大埔寶湖舊墟 vs 優才

hkpapa852

iamderek 發表於 16-1-25 16:31
其實同香港現況一樣。一批人認命，接受建制安排，只係儘量喺建制下攞最大的利益。如果建制話你係B1精英，你 ...

如果你認為樂於將子女留係官津學校讀書既人就係認命或者認為人生只得一條路, 想淺未免太膚淺了!

樓主個帖又再一次証明, 某D直資學校既家長, 係好喜歡係留意與該校相關既帖.

iamderek

hkpapa852 發表於 16-1-25 17:09
如果你認為樂於將子女留係官津學校讀書既人就係認命或者認為人生只得一條路, 想淺未免太膚淺了!

樓主個帖 ...

你一句就想強將我和（子女留係官津學校讀書既人）放在對立面，未免太上綱上線。

我只係針對你神化呈分試成為《入咗一條龍雖可唔駛煩升中，但郤未必能令大家知道小朋友真正實力和問題。升中係一個考驗，但亦係一個可以用嚟評估小朋友日後升學該如何安排既機會。》

BK每日有咁多新post，見到有關的post才看，應該也是正常不過的事吧？咁你都有嘢推論，果然係異形家長。

hkpapa852

iamderek 發表於 16-1-25 17:34
你一句就想強將我和（子女留係官津學校讀書既人）放在對立面，未免太上綱上線。

我只係針對你神化呈分試成 ...

我既原文係咁:

我一向唔認為小學要俾讀錢讀。入咗一條龍雖可唔駛煩升中，但郤未必能令大家知道小朋友真正實力和問題。升中係一個考驗，但亦係一個可以用嚟評估小朋友日後升學該如何安排既機會。
如果只係為了避開升中煩惱而選讀一條龍學校, 可能隨時會係綁死自己子女係一間唔適合既學校12年既安排.

請問係邊度見到我有"神化"呈分試或者Pre-S1之類既嘢呢? (我提都無提過噃?)

如果你唔明白我既意思但又認為我係去"神化"升中呈分制度, 我只可以講句, 你呢D叫: 一廂情願既諗法

入咗一間有一條龍B1中學既小學部學生, 唔通去只堅持讀足6年小學順利升中, 到時唔理本身係咩資質, 一定可以變得完全適合中學部既水平嗎? 即使不少一條龍中小學有升中條件, 但呢D條件又係合理而又可對學生作出適當既能力評估嗎?

little_yolky

ZoeZita 發表於 16-1-25 15:38
寶舊校長都 sell 自己唔谷, 超重閱讀, 30%繪本教學. 專登減少功課比時間孩子睇書.

實情 & 成效係點, 我就 ...

真係架, 寶舊响大埔區入面, 其實並不算最谷, 但係成效好好, 你睇吓個升中結果就知道了。你最大既問題係仲有細既跟尾, 如果大既讀咗優才, 真係唔知細既仲有無咁好彩入到咁好既津校。另一方面, 我唔知你有無教育津貼, 如果兩個一讀12年(或最少大既12年啦), 咁都幾甘, 不如將D錢去學吓其他嘢, 去下遊學, 增廣見聞咪仲好? 當然我都覺得優才好好, 但如果有寶舊...........我會揀寶舊

iamderek

hkpapa852 發表於 16-1-25 17:44
... 請問係邊度見到我有"神化"呈分試或者Pre-S1之類既嘢呢? (我提都無過噃?) ...

咁我想請問點解《升中係一個考驗》？升小五升小六或者升中二係咪都係一個考驗，亦會令大家知道小朋友真正實力和問題，和評估小朋友日後升學該如何安排既機會？

hkpapa852

樓主既問題我已回覆，除非樓主有新問題，否則我不會再回應此帖了。

最後提醒大家一句，不需要神化任何學校，更不需要神化一條龍呢個制度。任何事物都有好壞兩面，如果一條龍是絕對好的，就不會不斷有龍校要脫龍了！

ZoeZita

唔谷但成效又好好, 以香港既正苦學校來講真係少之又少, 所以我都驚係講一套做一套.

iamderek

我係100%認同#7的分析，只是奇怪#10的邏輯，有感而發。 講完

AgapePa

ZoeZita 發表於 16-1-25 18:21
唔谷但成效又好好, 以香港既正苦學校來講真係少之又少, 所以我都驚係講一套做一套.
  ...

初小戓可唔谷, 面對升中呈分無可能唔谷, 要知B1尾和B2頭可能只是数分之差

siden

原帖由 ZoeZita 於 16-01-25 發表
寶舊校長都 sell 自己唔谷, 超重閱讀, 30%繪本教學. 專登減少功課比時間孩子睇書.

實情 & 成效係點, 我就 ...

講咪所向無敵囉

荷蘭人

講真，如果寶舊收左，出面起碼要去到dbs 英華果d 級數先會諗轉出去。

HCB

其實真係要睇你自己覺得邊樣重要，外人好難同你決定，優才和寶舊兩間學校完全唔同，各有優勝之處，明白你點解會煩惱。其實當我未去過聽直資學校課程簡介會前，我都會認為一線地區小學是我不二之選。但當接觸過後，就有你現在嘅煩惱，要給小朋友一個怎麼樣的學習環境？
我自己睇一般直資一條龍小學嘅優點：語境佳、小班、十二年的課程安排更具彈性（例如可在小學教初中嘅科學科元素）、學生在適應青春期時免卻需同時適應升中的新學校，學生更能順利過渡青春期及反叛期（有熟悉的老師及同學照應）、少抄寫而重思考的家課、教學活潑重啟發、有一條龍中學, 不用谷孩子，課餘有更多時間做喜歡的事情，不用忙溫習及不用忙操練攞獎項，親子關係理應唔會因學業而緊張。有些學校仲有第三語言學，有些包學樂器、差不多每個月都有outing等。
寶舊津校學費全免（其實我相信學費不是考慮因素），妹妹穩入，設備好，考入band 1中學機會一半半。聽校長講重閱讀、少功課，但聽聞只是一至二年級，三年級也開始多功課。

HCB

補充：一條龍小學唔谷，中學一樣要谷。

ZoeZita

HCB, thanks a lot!!! 你全面地講中曬. 最大考慮因素就係妹妹&搬屋.

長老住大埔, 唔放心留佢地係大埔. 就算小1-3唔搬, 小4後都要搬. 咁就要長老一齊搬. 老人家口就當然無問題啦, 但搬到tko就無曬班朋友, 好慘!!!

ZoeZita

原帖由 HCB 於 16-01-25 發表
補充：一條龍小學唔谷，中學一樣要谷。

唔溫書邊有可能成績好呀?!! 但中學既谷同小學既谷唔同既.

MrBeast

HCB 發表於 16-1-25 23:08
其實真係要睇你自己覺得邊樣重要，外人好難同你決定，優才和寶舊兩間學校完全唔同，各有優勝之處，明白你點 ...

當年去聽完簡介真覺好好，但考唔到，一兩年後和一些入到的朋友吹水，若成績未如理想，情況也不是咁ideal。其實看看升中板，一般中學主要都是看成績，獎項只是個bonus，只要父母想得通，初小唔去操成績、上埋d無謂eca，谷校初小也可愉快渡過（唔敢講一定輕鬆），很多小學去到小4都會開始發工，始終要應付升中。
我對寶舊不熟，但聽落都幾好，重閱讀，家長只要在初小和小朋友多些伴讀，build up 閱讀能力，到到高小自然會見到效果。

MrBeast

ZoeZita 發表於 16-1-26 07:52
HCB, thanks a lot!!! 你全面地講中曬. 最大考慮因素就係妹妹&搬屋.

長老住大埔, 唔放心留佢地係大埔. 就 ...

我會把family 考慮因素放前，況且考到gt 孩子資質也不會差得去邊，細個個沒有升小壓力你可專心幫大個個ham 接小學，熟習了小學模式，到細升小你唔會覺得太辛苦，雖然一條龍好吸引，但gt 又mk 又tko，all considered 我估我會揀寶舊

lovebb2

原帖由 MrBeast 於 16-01-26 發表
當年去聽完簡介真覺好好，但考唔到，一兩年後和一些入到的朋友吹水，若成績未如理想，情況也不是咁ideal。 ...

( 其實看看升中板，一般中學主要都是看成績)，agree, 成績是band 1, 其實就okay

NeoMom

hkpapa852 發表於 16-1-25 17:44
我既原文係咁:

我一向唔認為小學要俾讀錢讀。入咗一條龍雖可唔駛煩升中，但郤未必能令大家知道小朋友真正 ...

讀優小冇話一定要升優中, 其實每年都有TOP果浸升左去D所謂神校, 我睇法係進可攻退可守, 我自己的感覺是升中派位實在有好多UNCONTROLLABLE FACTORS, 自行除非子女在TOP小學考得前, 如果唔係想去TOP TIER學校都不是十拿九穩, 至於抽獎, 雖然話有好多B1A選擇, 但想信只有第一志願才能放呢D學校, 第二志願一定要放次一等的, 如第二三志願都失守便.....但優中已是B1B至C, 即已有第二三志願水平的學校收了, 然後再搏神校, 搏唔到都唔太傷

至於樓主的問題, 我覺得住得遠就唔好諗優才了, 浪費太多時間TRAVEL不值得

fguy

AgapePa 發表於 16-1-25 15:29
你個觀點都幾奇怪，迫自己面對考中試煉，而選擇升中條路.
即係話如果只考到B2就B2,考到B3就B3。
乜有父母甘 ...

其實B2學生讀B2校, B3學生讀B3校有什麼不妥。選校不就是該選最合適的給小朋友嗎?
難道因為父母的不甘心硬要將B2,B3生推入B1學校, 這樣不會是對孩子傷害更大....