TSA的所謂閱讀訓練 --- 小孩為何要學應試技巧?

PhilC

原帖由 mmhoxxxxxx 於 15-12-04 發表
其實妳有冇睇下其他post？大部份家長都話冇問題！亦都冇人公開有邊間學校會過份操練，不如叫陳惜姿公開佢啲 ...

請問你個大部分家長係點統計出來？小心好似民建聯個油天家長咁，呢頭話冇聽過學校有家長反對，轉過頭學校公佈調查，超過一半油天家長贊成取消tsa。怕你畀人揪秤啫，no offence.

PhilC

原帖由 punlik 於 15-12-04 發表
本帖最後由 punlik 於 15-12-4 11:10 編輯

PISA 結果只顯示學生考試好，上海學生仲好添，咁點解有能力的家長，唔送仔女去上海，揀去歐美呢？香港學生係數學，科學表現排名咁高，咁多年出咗幾多個世界知名的科學家，數學家？除了Pisa, 仲有一個全球學生閱讀能力進展研究pirls ,2011年香港學生閱讀能力第一，但閱讀動機，享受閱讀程度的評分係包尾。好明顯反映香港學生讀書只為考試，因為狂操考試技巧，閱讀理解實快。但究竟我哋係想學生成為考試機器，定真係熱愛學習，甚至有影響同領導世界的能力？為何東亞地區考試成績好，有咁多所謂叻的學生，但以知識創意領導世界的，仍然係於pisa學術排名更低的歐美地區？東亞地區的學生及家長，大部分只以操卷考試為學習目標，更以此為榮。係咁嘅模式訓練出來的，只係一班懂得有效執行指示，冇vision的執行者。