好depressed, 呀女學校真係好多功課做

Soundervolt

想打機、睇電視....

Soundervolt

原帖由 brima 於 15-11-23 發表
唔通由朝到晚都冇娛樂，又好可憐

遊戲機同電視未發明之前，唔通做學生又冇娛樂？有啲娛樂係唔適合兒童，電視同遊戲機係屬於成年人嘅娛樂。我阿仔嘅屋企嘅娛樂係打波游水、玩board games、睇課外書、畫公仔．．．．

Soundervolt

原帖由 brima 於 15-11-23 發表
書佢睇好多，每日都睇

您嘅問題未必只在於功課量多少，小朋友對於時間管理同專注力亦對做功課及溫習所需時間運用有莫大關係。

Soundervolt

原帖由 brima 於 15-11-23 發表
都係，佢喜歡我返屋企坐佢附近，尊注係唔夠。但確實每日都十多樣，好多家長都投訴。我自己就討厭眼見孩子不 ...

會唔會有好多改正要做？而改正又當一份功課呢？

Soundervolt

原帖由 yuenkw 於 15-11-23 發表
本帖最後由 yuenkw 於 15-11-24 00:05 編輯

令郎嗰啲咪叫效率型學生囉！我要求小兒從小就要重視時間管理。佢讀K時已被灌輸所有人每日只有廿四小時，但如果時處理做得好，佢將會比其他人喺每天有更多時間運用（玩耍或休息），所以而家就算佢讀緊高小，平日功課可以喺一小時內完成（有時可以喺學校功課堂做哂添）。

Soundervolt

原帖由 under_the_tree 於 15-11-24 發表
其實可以train囡囡在lunchtime時做吓功課

建議樓主先要求女兒戒除對您嘅依賴，盡量避免坐喺佢旁邊，佢先至肯做功課。我相信如果做得到，情況可以有明顯嘅改善。

Soundervolt

原帖由 四隻貓 於 15-11-24 發表
性格來的，唔係想訓練就訓練到。
我仔女都係咁教，女由細到現在仍然係好依賴，唔自動自覺; 仔由細開始已經 ...

天生性格都會係一種因素，但係家長好應該首先要嘗試用各種方法排除所有外在基本因素先至投降。如果基礎功夫做得好，雖然最終未能做到完美，但都會令小朋友嘅能力範圍內得到改善。

Soundervolt

原帖由 bigboyenzo 於 15-11-27 發表
改正本身就係一份功課啦，寫多5個10個字都要時間精神同用力架喎

我原本意思想講如果改正都當功課，就要喺做原有功課時更小心去避免"利疊利"嘅功課量。如果原本功課己有五至六樣而改正又三四樣，就好易成為十樣八樣，所以未必係學校直接俾十樣八樣功課學生去做，而學生亦有責任做好功課，盡可能令"功課"數量減少。