CAC評估結果

wendyb1121

請問cac既評估系咪準架? 小朋友3歲評估左，話好正常，結果系比實齡超一年，不過昵2個鐘就真系好合作，好定，醫生話系超級乖既小朋友(我都o嘴)，因為平時一定唔系甘，活躍d, 專注力同耐性差d。身邊d人見到都覺得太過好動，無時停，有時d電多到放唔晒。可以7點起身，返左學，如果下午出街，可以唔訓，到夜晚10點訓。搭車一系口唔停，手唔停或者腳唔停。就算唔系好明顯嗰隻，我都系覺得有d輕微。

bestwish

我都相信會有偏差, adhd唔可以靠驗血或其他可以界定有定冇。我仔都會係屋企同學校都是好大分別。 評估當日心情好, 好合作, 報告有偏差唔出奇。 不過又唔太需要執著個REPORT,  如果唔太影響日常生活社交同成績, 就算係ADHD都無需要太特別去跟進及治療。

wan_sosin

wendyb1121 發表於 16-11-25 00:01
請問cac既評估系咪準架? 小朋友3歲評估左，話好正常，結果系比實齡超一年，不過昵2個鐘就真系好合作，好定 ...

樓主，你形容嗰D情況真係好平常的小朋友，只得3歲，當然無時停，無時停唔緊要架，又未係破壞同危險野，出街唔瞓好正常，我仔未夠兩歲，平日已經要迫先瞓到晏覺，過咗兩歲已經迫都迫唔到，你小朋友3歲去見醫生已經識乖乖收斂去合作，點會唔係乖嘅表現，樓主你不用太擔心。我仔4歲時去CAC，四圍走，房門都入唔到，要姑娘同我一齊拖佢入去。
你慢慢再觀察下你小朋友先啦!有問題的話，學校老師都會出聲。