名校這東西（庫斯克）

王家爸爸

chesswin 發表於 16-4-5 17:41
仁者見仁, 呢一句我諗冇幾多家長會明白.
"...不要迷信入讀名校便代表成功。傳統名校的學生很容易在自由氣氛 ...

好多人既諗法係：入讀名校便代表成功，入讀唔到便代表失敗。

王家爸爸

ANChan59 發表於 16-4-5 20:03
唔計畢到業㗎！

有啲家長無考慮自己小朋友既實力，入到名校唔一定係好事。跟唔上，辛苦左幾年之後，被勸退就慘。

王家爸爸

NeoMom 發表於 16-4-6 09:52
有家長的諗法係只要入到名校, 唔叻都變叻, 就算在名校考第尾也勁過非名校考第一, 我有個FRIEND真係咁同我講 ...

無可否認，名校既讀書風氣可能好啲，但係讀書其實九成靠自己，要成功係要付出好大既努力。

王家爸爸

hkpapa852 發表於 16-4-6 09:51
通常家長只會諗後前個句嫁咋: 入讀唔到便代表失敗!

至於前面個句.....通常到中咗招咪會諗囉

中招例子唔少：以男名校為例，好多時學生之間既兄弟情都幾好，所以朋輩既影響比較大。名校中真係有唔少聰明人，唔駛讀書都可以中游成績。問題係，如果自己既小朋友唔係呢類，而又成日同呢類同學玩，考試時成績未必跟得上。

王家爸爸

hkpapa852 發表於 16-4-6 15:06
聖士提反堂中學, 周慧敏都係呢間畢業, 夠唔夠有名先?

如果無記錯，呢間好似係從幼兒園到中學一條龍服務。

王家爸爸

yinyuemao 發表於 16-4-6 23:22
其實我想問，名校有咩唔好呢？

如果講緊傳統名校，一定有好處。首先，讀書壓力細啲（學校基本上唔會迫你讀）；第二，均衡發展，傳統名校注重藝術、音樂同運動，學生即使無興趣，係薰陶下多少啲有啲體藝修養；第三，兄弟情，同學之間關係比較好，呢樣好難得；第四，叻人多，小朋友始終容易受同輩影響，同啲叻人一齊做Project，始終會學到野。

王家爸爸

hkpapa852 發表於 16-4-7 10:38
唔多認同呢一點:
第二，均衡發展，傳統名校注重藝術、音樂同運動，學生即使無興趣，係薰陶下多少啲有啲體藝 ...

點解？其實係同其他學校比較，22間傳統名校大部分都係藝術、音樂同運動方面有啲成就。

王家爸爸

mcl203 發表於 16-4-7 10:39
一仔未必全部都岩，有D真係無型咁迫你㗎，當然，都係睇边間，唔係全部，所以你一向主張認識吓先係岩既 ~~~ ...

當然無絕對既，但係相對而言的確如是。

王家爸爸

5kin 發表於 16-4-7 11:55
一般band1學校嘅學生，
理應有平均以上嘅學業成績，
學校可以有機會比學生發展學業以外嘅活動，

如果小朋友係B1學生，應該有一定既自決能力，應該鼓勵佢哋自己決定讀邊間，同埋入讀之後參加嘜野課外活動。

王家爸爸

hkpapa852 發表於 16-4-7 12:36
個人認為官立個兩間B1男校做唔到王家爸爸所講既第二點

小丸子比較目標為本，佢嗰間一定係睇重DSE成績。

王家爸爸

ANChan59 發表於 16-4-7 14:47
不同人有不同要求及目標，一日24小時，有得自然有失。

用平常心睇問題。

王家爸爸

IloveJJ 發表於 16-10-24 13:31
有人同我講: 傳統名校成績好，係因為收既學生叻，再加出面補習，老師係唔教既。

其實係咪呢？

又唔一定，正所謂近朱者赤、近墨者黑；同班叻人一齊，互相學習、互相競爭，日子有功，自然大家都進步，大家成績都會好。

王家爸爸

LingChiBaBa 發表於 16-10-24 14:48
呢樣同碰唔碰到好老師一樣，要碰到好同學。

喺傳統名校碰到好老師既機會都會大啲，尤其係啲想傳統名校度教下、鍍下金既新老師。原因好簡單，想係傳統名校教既老師多，所以學校可以揀啲能力高既；另外，啲新老師想係傳統名校有個好紀錄，一來明年留底既機會大啲，二來即使轉到其他學校，封推薦信好睇啲。