請有過升中經歷的媽媽來介紹經驗

YANGQIAO

小兒現在讀六年級，媽媽現在可以開始做些什麽準備了，完全沒有概念，請指點！

幸福

回覆 YANGQIAO 的帖子

好多中學開始有開放日簡介會,  帶小朋友去心儀學校睇下, 最好上有關校網睇下, 可能要報名留位

ANChan59

回覆 YANGQIAO 的帖子

如何部署升中?

chesswin

最好就係呢度翻看舊文, 好多都有建設性.

kwan_kwan3

現階段查上一年之小五報分試成績而去評估小朋友是屬於BAND 1/2/3, 跟據BANDING 去選擇對應的學校,如果網上可以留位去簡介會,留定位先,(有些在網上留位,有些要寄信留位,有些學校要致電或email)再check check心儀學校的簡介會有冇撞期,自己留位時要避開撞期的時間),帶小朋友路經心儀中學的位置,讓他/她一早了解早上搭車的情況,食飯位置,因為番學是小朋友,應該開始由他/她選擇佢的人生,讓她/他選擇自己想去的學校而努力,去簡介會時CHECK 清楚各間學校面試日期,如果面試日期撞了可否改期?如果不可以改期那就自己要取捨,記清楚所有資料,同時叫小朋友多留意英文新聞,多朗讀中英文章,禮儀,當然小朋友也要考好小六第一個呈分試,因為自行只考慮這兩次呈分試,祝大家的小朋友能夠考到一間心儀的學校

bro_and

努力考好呢次呈分試，好多同學忽然發力，有機會變動，如果可以就帶埋小朋友一齊聽簡介會，參觀學校，聽吓校長同觀察學生，有些學校參觀完我地好鍾意，有些參觀完全聽完校長講野我完全唔想佢入，我舊年參觀時都有同d中學生傾計，問吓讀得辛唔辛苦，放學夜唔夜，多唔多功課

mymelody2003

有些學生成績突飛猛進, 所以要更加努力去溫習.

選一些心儀學校幾時有簡介會, 有些時候你去完簡介會就會發現小朋友或你們喜不喜歡這學校.

聽完簡介會再加上小朋友2次程分既成績去選心儀學校.

bro_and

其實五年班呈左一次分數你大約知道你孩子band 1, 2, 定3，如果邊沿就睇晒幾間，打電話問左時間，約到就盡量去睇睇間學校，聽吓校長理念，睇吓d學生，睇吓學校設施，附近環境，我舊年都睇左七八間，問吓老師問題，同同學傾吓，或者考慮埋考直資，多個面試預習，因為等佢考完試，有d簡介會會錯過左，考埋呢次，基本上鎖定邊幾間啱讀，因為呈呢兩次係比自行選校，好彩考高少少都可以博頭輪自行直入，第三次呈分，係加埋第一二次平均計再大抽獎排隨機編號，努力忙埋呢幾個月，加油