德萃小學倡愉快學習 考試不計名次

elbar

德萃英文科老師生動地演繹外國故事書的情節，吸引學生閱讀英語。

　　(星島日報報道)以英語為主要教學語言的私立學校德萃小學，舉行小一簡介會及開放日。德萃下學年將設三班小一，每班最多二十九人，全年學費六萬八千二百元，分十一期繳交。校長陳志超強調，希望學生在愉快輕鬆的環境學習，會安排家課堂讓低年級學生在校內完成大部分的寫作功課，避免再在家中趕作業。

　　設有幼稚園的德萃小學，今學年開小一至小三級，校長陳志超稱，下學年將設三班小一，每班最多二十九人，合共提供八十七個學額，當中三成撥予德萃幼稚園學生直接升讀，其餘將取錄校外生。學校昨舉行簡介會及開放日，上午兩場簡介會有逾三百家長及子女出席；校方又開放課室、音樂室和科學資訊室等供參觀。

　　陳校長稱，學校採用小班教學，每年學費六萬八千二百元，分十一期繳交，雜費六千元，分兩期繳付。學校主要以英語授課，中文課以普通話授課，每星期設三節其他學習體驗課，科學獨立成科，採用外國教材，並設跨學科（STEAM理念）的作業，以培養學生的探究精神。

　　德萃小學的教材除了有老師編訂的校本版，有些科目還採用外國書籍。校監張灼祥認為應該從小培養學生的語言能力，又計畫為高小學生培養第三種語言。

　　申請表格可於學校網站下載或到校領取，遞表下月七日截止，面試下月八日展開至二十六日止。所有合資格申請者及家長都獲安排參加面試，需時約三十至四十分鐘，以英語及普通話或粵語進行，內容主要環繞申請者的日常生活經歷體驗及解難能力等。學校不要求亦不鼓勵家長做作品集（portfolio），認為幼稚園成績表已足夠反映學生的能力。申請結果會在十一月二十九日以信件和電郵通知家長。

　　陳校長強調，學校重視品德和學術，亦希望營造關愛的文化。他希望學生在愉快、輕鬆的環境學習，所以不設小過、大過、罰留堂或踢出校的制度，考試亦無名次之分，「入德萃的小朋友不會被放棄，而是共同參與學習。」

　　至於功課要求，他說每日設一節班主任及家課堂，歷時五十分鐘，目的讓低年級學生在校內完成大部分的寫作功課，有不明白的地方就問老師，「其他就是一些延續鞏固式的功課，約三十分鐘內能夠完成」，以便放學後有時間與家長一起玩、看課外書，或上網研習。

mcdonn

elbar 發表於 16-10-24 08:52
德萃英文科老師生動地演繹外國故事書的情節，吸引學生閱讀英語。
　　(星島日報報道)以英語為主要教學語 ...

哦...等用家意見。

hkpapa852

elbar 發表於 16-10-24 08:52
德萃英文科老師生動地演繹外國故事書的情節，吸引學生閱讀英語。
　　(星島日報報道)以英語為主要教學語 ...

普通考試計唔計名次唔重要, 唔知日後呈分有冇呈分名次俾家長呢?

不過, 學校可能都未知咩係呈分名次.......

Soundervolt

hkpapa852 發表於 16-10-24 09:33
普通考試計唔計名次唔重要, 唔知日後呈分有冇呈分名次俾家長呢?

不過, 學校可能都未知咩係呈分名次....... ...

一般新校未考過Pre S1，会唔会係變成33%B1、33%B2、33%B3?

hkpapa852

Soundervolt 發表於 16-10-25 00:18
一般新校未考過Pre S-1，会唔会係變成33%B1、33%B2、33%B3?

EDB既答案係好玄:

http://www.edb.gov.hk/attachment/tc/edu-system/primary-secondary/spa-systems/secondary-spa/general-info/SSPA_QA_2014-16_c_Final.pdf

參考P.3問答(1), 以下是節錄相關資料:

問(1)	教育局如何調整學生的校內成績？
答(1)	2014/2016派位年度的統一派位採用學校在2014/2016派位年度的統一派位採用學校在2012年及2014年「中一入學前香港學科測驗」抽樣所得的平均成績作為調整工具。那些沒有2012年或2014年「中一入學前香港學科測驗」抽樣成績的小學（如新校），會以該校所屬學校網內所有小學在該年度有關測驗的平均成績作調整。

用平均成績去計點解每個band會唔係1/3? 去呢度睇吓個舉例:
http://www.edu-kingdom.com/forum.php?mod=redirect&goto=findpost&ptid=3279383&pid=43009566&fromuid=1389083

但如果用另一種計法, 又會變到係1/3, 參考吓:
http://www.edu-kingdom.com/forum.php?mod=redirect&goto=findpost&ptid=3279383&pid=43011072&fromuid=1389083

邊種方法先啱? 我唔知, 只有EDB知. 但如果一定係1/3, 我會頃向相信EDB直接話係1/3, 唔會話用"平均成績作調整"。

NeoMom

相中件校服咁鬼似女拔果件!

Felix223

elbar 發表於 16-10-24 08:52
德萃英文科老師生動地演繹外國故事書的情節，吸引學生閱讀英語。

　　(星島日報報道)以英語為主要教學語 ...

早輪問過一個用家朋友佢小朋友就讀小一情況，真的好讚這學校的教學方法。大部分功課都在學校完成，又會引導小朋友自己對閲讀有興趣。我個朋友非常滿意。

hkpapa852

Felix223 發表於 16-10-25 13:43
早輪問過一個用家朋友佢小朋友就讀小一情況，真的好讚這學校的教學方法。大部分功課都在學校完成，又會引 ...

其實我識唔少一二線官津小學既小朋友, 佢地大多數都可以係校內既功課堂完成8成以上既家課, 咁當然未必100%啱晒.

所以可以係校內完成功課, 其實我唔覺好特別.

Felix223

hkpapa852 發表於 16-10-25 13:53
其實我識唔少一二線官津小學既小朋友, 佢地大多數都可以係校內既功課堂完成8成以上既家課, 咁當然未必100% ...

都係, 畢竟我唔係用家, 每人想要的不同, 之前我見我朋友咁BUY呢間, 咪再8下, 我都問過新油天用家朋友都係差不多情況, 其實都係好睇小朋友會否自動覺做功課.

hkpapa852

Felix223 發表於 16-10-25 14:00
都係, 畢竟我唔係用家, 每人想要的不同, 之前我見我朋友咁BUY呢間, 咪再8下, 我都同過新油天用家朋友都係差 ...

假如:

有用家甘願冒險去讀呢間新校, 但未夠兩個月就有投訴, 咁我只會用呢兩個字去形容間學校: 執得!

mcdonn

hkpapa852 發表於 16-10-25 14:02
假如:

有用家咁願冒險去讀呢間新校, 但未夠兩個月就有投訴, 咁我只會用呢兩個字去形容間學校: 執得!

其實要睇多數年，睇下到高小係乜情況先見到真章....

hkpapa852

mcdonn 發表於 16-10-25 14:13
其實要睇多數年，睇下到高小係乜情況先見到真章....

新校的確要俾時間佢去表現, 不過個人感覺係: 校監到校長, 都似做生意多於辦學.

Soundervolt

NeoMom 發表於 16-10-25 09:50
相中件校服咁鬼似女拔果件!

好大分別，藍色邊改為深灰色.....

melody228

真心想問，唔好計校名，點解連套校服好似熟口熟面咁？
點都好，希望佢地真心辦學，為新界區的家長提供多一個選擇啦~

sissysze

其實肯定佢可以繼續用呢個中文名？唔係比人告緊嘅咩？

kvvvcheung

Felix223 發表於 16-10-25 14:00
本帖最後由 Felix223 於 16-10-25 14:22 編輯

都係, 畢竟我唔係用家, 每人想要的不同, 之前我見我朋友 ...

油天都少功課?是初小嗎？小朋友快手?

Felix223

kvvvcheung 發表於 16-10-26 11:38
油天都少功課?是初小嗎？小朋友快手?

新油天，我不是用家，我的朋友自己有2個女女，一個小二，另一個是K3（下年會讀）。佢話功課一般都算0k，因個大女自己會有d學生做了，返家又自己做完，學校課外活動頗多，他第一年幫個女參加多項，發覺不對勁，大家都辛苦。他今年只是幫個女參加一項課外活動。

retriever

hkpapa852 發表於 16-10-25 14:02
假如:

有用家甘願冒險去讀呢間新校, 但未夠兩個月就有投訴, 咁我只會用呢兩個字去形容間學校: 執得!

其實香港地多唔多無信仰背景，但都可營運多年既私校？

蘇淅九小當年係右派以宏揚/保存中華文化為己任，某程度都係一種信仰，在建校初期吸引追隨者。

hkpapa852

retriever 發表於 16-10-26 12:40
其實香港地多唔多無信仰背景，但都可營運多年既私校？

蘇淅九小當年係右派以宏揚/保存中華文化為己任，某 ...

除咗KTS同CKY, 仲有較另類既自然學校同地利亞, 其餘無宗教既, 都係以國際學校型式運營, 如弘立, VSA, 啟新, 方方等.