會睇既重點...

李國寶有 second in letter la! https://www.edu-kingdom.com/forum.php?mod=viewthread&tid=3407854
kachunma #2我有朋友個囡收到reject信(Band1组别既学生)

St. Paul's College https://www.edu-kingdom.com/foru ... 49518&extra=&page=2
232 #24識1個小朋友, 咩特異功能都冇, BAND 1尾, 英文好一般, 外表好MESSY呀媽唔理仔SPC 都收...... 其他同學O晒嘴

Eat_Sleep_Play #26我哋學校都係咁，排全級十幾無得in，排名低過佢的同學全部有得in…..


GHS 已出offer 信 https://www.edu-kingdom.com/forum.php?mod=viewthread&tid=3419361&extra=page%3D1&page=2
isis_dad # 23 Waiting.....好失望...照計用學校上年過去參考/又係九龍城一線私小.....應該好大機會....

義氣仔女 #26 Dont worry 喎, 我女同你女同校, 上年入GH既學生中, 有d名次好後(超過級100), 最後都入左
除左睇成績外, 都要睇下咩特異功能既

isis_dad # 29 咁先失望，明明阿囡成績好一半都入唔到

BNTYA01  # 35 ..... 我女考全級頭1/2都waiting, 可能唔係名小學。


SSC VS 港大同學會 邊個好？https://www.edu-kingdom.com/forum.php?mod=viewthread&tid=3414702&extra=page%3D1
littlecath #3 阿仔運動型，學習band 2頭（自己估計）。兩間都申請咗運動獎學金，已經有SSC offer

Eat_Sleep_Play #8 Band 2頭咁快就已經有SSC offer，真犀利，我哋學校D band 1A嘅同學都未有消息

littlecath # 16 學業水平應該係b2。面試表現可能okay。阿仔話同校好多成績比佢好的都冇2nd in。我估面試表現都幾重要。我有幫佢train interview.

小時了了

剛收到阿女來電通知, 匯基(東九龍)收到2月11日面試信, 無期望就唔會再有失望了

半杯水: 我已有崇真呢半杯水, 我不要只看沒有水的那半水了.

https://www.facebook.com/luke54.org/photos/a.265157343431.137159.258656138431/10154622381368432/?type=3&theater
在網路上看到張文亮的一篇文章，裡面是這麼說的：


上主給我們的都是上好，世界卻永遠在「比較」。..............上主給我的孩子，也是最好的。我不用將孩子去與別人的孩子比較，不因孩子考試的名次，學校的排名，科系的冷熱門，就論斷孩子比較差，比較沒用，比較笨，將來會比較沒出路。如果上主是孩子唯一的路，孩子的未來怎麼會沒出路。


我們常用世界的角度，來比較自己的配偶與孩子，用世界的制度，來衡量自己最親愛的人。一生都在比較，一生都將不滿足。似乎擁有，卻不享有。 ......... 祂知道甚麼是對我們最好的。你不需比較，因為你認為最好的不一定適合你，但適合你的就一定對你是好的！

呢篇文章陪我走過這星期的情緒低谷, 大家共勉之

小時了了

多謝大家鼓勵, 我心情及情緒已經好好多了, 只係今日忍唔住有感而發吧!

舉例: 培基1,200人申請, shortlist 700人. 當培基中一 30人一班開5班即係150學位. 第一階段取錄當700人爭取150學位, 即是 4.6人爭取1個學位 (2月7日前註冊).

又舉例: 第二階段2月7日有人唔註冊, 又當有一半75人唔註冊, 剩返550人爭取呢75個學位, 即是7.3人爭取1個學位 (2月16日前註冊).

如此類推, 越後階段取錄的競爭越來越大, 越來越渺茫. 我好困擾嘅問題係阿女成績係北區熱門一線小學的 B1B-B1C生,  而培基第一階段取錄條件應該係最寬鬆阿女竟然都不被取錄, 我深信阿女一定係有一啲缺點/原因...培基睇到而我及阿女不察覺而不被取錄的. 等, 我一定會 (其實無得我唔等), 只係我依家已有心理作出做壞打算繼續讀崇真了.

P.S. 崇真原本真係無諗住註冊的, 因為當初我止蝕位係培基. 但後來第一階段崇真唔收阿女, 第二階段才收, 我先至恍然大悟一個道理 ---- "世事無絕對" B1生考 B2直資都會考唔到的

小時了了

Yanamami 發表於 17-2-1 14:51
常引用陳sir quote既一句話：
God grant me the serenity
to accept the things I cannot change;
courage to change the things I can;
and wisdom to know the difference.
阿女可以最愛培基，但現实从來係要有planB planC, 真係絕不能非君不嫁~

講開陳 sir, 舊年年頭定年中時係 升中派位 搭訕問如果阿女培基及匯基都收咁點決定好呢? 我好記得陳 sir當日回應我 "求神關門就知道邊間係最啱我女". 呢個星期我都不時想起陳 sir 呢句去面對自己負面情緒

小時了了

tongtongwhite 發表於 17-2-1 17:40
樓主點解唔讀津校，要讀band 2直資？

樓主校網北區重災區幼稚園, 小學及中學都極之唔夠學位, Band 1 好多時派去 B 2 中中. 直資 B 2 都係英中, 而直資 B 2 DSE 成績仲好過北區本區B1 C - B 2 A 官/津校

小時了了

唔好意思, 自己情緒激動咗少少, 回應大家比較燥底咗. 嗯! 不如自嘲輕鬆一下, 自己心情有葉劉酸葡萄嘅心情 --- 其實真係幾心酸!!!


聞特首讚林鄭有擔當　葉劉感觸落淚：我也有擔當


已宣布參選特首的葉劉淑儀早上在競選辦公室會見記者時，被問及行政長官梁振英稱讚林鄭月娥有擔當、有能力，她自己有甚麼優勝之處，葉太回答時一度感觸落淚。

葉劉淑儀說，自己也是有擔當的，例如在處理廿三條上，自己有表現不好的地方，並多次道歉，「亦都問咗責，我係問咗責，自動離開政府，無厚顏戀棧權力，過去10年回到曠野，各位都知我由低做起，出錢出力出心，唔通可以話我無擔當咩。」

她之後感觸哽咽，說有無擔當應該由社會評價，自己絕對有擔當，自己做錯事有承認有道歉，過去10年的選舉是一票一票「拎番來」。

有競選辦成員猜測，葉太感觸或是回想起過去10年選舉工作付出的努力，非常貼地，沒參加選舉的人難以理解。


後加:
Date: 2017/02/14: http://topick.hket.com/article/1661027/?r=mcsdfb%E3%80%80

今日係網文睇到張欣欣呢篇而有啲共鳴依家自己阿女升中境況. 我會有少少字眼改:


"上了岸的, 請不要批評在海中掙扎的人, 他/她們比起任何人, 毫不遜色. 或者你們上了岸的人, 多了那點生得逢時出生率低的運氣及學位足夠的校網"

小時了了

當大家話北區校網差, 我高估自己阿女 banding, 應該唔係 B1; 之前會錯意阿女係B1B原來可能偏向B1C,B1C第一輪其實都係有機會落空; 阿女全港排名係B2; 荃灣某小學 over 50% 都係 B1並唔係B2-B3 諸如此類意見..... 我真係有感觸有痛的.

嗯! 剛才我想起葉劉, 連葉劉咁硬淨聽到特首讚林鄭有什麼什麼優勝之處, 而葉劉覺得林鄭所有優勝之處佢都有嘅喎, 葉劉聽到特首咁樣讚林鄭而有感觸情緒波動時刻, 我當我係葉劉算了.




Remarks:
我女B1B, 網友硬要講我女係B1C 什或是B2, 又硬要提高另一網友女唔係B2C-B3A 應該係B2A-B. 講真, 大家都覺得B1B 培基唔收而收 B2C-B3A 呢件事有啲唔合常理. 大家都好自然地本能反應想方法及理由諗其他原因解釋, 將件事變得更合理及更正常,呢點我明, 因為我呢排都係不斷諗不同理由同自己講阿女有咩野咩野缺點, 其他人有咩野咩野優點所以唔收我女

如果好似大家所講, 我女係B1C-B2A 而另一網友女係 B2A-B, 兩者差距唔遠, 培基唔收我女而收另一網友個女, 咁樣, 成件事就完全唔同晒, 並且變得非常合情合理.

但事實就真係唔係咁麻, 所以我先至要學習順服, 忍耐, 等候嘅功課. 我要克服及處理唔好再問 why, 要安安靜靜去學習 why not 嘅功課.

當美國總統競選希拉里 vs 特朗普, 最後竟然係狂人特朗普當選總統; 當去年大家覺得梁振英會連任特首, 但突然有一日毫無先兆下佢竟然公開宣佈唔再角逐連任特首. 引用周星馳名句: "真係估你唔到". 世界上發生唔合理的事多的是啊

萬事萬物都有主宰, 萬事都有定期, 一切只有信靠, 順服

小時了了

為食仔 發表於 17-2-2 15:30
實北區一線小學一般可有50%以上入讀B1中學，最好的辦法就是看看之前師兄師姐之往績，banding 便可心中有數。
在神(emoji)面，叫我們學習的就是學懂順服、交託、放手！

就係前年係 EK 識嘅同阿女同校嘅網友PM同我講佢仔仔全級約50名培基最後階段通知佢收佢. 而阿女講佢學校舊年B1A級頭幾名師姐有1個考到女拔, 另外差少少B1B嘅有1個都考入赤柱聖士提反




順服、交託、放手 ---- 正在學習中

小時了了

vvmon 發表於 17-2-2 15:37
回覆 小時了了 的帖子

小時，唔好介意我咁講，會唔會係女面試時出了什麼問題？我見你的回覆，講的女都能答 ...

我唔介意.


呢樣咪就係我第一個帖講我領悟到考直資唔單止睇成績收生, 仲有一籃子唔知咩野原因取錄又或者不被取錄囉, 依家大家估估下咋喎. 好多時 EK 網友俾意見時講你係B1 生, 間直資B1C-B2XXX咋喎, 唔難考應該考得入, 又話如果我女真B1 崇真都唔好報, 只報培基及李國寶算啦, 但事實原來未必係咁麻. 情況就好似行政會議成員點解唔批電視牌俾王維基魔童？一般法例及財務條件都符合，但事實就係說不出來的一籃子原因, 原因未明。


面試, 阿女除咗崇真面試自評 IN 得差, 赤柱聖士提反慘不忍睹外, 其他幾間佢話 IN 得好好, 咁多間佢話 IN 培基最淺最好及最有信心. 但事實反而係崇真有 OFFER, 其他仍未有.


我平常心咗少少. 匯基俾阿女自己現場執生考了, 我都費事再為阿女寫什麼英文講稿 why do you choose our school 之類問題, 費時又好似講到我俾好大壓力阿女去考直資.

小時了了

尋日係阿女最後一間直資匯基東九龍面試完，一切要做嘅已做晒了，依家進入另一階段係 "等候、順服"。

回首我係阿女小三時已開始為阿女升中報考直資張羅籌謀。以下9間直資中學我係呢3年內都有參加佢哋嘅簡介會或開放日，而培基什至去了3年3次，匯基 & 中華基金 去了2年2次。

1（赤柱）聖士提反書院; 今年面試題目: 呢間阿女面試面得真係好爛，聽唔明老師問咩，所以寫唔到面試問題。面試係要讀一篇英文，呢篇英文阿女IN 6間直資後話係最難最深嘅一篇。唔洗小組討論，唔洗考中文及數學。

2（觀塘）滙基書院(東九龍) ; 今年面試題目: http://www.edu-kingdom.com/forum.php?mod=viewthread&tid=3417129

3（沙田）香港神託會培基書院 ; 今年面試題目:http://www.edu-kingdom.com/forum.php?mod=viewthread&tid=3411088

4（長沙灣）基督教崇真中學; 今年面試題目: http://www.edu-kingdom.com/forum.php?mod=viewthread&tid=3411090

5（天水圍）香港青年協會李兆基書院; 今年面試題目: http://www.edu-kingdom.com/forum ... ra=page%3D2&page=65

6（觀塘）福建中學; 今年面試題目: http://www.edu-kingdom.com/forum.php?mod=viewthread&tid=3393405

7（小西灣）中華基金中學
8（長沙灣）聖瑪加利男女英文中學
9（土瓜灣）保良局顏寶鈴書院

後加: （將軍澳）播道書院今年面試題目: https://www.edu-kingdom.com/forum.php?mod=viewthread&tid=3418630&extra=page%3D1

係呢9間中，最後我為阿女報考了1至6呢6間直資，而呢6間直資中，排第4志願的（長沙灣）基督教崇真中學係我嘅止蝕位我係會俾阿女讀，第五及六志願係用來面試實習之用，不會讀的。

小時了了

以下係阿女今年考直資時英文部份唯一預先準備及背定的兩題題目內容，其他就靠阿女造化臨場對答發揮喇。

1) Self Introduction （因為自己英文唔好，呢篇都係教友幫阿女寫的, 為尊重教友版權，不便公諸同好了。）

2) Why do you choose our school (St Stephen College)?         

Version 1 (俾阿女姑姐及教友睇後話咁講無阿女賣點, 又唔中 point, 之後惟有重作)

I love your school very much.  I attended the school's briefing session in November last year. What impressed me most was the size of the school. As the school principal said, the school’s size is similar to the Hong Kong Disneyland. How amazing if I can spend my secondary school life in such a wonderful place.

Moreover, I am a sporty girl, the school has so many sports facilities such as swimming pool, basketball court and football field etc. I can fully and freely play these sport facilities.  

At last, I chatted with some senior students on the briefing day and they are so smart, confident and polite. I admired them very much.  I do want to be a member of your school.

Version 2 (呢個似自我介紹, 惟有再修改後再重作)

My name is XXX.  I am studying at the XXXX Primary School in XXX.

I like reading different kinds of books and novels. I like writing, too. I have submitted my writings to the Cotton Tree Children Literature Digest for sharing with other readers.  I won the Young Writers Achievements Awards in 2015 and 2016.

At school, I am so honored to have been selected as a member of both the School's basketball and table tennis team.  I joined the table tennis NT North Interschool competition in the past 2 years and our school team got the 2nd runner up in the competition.  

During summer holidays, I like joining adventurous and leadership camps, like Outward bound and Gideon young soldier camp.  I enjoy being a leader and leading the team to achieve missions.

I would like to join your school, which provides a good atmosphere for me to study and further develop my strength in sports and leadership                                 

Version 3 (Final version)

Hong Kong is an International city, uses not only Cantonese, but also English and Putonghua. The College emphasizes on student’s language performance in English and Putonghua. This will help me to develop toward International and to foster a leader of tomorrow.

I love writing.  I had won the Young Writers Achievements Awards. The College has Creative Writing Project which is guided by visiting writers. At school, I joined the table tennis NT North Interschool competition in the past 2 years and our school team got the 2nd (second) runner up in the competition. I would like to join your school to study and further develop my strengths.

小時了了

Yanamami 發表於 17-2-12 19:52
其实每间学校有唔同持色，作定去答真係唔係禁好。之我我係叫阿女上人地校網瞭解完，揾幾点自己喜欢既野講下 ...

我作嘅係每間學校都唔一樣的，我 Show 來的只係赤柱聖士提反嗰間，其他學校內容當然不一樣，因為每間學校特色都不一樣麻。

考崇真時係講因為崇真基督教學校及12門徒計劃好好所以想讀崇真, 咁，12門徒 (disciple) 呢個英文字都要識讀及識講出來呀麻。

小時了了

Yanamami 發表於 17-2-12 19:52

Yanamami  其实ver3我都睇唔出聖提既特色同点解要揀佢……似乎任何－间英中都啱用~  

因為聖士提反簡介會時校長好強調國際視野及學校好注重英文及普通話，所以我先至咁咋。


而聖士提反其中一樣計劃係出面會請作家來教學生寫作，個人認為呢樣又係其學校一個賣點所以係第二段講囉！

小時了了

唉! 無辦法, 阿女英文無人哋出口可以成文咁犀利, 如果我無預備小小英文題目及答案俾女背定先, 唔怕坦白講, 佢英文面試嗰部份真係唔掂, 真係啞咗只係會答"No, Maybe" 咋 (呢個就係阿女 In 赤柱聖士提反, 人哋用好多時間同佢用英文傾偈, 阿女事後講佢不斷只識講呢兩個字)


P.S. 其實呢，最後阿女無答過 Why do you choose our school 呢題，所預備的無講過一個字，所以阿女IN聖士提反時係口啞啞

小時了了

Bigmowmow 發表於 17-2-12 23:39
你已註冊崇真，咁如果滙基東九和聖堤都比offer 你，你會選那間？

嗯！妳呢個問題我尋日返教會時老實不客氣同牧師傾選校事宜問佢如何明白神旨意？傾咗都有半個鐘！佢俾咗一啲信仰上大方向及現實環境中都要考慮嘅事情 (e.g. Yanamami 都會問阿女 IN 聖堤時都覺得有困難，咁現實阿女係咪真係適合呢？) 唔係講笑，認真的，依家自己真心祈禱中，唔再求強，等候交託中，求神關門及開門。


P.S. 1 正如前文我講過，培基係我個人覺得阿女最啱LEVEL及讀得都會幾輕鬆嘅直資，而我亦花了3年時間去預備培基呢一間直資諗住阿女入硬培基讀的，但神卻在第一、二輪關門。

而匯基其實係我內心一直最最心儀最想阿女讀嘅，但一直覺得阿女成績又唔係太標青，讀匯基係太高攀。另外，純感覺，我一直以來覺得匯基啲家庭比較中產 （培基比較平民啲），我自己自卑咋，我成日同阿女及自己講培基最啱阿女。自從IN過聖堤後，純比喻，聖堤係富豪級如果天父真係咁安排我都會順服俾阿女讀；匯基同聖堤（純以家庭背景比較），匯基唔係我想像中咁中產喎，我都接受到喎。而最後，阿女IN匯基後嘅評價6間直資面試難度，匯基係6間中尾2難（比基祟及培基仲容易，比培基, 亦無咁多要求如睇功課睇手冊咁, 即係唔難，面試容易. 亦可能阿女有咗5次面試實戰經驗先至覺得匯基唔難掛!），英文對答阿女聽得明問咩及答到（雖然答得都唔係最好），原來匯基唔係我想像中咁高攀及遙不可及。(如果滙基東九和聖堤都比offer 你，你會選那間? 都呼之欲出了！)

P.S. 2 依家真係求神關門關埋培基都唔好收阿女，只係開滙基東九和聖堤是旦一間門呢！如果呢兩間最後都係無, 只有基崇收，就讀基崇了。


P.S. 3 匯基 brouchure 寫到明操行要 B+, 但阿女操行卻只有 B.機會, 留俾操行好嘅人

小時了了

小吱 發表於 17-2-13 09:58
請問有冇滙基上年DSE成績既資料？ 我起網頁揾唔到。

問網友 hkpapa852 , 佢有好多呢方面資料的

小時了了

tongtongwhite 發表於 17-2-13 19:19
回覆 小時了了 的帖子
樓主, 可以問下點解無考顏寶鈴嗎?  顏的 DSE 成綪同入U率都唔錯.
我想問下, 係咪一早就唔打算行津校. 因為我仲諗緊!
想知道你的意見當參巧

Q1: 樓主, 可以問下點解無考顏寶鈴嗎?  顏的 DSE 成綪同入U率都唔錯.

2014年我嘅正面評價: https://www.edu-kingdom.com/forum.php?mod=viewthread&tid=2942176&extra=&highlight=%E9%A1%8F%E5%AF%B6&page=1

2016年我嘅負面考慮及擔心 (因我的是女): #35 帖: https://www.edu-kingdom.com/forum.php?mod=viewthread&tid=3403528&extra=&highlight=%E9%A1%8F%E5%AF%B6&page=2

P.S. 顏寶鈴新聞報導過兩單體育老師罪案:
1單罪案係體育老師係學校偷野俾警察拉咗 (2011年體育老師因偷竊被捕) http://orientaldaily.on.cc/cnt/news/20111109/00174_001.html;
1單罪案係體育老師淫學生 (2016年男教師獲撤非法性交罪)http://hk.apple.nextmedia.com/news/art/20160813/19734594)

呢兩單案5年內發生的, 1間中學嘅老師短短5年時間內發生2單罪案, 純個人意見及感覺, 覺得學校管理及老師質素唔係好囉, 老師連基本做人都唔識做, DSE 成綪同入U率唔錯又如何? 我自己信念, 返學唔係單一為學業成績, 真係全人教育的. 套用今年崇真校長 second in 時同家長分享選中學, 選嗰間中學父母係會好放心,好安心, 我嘅心水第一至五志願中學都可以令我好放心,好安心, 但我對顏寶鈴絕對唔放心 (純個人感受及意見而已)



Q2: 我想問下, 係咪一早就唔打算行津校.

係. 因為我女係北區校網唔夠學位. 如果我女係沙田校網的話我未必會考直資, 因為沙田夠學位

小時了了

Bigmowmow 發表於 17-2-14 10:00
小時了了，多謝你既分享。妳並沒有報考中華基金，是否因為距離家比較遠及沒有基督教背景？有沒有其原因？我 ...

中華基金講漏咗, 我其實都係去咗2年及2次, 第一次前年我一個人去聽簡介會, 第二次係舊年一家三口一齊去開放日.


中華基金我同C6都OK的, 奈何當事人阿女唔喜歡, 對學校主打電腦科技 STEM 之類完全無興趣, 同埋, 中華基金面試日期係1月14日或1月21日, 呢兩日面試有機會撞1月14日嘅赤柱聖士提反或1月21日培基, 所以最後無報


學校遠? 唔係問題, 因為都諗住阿女讀中學時會搬近阿女返學地方的

小時了了

耶和華說：我的意念非同你們的意念；我的道路非同你們的道路。 天怎樣高過地，照樣，我的道路高過你們的道路；我的意念高過你們的意念。

我以為要到4月才能蓋棺定論，但今日，少少意料之外阿女升中考學校階段能提早塵埃落定，阿女考／註冊直資進程截止2017年3月10日阿女直資取錄情況如下：

1（觀塘）   滙基書院(東九龍) （第一輪阿女無收到OFFER）
                                                （第二輪3月10日收到OFFER）
                                                （已於 3月13日註冊）

2（赤柱）   聖士提反書院 （第一&二......最終N輪後, 阿女無收到OFFER，7月時收 reject letter）

3（沙田）   香港神託會培基書院 （第一&二輪阿女無收到OFFER）
                                                     （第三輪2月18日阿女收到OFFER）
                                                     （已於 2月20日註冊）
                                                     （已於 3月13日取消註冊）

4（長沙灣）基督教崇真中學 （第一輪阿女無收到OFFER）
                                              （過兩日才收到取錄電話，已於 1月17日前註冊）
                                              （已於 2月20日取消註冊）

5（天水圍）香港青年協會李兆基書院 (第一輪阿女收到OFFER但選擇去崇真註冊)

6（觀塘）    福建中學 (未能進入Second In 階段）


當一切已成定局，回望之時才恍然大悟從前自己問點解點解問題。

問題一：我唔明點解上天要我報赤柱聖士提反? pls refer to: https://www.edu-kingdom.com/foru ... &tid=3307880&page=3 原來就係要IN聖士提反, 阿女才見識到佢英文面試最難嘅一間中學後，當阿女最後一間直資IN匯基時，阿女覺得匯基唔係我呢幾年成日講嘅咁深咁難，唔會考到及讀得黎，聖士提反嗰啲先至最難及讀唔黎，反而佢覺得IN匯基係IN咁多間最好最容易嘅。而呢次面試後完全改變阿女對匯基從前負面印象及鐵定唔會讀匯基嘅諗法，原來匯基唔係我成日講咁高不可攀讀唔黎，反而聖士提反嗰間先至係讀唔黎。最後成為阿女最想讀嘅係匯基呢一間，唔係我一直信心軟弱只打算讀培基嗰一間。

問題二：當初我發狂發顛咁係呢一個帖問點解培基第一及第二輪唔收阿女？天父知道我應承咗阿女, 如果培基收咗阿女，阿女唔想去面試唔想讀匯基就算吧! 阿女亦講培基收佢佢係唔會去匯基面試。正正因為培基第一及第二輪唔收，我及阿女惟有去匯基面試.


6年小學生涯將過去，阿女未來將會由佢自主自決，如之前網友鼓勵我：不要怕，只要信！要憑信心去信靠天父，過程唔好受及唔容易，我亦曾軟弱跌倒、苦毒、發怨言、無信心.....但經歷神好深刻.

以上係我女升中嘅經歷, 願大家升中路上互之！

以下係陳 Sir ANChan59 仔仔升大學嘅經歷, 大家對上天嘅安排同樣有相同體驗: 祂 給你最好 .... 超乎所想所求.... 未必是他的最好 ..... 但 祂 知道，這是對他最好！https://www.edu-kingdom.com/home.php?mod=space&uid=107125&do=blog&id=14878

小時了了

嗯! 自己係上星期五晚係呢度報告最新阿女考直資學校情況後一直唔再回應大家嘅厚愛及一直以來嘅鼓勵支持, 因為想呢個帖快啲沉底, 因為我知仲有網友仍在左盼右望, 日日在等心目中心儀直資嘅取錄信嗰份無了期等待, 嗰份煎熬係幾咁痛及難耐, 我唔係好想太高調去回應及表達我嘅喜樂. 但係, 你哋網友實在太可愛, 太 warm 喇, 呢個帖唔斷氣不斷浮面, 咁我都豁出去喇, 回應大家嘅祝福.

我係度好想好想同 hkpapa852 講對唔住, 我係1月尾時阿女係直資收生情況最壞情況下及我情緒係歇斯底里下係網上罵他, 怨他, 但他好大量, 不記我小女子過錯, 仍支持鼓勵我叫我睇 荼蘼 | Viu: http://www.viu.com/ott/hk/zh-hk/vod/29298/荼蘼 (仍未睇, 阿女呈三後一定睇), 呢個爸爸氣度

另外, 我係2月時係前面幾頁對網友有非常重嘅怨氣怨言, 我好想係度衷心講對唔住, 因為當時自己ＥＱ及情緒真係係谷底。