嚴重睡眠窒息症致adhd

babyheima

大家好,我仔一年級時被確疹有adhd專注力不足及輕微讀寫障礙症

就係咁我同呀仔渡過左極度痛苦既1年級

到暑假時我發現呀仔因扁桃腺過大而有嚴重既睡眠窒息症,所以要做割扁桃腺手術,就係咁我先發現原來有睡眠窒息症係會出現同adhd一樣既徵狀,醫生話好多adhd既小朋友就係咁被誤疹…

整個一年級生涯,我係要坐定定睇住呀仔做功課同温習,因為只女我行開佢就會停,做1樣功課可以做3小時,温1篇課文可以9小時都記唔到

手術係係2年級開學時做,其實只係做左3個月,但我仔係屋企表演好似變左第2個人咁,1年級從未試過寫啱一次手冊,2年級就未寫錯過,詞語係學校要抄左字頭先,佢都可以抄齊,1年級係未試過齊,而做功課一般都可以3小時內完成,仲要係我唔理佢,佢自己完成再比我check,以前無時無刻叫我,又無耐性唔等得,而家佢可以安安靜靜自己砌玩具,雖然佢依然坐得唔好,坐時佢會郁身郁勢,腳會上櫈,但我已經好滿足,好感恩,我問過兒科醫生,醫生話如果佢本身無adhd,只係睡眠窒息症令佢咁,一般做完手術後1年會見到好大改變,當然如果佢天生有adhd又另計,我做完手術後2個月就去政府醫生度睇adhd,我將所以情況講解比醫生聽,但佢完全無解釋過佢既意見,只問我想唔想比個仔食藥,當時我見大改變,當然話唔食住,但之後我收到老師電話…

12月頭老師打電話比我,佢了解仔既情況,但佢覺得

babyheima

老師覺得我仔做手術後2個月功課方面的確好左,但依然係專注不足,坐得唔好,成日係學校都放腳上櫈,有時會小小傾計,早會時個口企定定佢係要蹲下,理由係攰(佢唔係攰,係要特別),佢唔中意跟大圍,個個一齊背乘數表佢唔會背,單獨叫佢背先會背,無嘜記性,試過1次上上下堂無理由地企係度,佢亦唔知企係度做嘜,結果比老師罰足1星期無小息,以上種種令老師打比我問會唔會比仔食藥,

我睇過9歲前開始食藥會好d,易控制,如果佢真係天生有adhd而我唔比佢食藥,到佢青少年時會更易學壞,

其實我好矛盾,我唔知我仔係因為睡眠窒息症有adhd定天生有,短短3個月佢係我眼中係好大進步,但返學校佢依然未係守到規,而佢而家已經7歲半,我好怕唔比佢食藥會害左佢,但我更怕佢明明只係因為睡眠窒息症而咁就比錯藥佢食,究竟我應該點做?

請問有無更多有關睡眠窒息症同adhd康復情況同時間既資料可以分享?

感謝各位

babyheima

原帖由 lai_123 於 15-12-21 發表
請問你囝囝是不是瞓極都好似唔夠? 有無時時發開口夢?

佢唔係訓極唔夠,而係時時都非常精神,小朋友同大人徵狀會有d唔同,係開口訓,仲時時停止呼吸

babyheima

原帖由 yaya0102 於 15-12-28 發表
I also want to know - my girl is always very energentic and never seems to be tired and when she was ...

一定要check,其實真係好多被誤疹adhd,訓一晚知道結果,點解唔做,而且保險cover架