始終要TSA

wan_sosin

原帖由 judy 於 15-11-27 發表
你又知教育局唔去明白那些學校如何努力也會和水平有相差呢?你又知TSA得出的結果,並非去幫助那些學生。再 ...

初小學生差距大唔大？當然有頭頂班學生，隨時99,100分。但我就見唔少點樣讀都係得3,40分，最好的只在合格邊緣，4科有3科唔合格，有些明明小一上還有7,80分，小一下已可以不合格，這些並非SEN學生，是一般小朋友，可能真係學習得比較慢，要學多幾次先識！呢類學生一直存在，只係係EK家長，很多讀直資，私校，唔多見到呢類學生，普通呢度嘅家長，小朋友讀書都不錯！我就唔見得呢類追唔上學生，得到什麼特別幫助，最多只係比個輔導班佢哋上下，連SEN學生都支援不足，何況是那些沒有問題，只係學得慢，唔適應現今教育制度測考多嘅學生

palmchristy

Doray 發表於 15-11-27 08:31
係邊個逼到個議題政政治化？呢個Topic 講咗好多年，结果有冇改善，成日話唔好政治化，教育政策是政府定，政 ...

同意民生無小事.  政府應關注.

然而一個問題的產生, 千絲萬縷.  簡單地把問題歸咎於政府某個政策問題, 是否合理?

在操練過多, 功課過多過深這些事上, 教育界有沒有責任? 辦學團體有沒有走錯路? 家長有沒有問題? 出版商有沒有推波助瀾?

當一個問題政治化了, 眾人焦點就會輕易地集中在政府身上, 風風火火地爭議一番, 反而真正和事件有關的團體置身事外, 甚至賊喊捉賊, 問題並不會真正得到解決.

MASAYA

palmchristy 發表於 15-11-27 10:22
佢地不辭勞苦地同學校溝通同爭取, 走了正確一步, 得到功課減少的成果, 值得欣喜.
...

受惠於佢地引起大眾關注，我女學校都自動稍為減少左功課，我向校長反映少左功課多左閱讀時間好開心，阿女係旁邊附和，校長表示多謝謝支持，家校溝通唔一定係投訴角力，睇到呢度我咪一個幸運的既得利益者，照計應該一個華麗轉身揚長而去就可以，咁我仲係度做咩？因為眼見好多只係活在自己學校既家長，我只係想補充少少其他學校既情況，不過睇黎除左妳，其他人應該自動過濾左呢d訊息

Doray

palmchristy 發表於 15-11-27 10:41
同意民生無小事.  政府應關注.

然而一個問題的產生, 千絲萬縷.  簡單地把問題歸咎於政府某個政策問題,  ...

從來冇人將取消TsA=所有教育問題的源頭的解決辦法，係啲有心定冇心肝的人為咗去批判對方立場而老屈的講法。

judy

初小學生差距大唔大？當然有頭頂班學生，隨時99,100分。但我就見唔少點樣讀都係得3,40分，最好的只在合格邊緣，4科有3科唔合格，有些明明小一上還有7,80分，小一下已可以不合格，這些並非SEN學生，是一般小朋友，可能真係學習得比較慢，要學多幾次先識！呢類學生一直存在，只係係EK家長，很多讀直資，私校，唔多見到呢類學生，普通呢度嘅家長，小朋友讀書都不錯！我就唔見得呢類追唔上學生，得到什麼特別幫助，最多只係比個輔導班佢哋上下，連SEN學生都支援不足，何況是那些沒有問題，只係學得慢，唔適應現今教育制度測考多嘅學生

"初小學生差距唔大"，係指各校而言。

所以，我也認為學校操TSA無益。我再引一段："一直從事語文教育研究工作，謝教授認為TSA其實有四個重點，即「讀」、「寫」、「聽」和「講」，外界普通操練首兩項，但對初小學生來說，後兩者才是建立語文基礎的重要元素。後兩者建立得好，前兩者便如魚得水了。謝教授主張初生至六歲的幼兒要多聽故事，熟悉語音，說話要清晰。而初小學生則要大量閱讀，認識生字和成語，建立生字庫。初小學生特別要多朗讀課文，「多朗讀就能建立說話、理解及表達能力了。」謝教授強調要先學朗讀，才學書寫，所以對於坊間一味操練學生閱讀理解和寫作，他認為是本末倒置的。"

TSA只是一個測驗(而事實上教局有出宣傳片叫學校不用操練)，造成過份操練責任在學校。

palmchristy

Doray 發表於 15-11-27 10:52
從來冇人將取消TsA=所有教育問題的源頭的解決辦法，係啲有心定冇心肝的人為咗去批判對方立場而老屈的講法 ...

我相信你無咁睇. 但近日的爭議把焦點放在取消TSA, 而不單是檢討/改善/減操練, 很難相信佢地無混為一談.

Doray

judy 發表於 15-11-27 10:58
"初小學生差距唔大"，係指各校而言。

所以，我也認為學校操TSA無益。我再引一段："一直從事語文教育研究 ...

大姐呀，呢段嘢是我Post ga, 你估我知唔知邊啲人有責任吖，個問題唔育局冇辨法靠學校自已撥亂反正吖嗎！ 我day one 都話件嘢係EDB整出嚟，人地玩錯哂你冇能力教番啱，佢就要回收啦！
小三的小朋友學習差異好少？！你sure 唔sure呀？

小三TsA靠操反嚟的result又有乜用？用咗十年的TSA, 令到全港小學生水平係咁升，全世界望麈莫及呀？！

palmchristy

wan_sosin 發表於 15-11-27 10:40
初小學生差距大唔大？當然有頭頂班學生，隨時99,100分。但我就見唔少點樣讀都係得3,40分，最好的只在合格邊 ...

我覺得學生在初小階段差距大的問題, 在於部份家長在幼稚園階段準備不足.  到小學階段要開始面對現實時, 因差距出現才去惡補, 學童就會很辛苦.

在入小學前, 即6歲前的幼兒階段, 孩子的好奇心強, 記性好, 是培養中英文語文及語言能力的黃金時期, 也是培育閱讀能力和興趣的重要時間.  基本語文能力攪得好, 小學階段的學習應不會有大問題.

當部份家長把焦點放在各式各樣的興趣班, 以為藉此可以有助孩子入讀理想小學; 又或者部份家長過份推崇快樂童年, 實質沒有好好幫助孩子作好準備之下, 孩子根本沒有足夠的基本能力, 就要面對小學階段.  第一學段的適應期過去後, 基本能力不足的問題便會浮現出來.

當然, 還有不少家長因為為口奔馳, 實在沒有時間或能力照顧子女, 那問題就更大了.

SEN的支援問題, 應該分開處理, 如果要他們的學習表現追上一般學生, 會為他們帶來巨大壓力.

judy

小三TsA靠操反嚟的result又有乜用？用咗十年的TSA, 令到全港小學生水平係咁升，全世界望麈莫及呀？！

唔知道。我净係知道係PISA成績中，香港排得好前。

段嘢你post又點，段嘢介紹咗謝教授對TSA的看法，我認為有道理咪引用囉！

再講，我真係唔知你知邊啲人有責任。看你嘅post，我真係唔知你知唔知你自己講緊咩？

Doray

judy 發表於 15-11-27 11:26
唔知道。我净係知道係PISA成績中，香港排得好前。

段嘢你post又點，段嘢介紹咗謝教授對TSA的看法，我認 ...

但你完全冇回應到核心的問題喎:

我day one 都話件嘢係EDB整出嚟，人地玩錯哂你冇能力教番啱，佢就要回收啦！
小三的小朋友學習差異好少？！你sure 唔sure呀？

小三TsA靠操反嚟的result又有乜用？用咗十年的TSA, 令到全港小學生水平係咁升，全世界望麈莫及呀？！  '

PISA 嗰result 話香港學生閱讀動機勁低，再者佢地係中三，唔係小三！

Doray

作為由细train到大的考試機器，PISA點會難到我地？！

judy

我day one 都話件嘢係EDB整出嚟，人地玩錯哂你冇能力教番啱，佢就要回收啦！小三的小朋友學習差異好少？

你真搞笑，你day one話件嘢係EDB整出嚟又關我事，我又點會理你date one定date two 呢？此其一。其二，我又冇講小三的小朋友學習差異好少。

Doray

judy 發表於 15-11-27 1:36
你真搞笑，你day one話件嘢係EDB整出嚟又關我事，我又點會理你date one定date two 呢？此其一。其二，我 ...

Sorry, 我一直以嚟高估上EK家長的分析能力，係我唔啱！！！

judy

Sorry, 我一直以嚟高估上EK家長的分析能力，係我唔啱！！！

你知唔知你寫緊咪呢？EK咁多家長。

wan_sosin

原帖由 Doray 於 15-11-27 發表
大姐呀，呢段嘢是我Post ga, 你估我知唔知邊啲人有責任吖，個問題唔育局冇辨法靠學校自已撥亂反正吖嗎！ 我 ...

真的！TSA考了咁多年，有無人可以講下有什麼地方幫了學生，有什麼成效，聽過話，教育局會話返比學校聽，學生邊度弱，但學校知道又會點做，加強那類做得弱嘅題形的操練？

MASAYA

wan_sosin 發表於 15-11-27 11:51
真的！TSA考了咁多年，有無人可以講下有什麼地方幫了學生，有什麼成效，聽過話，教育局會話返比學校聽，學 ...

一百個學生分別有一百個弱項，反映後一百個學生同時加強一百個練習

wan_sosin

原帖由 palmchristy 於 15-11-27 發表
我覺得學生在初小階段差距大的問題, 在於部份家長在幼稚園階段準備不足.  到小學階段要開始面對現實時, 因 ...

無錯，有唔同原因引至學生差距大，但官津小學收生無得揀，收到能力偏低的學生都惟有盡量教，但唔包教到！
SEN學生是需要另行處理，但一樣要同其他學生一起操TSA,考TSA.
我仔都係SEN,我識一班SEN家長，沒有一個會想去考TSA!
如果最終TSA不能取消，我會照考，但我會拒絕額外的操練，我並不想我仔花上這些無謂時間而對學習又無幫助。
SEN的小朋友，還要花時間在其他訓練上，邊樣重要？融合教育下有太多問題！
如你所說，現在教育有大堆問題！不單是TSA,家長都係想盡力為小朋友發聲！

wan_sosin

原帖由 MASAYA 於 15-11-27 發表
一百個學生分別有一百個弱項，反映後一百個學生同時加強一百個練習

所以學校都費事理強唔強，弱唔弱，總之繼續叫家長買TSA練習。同學們，努力！

palmchristy

wan_sosin 發表於 15-11-27 12:08
無錯，有唔同原因引至學生差距大，但官津小學收生無得揀，收到能力偏低的學生都惟有盡量教，但唔包教到！
S ...

你的路不易走, 加油!

我見到有其他家長分享SEN學童在面對學校操練時的苦況, 覺得好憤怒, 因為真係好唔合理.  如果有關學童能獲豁免唔駛去考TSA更好!  呢樣野值得爭取.

shadeslayer

原帖由 wan_sosin 於 15-11-27 發表
真的！TSA考了咁多年，有無人可以講下有什麼地方幫了學生，有什麼成效，聽過話，教育局會話返比學校聽，學 ...

只可以講，香港不少校長教師只是辦學校，不是教育。借 tree 根名句，Shame on you。