同校家長whatsapp group

Ann_Leung

攪個whatsapp group，原意係交換下關於開學預備既情報，例如校車安排、上學前預備、學習情況。
成幾十人係嗰group度，可唔可以唔好講自己或自己嗰子女嘅威水事、私事，講自己幾叻湊仔湊女，讚自己嗰女嗰仔有幾靚，當左嗰度係發表偉論嘅自high天地，最慘係總有幾個一唱一和，呢幾個阿姐一個上午二百幾十個閒聊分享。我想quit group，但係我名已開，嗰幾個阿姐知我係邊個，日後撞口撞面就尷尬。唯有switch off 個alert。

其實，EK forum最合呢D閒聊，不同主題，有時間有興趣自己走入去睇睇吹吹水。但係家長whatsapp group, come on。

Ann_Leung

vpo0615 發表於 16-4-25 18:08
未經人同意就影人哋入鏡.....連基本禮貌都唔識; 人哋叫佢唔好影, 佢仲要講歪理唔停手.....如果掉返轉, 人哋 ...

龍谷嗰對偷拍恩愛家長，潛左水。好可能睇左呢嗰post，但無道歉。

原來，個谷個admin真係開補習社，早前「收左今年成百封offer letter用黎做自己補習社生招牌」嘅講法，係個別EK mom的猜測，絕無根據。據說佢係個谷好helpful，一有家長提出問題，佢迅速回答，清楚過有子女已就讀既家長。還定時recap重要資訊，幫忙很多，直頭係谷admin典範。

所以惡行有時係討論區公開係陽光之下，都有佢既好處，當時人即時檢點Ｄ。

dreamdream081

原帖由 Ann_Leung 於 16-04-06 發表
攪個whatsapp group，原意係交換下關於開學預備既情報，例如校車安排、上學前預備、學習情況。
成幾十人係 ...

所以唔好亂入whatsapp group.
好多人都廢話連遍，自己贊自己。

ox_ma

回覆 vpo0615 的帖子

真係好差

vpo0615

未經人同意就影人哋入鏡.....連基本禮貌都唔識; 人哋叫佢唔好影, 佢仲要講歪理唔停手.....如果掉返轉, 人哋影到佢嘅小朋友入鏡會點???

QABABY

原帖由 Ann_Leung 於 16-04-23 發表
讀邊間其實唔重要，開名講任何一間學校都唔啱既，避免labelling effect。只係希望大家入谷既話，傾番谷應 ...

佢要去c, 千奇唔好阻人

Ann_Leung

Moonlight819 發表於 16-4-22 18:37
請問樓主子女讀哪間幼稚園呢？

讀邊間其實唔重要，開名講任何一間學校都唔啱既，避免labelling effect。只係希望大家入谷既話，傾番谷應該傾既野唧。傾閒計緊係黎ＥＫ或者朋友谷傾嘛。

有幸我個谷嗰Admin從善如流，另外開左吹水谷，一開谷七嘴八舌無所不談嗰班谷友，全部聚左係嗰度，原谷話題正常番。

朋友個龍谷就麻煩好多，開左吹水谷都慘劇頻頻，可能由於佢地升小學有少少競爭性，即係你作為家長留個壞印象比學校行政，學校安排升小既時候，會排你係後邊，畢竟，麻煩家長（即係呢樣又投訴，嗰樣安排又話唔夠好，極端例子係又出律師信又盛）係學校既負荷，咁聽講真係有家長計劃將個谷既高調夾無準Ｄ家長訊息向嗰校長展示，我話唔使咁嚴重係咪，學都未開攪Ｄ咁既野。原來嗰谷度有對夫婦好恩愛，唔該老公前，唔該老婆後，由於佢地好擔心子女上落校車既情況，（我個人估計佢地係億萬富翁，怕子女被標參，其實應該請保母加保標接送）最近兩度實地視察該幼稚園上落校車情況，並用手機拍攝現場加旁白，係嗰谷同近百家長分享左兩條短片：返學同放學，開段我一路睇一路笑，心諗人地年年都係咁上落校車，使唔使好似偵探片咁，又有Ｄ似匪徒「踩線」咁，跟住愈睇愈唔對路，有個校工定跟車ｅｅ叫佢唔好拍，話唔拍得，佢話自己係未來家長，想知上落車情況，繼續拍，呢個時候我知我睇緊條偷拍片，拍到老師、小朋友Ｄ樣，個cam仲慢慢掃落已經上左車既小朋友，嘩，唔怪得嗰谷有家長咁火，佢有子女係度。呢個年代，用手機影相影片，係要被攝者知道Ｄ相條片點用，並且同意被拍攝，小朋友唔識say No，所以幼稚園要影小朋友都先叫家長簽同意書，呢個係每個人保護自己私隱既權利，亦係尊重。拍片嗰家長仲好意思係條片讚個校工盡責，叫佢唔好影，你話係咪好諷刺，佢仲識叫ｄ谷友唔好再ｓｈａｒｅ出去，同ｄｅｌｅｔｅ左佢。咁呢對夫婦仲得意洋洋咁接受谷友送上既「唔該哂」「辛苦哂」。佢地既善心係肯定既，但係智力低到一個點，侵犯人地既私隱（其實真係無必要）去幫自己幫谷友。咁我話搵校長會唔會好似大驚小怪同好似trouble makers，佢話佢地同校長關係好好，傾下呢Ｄ事係好平常，唔驚喎。

gamee11

原帖由 Cutekillq 於 16-04-07 發表
建議開一個叫「學校通告/重要事項」group。將原來個group改名做「吹水group」。



  ...

Haha! Agree!

QABABY

原帖由 Ann_Leung 於 16-04-06 發表
攪個whatsapp group，原意係交換下關於開學預備既情報，例如校車安排、上學前預備、學習情況。
成幾十人係 ...

自high天地笑c我， 退谷啦， 浪費電話memory

Moonlight819

原帖由 puichingforsure 於 16-04-07 發表
本帖最後由 puichingforsure 於 16-4-7 09:34 編輯

請問樓主子女讀哪間幼稚園呢？

Bit

唔只同校家長谷，同年同月或者同區嘅谷都會有。好聼D嘅大家泥自5湖4海，5好聼嘅3唔識7。别動真氣太在乎啦。
難怪BK, EK 禁止建立其他通訊群组。。

Ann_Leung

回覆 hklvboss 的帖子

反應真快, 刪左就好喇, 謝謝 A

Ann_Leung

hklvboss 發表於 16-4-10 20:39
睇完妳既回應， 我都忍唔住笑左出黎。
我好明白妳既思維模式，所以再同妳繼續傾落去都沒有意義。  
打攪妳 ...

其實唔打攪呀, hklvboss, 你明白係度分享嘅朋友唔係針對你就好喇。我沉晚pm左你, 提你刪左之前既post, 費時人地誤會呢度講既內容係指你個間學校既whatsapp 谷。見你無覆, 係度再提提你, 未做就快D做喇。

朋友同我講你個谷友A先生, 係個谷度搵我, 有野同我講。其實我要靠朋友先睇到A先生既呼籲：乜野留一線, 他朝好相見, 其實我真係提個普遍谷可能有既問題出黎, 大家互相提醒一下，無講乜學校。咁係公開場合, 例如d whatsapp 谷, 有時講得開心真係會得意忘形左, 真係會唔記得左有一百幾十人係度, 有D學校既家長, 有中小學舊生群(如果係龍校)、有辦學機構既不同單位各職級員工、有跟校長校監諗熟既朋友及其子侄, 咁好似最近朋友個龍谷咁, 有位家長(平日都好多言) 指令式話唔希望乜唔希望物, 驚校長知道左就會乜就會物, 校長既朋友係個龍谷度睇到, 會好好笑, 又或者一陣有人多事, 同校長、老師提起呢個谷有位家長好麻煩, 比D POSTs 佢地睇, 影響左個小朋友升學機會, 就真係可憐囉。所以無用既野少講D好。有用既大家都係感激嘅。其實, 依家已經有D相熟既舊生家長私下提起呢位家長, 好紅呀佢。佢地好似好期待見到佢真人。所以同大家互相提點下。好似上面一兩個posts既朋友講, 相唔好亂send, 公開場合要謹慎呀。谷既訊息係permanent record黎架。互勉。

mamaokasan

原帖由 Ann_Leung 於 16-04-09 發表
嘩, 有咩妳係唔知架, 廣佈線眼 (定係妳跟本係嗰group度, 哈哈), 妳係有辦法, 不如妳攪個blog同facebook fan ...

wanna join meaningful group. haha

TwinWong

千語mami 發表於 16-4-11 03:43
Cap圖forward相去第二個group笑人地個細路? 小朋友無辜的, 呢個forward去其他group笑人嘅家長應該要檢討下. ...

唔係太好喎

TwinWong

Ann_Leung 發表於 16-4-6 22:46
攪個whatsapp group，原意係交換下關於開學預備既情報，例如校車安排、上學前預備、學習情況。
成幾十人係 ...

唔啱睇, 唔好睇就算

964000

原帖由 methy 於 16-04-12 發表
我無join任何學校whatsApp 谷，亦唔覺得有咩損失或錯過什麼,有通告通知已經好夠，如果有唔清楚既地方，我直 ...

我冇join現任幼稚園的group, 完全唔覺得有甚麼問題，有野打去學校問便可，樂得清靜

methy

原帖由 Ann_Leung 於 16-04-06 發表
攪個whatsapp group，原意係交換下關於開學預備既情報，例如校車安排、上學前預備、學習情況。
成幾十人係 ...

我無join任何學校whatsApp 谷，亦唔覺得有咩損失或錯過什麼,有通告通知已經好夠，如果有唔清楚既地方，我直接打返去學校問書記或老師

其實有無一兩個熟落既家長可交換學校信息？我都試過入過一個關於考幼稚園既谷，太多傾計msg,攪到部機hang左，delete左從此安樂清靜哂。

foxchild

回覆 puichingforsure 的帖子

忍唔住笑左

vpo0615

所以D專家都提醒大家, 想UPLOAD嘢同人SHARE之前, 要諗清楚至好.