數學差可以點攪

retriever

其實所謂有時9 字頭，有時8 字頭意義唔係咁大。當然有媽媽在意分數係至關重大。

小學基礎數學，最緊要係數量慨念。但而家既數式化教法，好多時未明數量已經計好多。

明左數量慨念，加減乘除分數值樹甚至代數都唔係問題。

另一係要細路多習慣動腦筋。一係儘量唔好急於提供結果(無論跟數學有無關係), 二係多動腦筋遊戲，由最簡單開始，譬如啤牌遊戲。

retriever

bb鼠 發表於 17-1-23 10:20
問佢佢會識講出嚟，但通常落手做就另外一回事

唔明。

咩叫識講出來？

一步步做出來先睇到佢識唔識喎。

retriever

bb鼠 發表於 17-1-20 08:56
唉我女4科都有呢d大意嘢，有得抄抄錯
明明好簡單的，佢唔係直接諗
王家爸爸講得啱，我女慨念有問題，因為 ...

佢回答有咩慨念問題？

retriever

bbforever 發表於 17-1-21 23:39
數感弱…

其實大家講既數感，係指咩？

retriever

hoihoima 發表於 17-2-1 09:43
以我仔為例，數感十分弱，即是對數字的敏感度很低，數字與數字之間找不到連貫性。例如佢到了四年級，俾佢兩 ...

"俾佢兩個五位數比較大小，佢都會錯。有些算式可以前面和後面的計算先做（例如前面有個22，後面有個除以11，可以先做等於2），會快好多，但是佢會睇唔到，只會順住做，搞到運算變得好複雜又容易錯。"




這是否正正是未攪清楚 "數量 概念, 而太早視數學為處理數字和數式的處理?

retriever

hoihoima 發表於 17-2-1 19:18
我仔的幼稚園和小學課程都很注重理解和學習“數量”的概念，有點不明白做少了什麽。
...

相對的。可能數量慨念接觸(生活上的練習)不夠多，或者反過來做數字題過早太多，e.g. eyelevel

老實講，幼稚園有時都會教壞手。我細路K2 時跟我出去行走江湖，常幫計埋單俾錢找錢無問題，根本唔需要咩嘢借位概念，幾多次個位都係咁計。但後來學校教直式橫式，佢少少野都企係度，因為佢腦內唔係數量，而係畫面化既直式，所以計出來成日對錯位。

retriever

bobbob 發表於 17-2-2 16:24
即係平日計數無問題，學校教用算式運算反而唔理解？照計once理解咗數量概念無理由用算式反而唔明㗎 ...

問題係學校點教算式，個位十位百位咩意思，進位借位咩意思。如果當好似一個表格或者數式去教，係好難明。變成淨係對位借位。

好多細路問： 點解借左唔駛還。

另外係數量概念有幾堅固。十位即係十個一組，如此類推，而家細路少用現金，甚至少機會幫屋企買野，可能更難明。