發展遲緩？

roy_ming8374

細囡8月尾兩歲，係前幾個月開始我發覺細囡唔肯講野。經過去健康院後醫生話要轉介。而家約左8月頭去排期。我好擔心，唔知點算。

16-7-21 11:44 上傳

下載附件 (45.65 KB)

DollyCC

去評估先，有事盡快訓練。都5使太擔心。

Sask999

小朋友什麼原因令你感到擔心？講野慢？行為／情緒失控？

roy_ming8374

唔講野

Sask999

女仔快2歲都唔講野，真係要注意下。平日邊個照顧？聽唔聽得明指令？

Sask999

原帖由 Sask999 於 16-07-28 發表
女仔快2歲都唔講野，真係要注意下。平日邊個照顧？聽唔聽得明指令？

如果可以自己出去揾一些言語治療做，排政府起碼要一年至年半。

roy_ming8374

平時自己照顧，佢唔係唔講，少講仲有好多bb話，指令就一半半

roy_ming8374

囡囡會叫媽咪爸爸姐姐嫲嫲。歲半後仲肯叫爺爺同跟我口水尾，但呢幾個月完全冇進步。我發覺佢越來越少講野。去健康院見完醫生話佢少眼神接觸，指令麻麻。所以轉介去下葵涌評估。但暫時約八月頭先排期。我己同先生商量去協康會評估

1092967470

我個囝之前都係遲缓，比同齡遲半年至1年，直到5歲才可以講短句子，遲缓小朋友有時會有其他問題出現，家長都係早点帶小朋友去評估，對證問題跟進

roy_ming8374

請問仔仔現時幾多歲？說話有冇多？我已排政府同私家做評估

1092967470

我仔現8歲，升小三，說話好多，但表達也不及同年小朋友，學校有社工和言語治療師跟進。家長要努力配合，當然如果只是言语問題，家長不用太擔心，但因你小朋友還尚小，要留意其他問題，預早針對治療才是最好的

roy_ming8374

謝謝你 ，因為身邊冇相同經歷得媽媽。所以當知女兒要評估時非常傷心及難過。完全無助。我1號會去排政府評估亦排協康會。我諗住兩邊都排，已最快做到評估等女兒可以有適合治療。

roy_ming8374

唔好意思，想在問問仔仔是否幼稚園到小學都讀主流學校？因為女兒今年都要報名讀下午K1,謝謝

DollyCC

我囡18個月評遲緩，當時識行但腳尖行，成日跌，唔識講野，玩具無興趣，有眼神。當時我地覺得問題不太，但照排特殊位，由2至3歲做訓練覺得進步好少 又發覺有失神抽筋（好似恰眼瞓，1，2秒就正常），食藥改善不大，到3歲發現藥物不合，轉左藥，明顯醒左，進步快左，當時得單字。呢半年仲發現到有新陳代謝病，改左飲食。而家4歲進步加快開始句子，雖然唔準，鄉下話禁，但起碼估到。所以除訓練都要留意小朋友有無其他問題。我在特殊讀發現好多小朋友有抽筋，款款唔同，唔係我地想像瞓地反白眼，有時好似發惡夢又係，呆一呆又係。真係呀媽先會知，我之前比過幾個醫生睇都睇唔出。
所以訓練要做，原因亦要盡力搵，但進步多少平常心。唔好比自己壓力太大。

1092967470

回覆 roy_ming8374 的帖子

難過一定有，不過不要给自己太大壓力也不要自責，每個小朋友發展不同而矣。我仔n1也是主流，刚好上k1時排到I位，我仔係k1-3呢3年好好彩，幫助好大，自理能力好好，相比我大仔成绩和禮貌，他還更好。现在也是主流學校

roy_ming8374

謝謝你們每一次的回覆。因為我是全職媽媽、每日看見女兒都覺得很心疼，會想是否我令女兒變成這樣。先生開解我叫我放鬆心情，等女兒做完評估後就開始適合治療。

roy_ming8374

去左下葵排期，姑娘話要排9個月至一年。而家睇下協康要排幾耐

roy_ming8374

原帖由 psad2 於 16-08-03 發表
你去仁安醫院排最快Assessment.  不要浪費時間

直接打去仁安做評估？請問有冇網址？幾多錢左右？做完仁安評估可以俾份評估政府社工？謝謝