贏在中途站

dativebond

點解個個都話贏在起跑線，乜春都學，又非洲鼓又盛，入到好中學又點？唔見得一定入到好大學，雖然因為朋輩關係個機會係大D。同埋，入到好大學又點？係呢個社會要成功（除左要專業資格果類）往往最重要都唔係學歷，極其量只係一張入場卷，要成功其實講到尾都係個人醒唔醒和態度，唔係要讀書叻。

不過講得太遠，我就只集中講入大學呢個中途站，因為我雖然唔完全認同，但我相信大部份家長最終講所謂「贏」或「輸」都係講呢方面。

個思路而家成日話要入好大學就要入好中學，要入好中學就要入好小學....如此類推，推到要計埋出生月份？但其實要入好大學係香港既制度真係唔駛你入好中學，你考好DSE就得。

其實大部份小朋友最後都係考DSE，點解唔係小學或初中就開始教佢入面一D key concept，譬如經濟學既供求、生物學既身體結構運作、物理既光學。。。等等？

譬如如果我以前讀理科咪買本而家既DSE Physics Chem Bio自己重溫下，之後諗個有趣既方法同佢講。又例如科學館有個鏡子館，其實咪就係講緊高考物理學既光學囉，佢玩緊既時候又可以同佢講下唔同鏡子的原理，唔係玩完就算，都唔知背後原理。

唔駛講得好深，但概念要準確，簡單既概念應該會有少少入左小朋友個腦，佢地學野咁快。當十萬個為什麼咁講，或者當係故事咁講。讓小朋友唔駛係高中先勁趕先學，連past paper都唔夠時間做，又無時間比佢沉澱知識。呢樣先係贏在中途站。

反而細細個真係要玩多點，運動多點，學術上只有中英數最重要，打好根基，其它學科真係唔一定要好高分，最重要佢讀書讀得有成功感。

其實我咁諗係咪已經好怪獸？

dativebond

頭先我睇初中版，反叛、打機、睇電視、手機、hea、欠交功課、講野有骨，初中生乜都齊，好恐怖。。。
我未到果個階段真係講多錯多。。。

dativebond

其實辯論隊好好，對理解人地說話內容、分析問題、洞悉對方說話漏洞、以例子作支持、表達能力、說服別人既能力好有幫助，唔單止對考試有用，根本對佢成長、䌽來工作都好有用。
我之前話人越大、學校影響越細其實只係大致啱，有例外。我會考時唔夠分入原校，中六去左一間band 3學校，遇到一個好勁好有心既中文老師。佢本身細個鍾意玩唔讀書，重考升大學，一級榮譽畢業，本身呢個例子都好動聽。但呢個唔係重點，重點係佢教我地分析時事政策利與幣，點樣定義題目，準確講中問題核心，以大量例子說服對方。呢D能力都來自佢大學的辯論隊經驗。我受益非淺，呢D唔單止幫我考試，更改變我思考的方法，甚至我大學時寫論文都能運用呢套思路。所以好老師遇到要珍惜要感恩。而家過左十幾年，其實我都仲好感恩。

shadeslayer

原帖由 MASAYA 於 16-07-14 發表
初為父母，大家都有一半經驗，以前作為子女成長既經驗，另一半作為父母既經驗都係缺乏，大家都係從學習中成 ...

小女11歲左右時，我覺得辯論啱佢玩，建議她參加學校的辯論隊，但不知為何她不肯試，無論如何也不踏出第一步。一年後，見到一個校外辯論活動，叫她參加，居然肯去，一年下來，進步平平。後來忽然突飛猛進，被選去參加大學級辯論賽，還得獎。而家辯論成為她最愛活動。我發覺原來她不參加學校辯論隊，因為老師不太友善，只專注叻的同學。後來突飛猛進，原來有一位好勁又好識教的老師。

大人又好，孩子又好，對一件事有熱情，專注，就會做得好。但要看際遇，有沒有啟蒙老師。沒有啟蒙老師，有天分有興趣都無用。啟蒙的可以係同學，老師，父母長輩。

dativebond

咁我十年後先番黎啦。唔好意思，麻煩到你你。。。

HKTHK

If your child is indeed 15 months old, good luck and enjoy fatherhood. Long way to go. Look forward to your sharing in 10 years time

dativebond

我理解目標可能隨佢成長以改變，人生始終係佢既。我真係明架。不過我不嬲都係咁hope for the best, prepare for the worst.

dativebond

閱讀就一定要啦～我都好中意睇書～我欣賞呢樣野，對佢終身學習都好。但往往感覺好似隔靴搔癢，到喉唔到肺。明明我知未來佢要考DSE，我緊係私心想或多或少佢可以閱讀相關既野啦，你反正最後都會讀。其實科學既雜誌可能啱，但佢連高考好簡單既概念都未聽過又點睇得明，我都驚佢比一D佢未接觸過既野嚇親，以後唔睇架嘛。呢樣先最難。。。

MASAYA

dativebond 發表於 16-7-14 16:38
如果由我講歷史就大鑊，好可能講左三國演義孔明借東風，甚至講野史，越搞佢越亂～不過我都諗住講科學架啦， ...

初為父母，大家都有一半經驗，以前作為子女成長既經驗，另一半作為父母既經驗都係缺乏，大家都係從學習中成長，子女成長唔會百份百跟你劇本去長大，可以有目標，但唔好定得咁死

dativebond

如果由我講歷史就大鑊，好可能講左三國演義孔明借東風，甚至講野史，越搞佢越亂～不過我都諗住講科學架啦，佢真係唔想聽咪算囉。但講到佢唔想聽個親子關係都可知一二。。。唔會咁差卦？

MASAYA

每個小朋友都係獨立個體，我個適用又未必代表你個適用，所以重點交流方向，至於方法，除非有具體問題，否則好難講，九樓我有講過一個

呢度既家長，主流意見都係閱讀，閱讀係基本，不過唔係唯一

dativebond

如果佢對科學無興趣，經濟學，簡單既供求定律，歷史館講歷史？我唔係文科，不過好在老婆係。
除左我呢種咁單向既方式，其實都未必能勾起佢興趣，好可能聽完就算。
有無乜仲可以勾起佢興趣？

dativebond

原帖由 MASAYA 於 16-07-14 發表
讀書只係學習其中一部份，學習只係教育其中一部份，教育只係人生其中一部份。將讀書無限放大，乜都由上而下 ...

想請教點樣令個仔女由內以外，發自內心去學習，我都好想知。 我仲諗住係科學館講多D可勾起佢興趣，想引導佢對科學有興趣，唔係入完寶庫乜都get唔到。 請講多點方法？謝謝。
我入黎講咁耐其實等人分享多點方法令小朋友對學習有興越，自發去鑽研，追求卓越。但可能我講野技巧差得交關，無野分享，只有抨擊。
謝謝你Masaya，終於講到我最想知既野～

MASAYA

dativebond 發表於 16-7-14 16:19
想請教點樣令個仔女由內以外，發自內心去學習，我都好想知。
我仲諗住係科學館講多D可勾起佢興趣，想引導佢 ...

呢個係其中一個方法，但係，如果子女對科學冇興趣呢？你打算點？

dativebond

想請教點樣令個仔女由內以外，發自內心去學習，我都好想知。
我仲諗住係科學館講多D可勾起佢興趣，想引導佢對科學有興趣，唔係入完寶庫乜都get唔到。
請講多點方法？謝謝。

dativebond

原帖由 MASAYA 於 16-07-14 發表
讀書只係學習其中一部份，學習只係教育其中一部份，教育只係人生其中一部份。將讀書無限放大，乜都由上而下 ...

好有道理！

MASAYA

讀書只係學習其中一部份，學習只係教育其中一部份，教育只係人生其中一部份。將讀書無限放大，乜都由上而下餵晒入咀，其實同呢十幾年主流操練、早教有咩實質分別？點解好似發現新大陸咁？子女唔識伸手去學？下下要切碎晒去餵？對仔女咁無信心？引導子女由內到外，發自內心去渴求知識，花既時間心血唔見得少囉。回報係乜？一個獨立既人。

dativebond

係咪真係對個仔咁無信心呀？唔好比題目呃到。「贏在乜乜乜」噱頭啫。
係小學初中階段講多點比小朋友知都比人話痴線，唔係叫佢操卷喎，唔係叫佢考試喎。
我都舉過例，係咪咁難理解？我個例子係科學館入面個鏡子館其實就係高考物理科既光學範圍，你講既佢知點解望自己會上下掉轉，原來原理係咁咁咁。又或者個仔問點解天空係藍色？原來係折射，跟住再解釋。點解的士係紅色？原來係反射，跟住再解釋。我唔覺得會咁樣對佢有害，我又唔係考佢。一次講唔明咪下次又講囉。如果咁都唔講得，咁科學館都唔好有鏡子館啦，或者高中生先入得？其實除了鏡子館，佢每一部份都關高考物理科事，譬如wave, electromagnetics。咁唔講得，咁科學館存在音人義係乜？只係玩樂？

HKTHK

唔鍾意"贏在起跑線"? 咁樣就不如改為"癲在起跑線"啦, 小學就學晒DSE考嘅嘢! 乜嘢child development, 學習興趣, .... 都唔好理, 有分數咪得囉

dativebond

做家長其實好大學問，其中一個就係介入幾多，完全介入佢唔識自己飛，完全唔介入你又浪費了自己的人生經驗，始終，你比小朋友更了解個社會點運作，咩野對佢有利。
講就易，行就難，咁介入幾多非常難拿捏。我暫時既原則係佢每做一個選擇都會同佢分析好處、壞處、風險和後果，佢認真諗過都堅持自己果套，只要唔死得人唔犯法唔係無得補救，我會尊重支持。因為我既諗法講真都未必一定啱，只不過啱既可能多一點點。未來，佢做左選擇，有好後果當然高興；有壞結果都係一種人生閱歷，最緊要佢有認思考過做既決定，無怨無悔。唉，不過都係知易行難，但做家長要謹記囉。