自行面試時, 學校問揀佢地第一定第二, 應該點答?

sammag

自行面試時, 學校問揀佢地第一定第二, 應該點答?
你地小朋友點答, 結果收唔收?

little_yolky

sammag 發表於 16-5-20 12:17
自行面試時, 學校問揀佢地第一定第二, 應該點答?
你地小朋友點答, 結果收唔收?

學校會咁問咁奇怪?

ppmmbb

教局唔比中學知，中學問算違規嗎？

Yanamami

奸~~不如答：最終決定係mami度，我只知in呢两间~

hkpapa852

Yanamami 發表於 16-5-20 12:36
奸~~不如答：最終決定係mami度，我只知in呢两间~

不如答: 我只係填咗我心儀個間

(不過我無話我只得一間係心儀)

mcl203

原帖由 hkpapa852 於 16-05-20 發表
本帖最後由 hkpapa852 於 16-5-20 13:15 編輯

另1間边個負責填??

mcl203

另一間係媽咪填

celiaw

我個女面試都有問: 有冇揀其他學校?
個女答: 有呀! (面試學校仲問埋邊一間添! )
不過個女自己加多一句: 都係你哋呢間學校好D!

Yanamami

唔好講大話，学下英国佬講野，答完等於無答……

jackjackwin

朋友個女自行間學校真係有問, 仲問佢: 咁你鍾意邊間? 小朋友諗咗一陣答: 我兩間都鍾意

Lavonne

其實學校為什麼要問？

YmOra

Lavonne 發表於 16-5-20 15:11
其實學校為什麼要問？

策略:
以Band1中學為例,由於出生率底,學校只要作少少技巧策略便有機會多收幾個適合學校條件的B1生,假設該中學有5個B1b學生皆合乎他們收生條件的,我會估計自行階段某些中學有可能會有以下收生策略:

該中學在自行收生之收生取錄次序如下:
A. 盡收B1a學生
B. 先收數名B1b學生且自2選了這校
C. 再排,收取數名B1b學生且自1選了這校

這例子中,若然策略成功的話,((("A"/"B"/"部份或全數C"類)))學生都在自行被取錄,成功便可多收B類學生,此類學生也是乎合學校想收的人才,此策略也可以擴闊收取B1a和B1b生的機會,若然不如人意情況發生,部份C類學生未能成功在自行順利進校,中學也有信心估計學生會把學校放進甲1/乙1增加入讀率,因為自1有選的九成九人都會在甲1/乙1選番佢哋嘛!真唔好彩,放榜一刻發現連大抽獎都落空,學生和家長不明不白為何某某同學級名次還差佢一兩名,就連選該中學也是放自2不及他們放自1,都順利派入該中學而自己就落空,順理成章學生一定會去該中學叩門,而其實該中學一早有此策略就已經有後著處理,他們已預留叩門位給予這數名C類學生,若然中學把B類學生和C類學生倒轉作取錄次序,B類學生在叩門階段只會放他們自1所選中學為其首選也.

sammag

我仔幾個師兄師姊話有學校問過...

papa71

Lavonne 發表於 16-5-20 15:11
其實學校為什麼要問？

其實我只會簡單地諗,純粹考下小朋友應變力... 會唔會閃閃縮縮欲言又止咁.

睇中個學生,就自然會收架啦... 我又唔覺話,剩係揀一間學校(或者排首位)會加分
唔通個學生啱晒可車,但佢排間學校第二,咁學校就唔揀佢咩 (又或者香港方丈特別多)

不過好多朋友都話我"好天真好傻"...

metrochung

原帖由 hkpapa852 於 16-05-20 發表
本帖最後由 hkpapa852 於 16-5-20 13:15 編輯

取巧。 答了好似冇答，但又答咗

ANChan59

好快 "語言偽術" 變成必修科！


唔止中學，大學面試都問過阿仔類似問題，阿仔答香港GBus只報科大(因為科大才這樣叫！），海外报了劍橋，個教授儍傻地問佢劍橋及科大選邊間？阿仔笑笑口反問佢會選邊間，大家一齊爆笑！

myzoe222

回覆 YmOra 的帖子

其實好似自行派位時中學應該唔知道學生BANDING, 只會有教育局提供所申請學生嘅分數.
中學分唔到B1A, B1B 抑或 B1C.

如有錯, 請多多包涵.

gracelam

原帖由 sammag 於 16-05-20 發表
自行面試時, 學校問揀佢地第一定第二, 應該點答?
你地小朋友點答, 結果收唔收?

中學係唔會問，我囡in 兩間都冇問過!! 其實問左都冇意思，揀佢第二，係咪好top都唔收??

蘑菇

我仔in自行一果間有問佢另外揀咗邊間中學，仲問佢如果兩間都收，佢會讀邊間。

oldgamesman

如實作答