放完個暑假, 係咪好多小朋友真係咩都唔記得哂?

思思baby

暑假我KEEP 住睇佢做D暑假作業做成點, 錯就教返佢, 得閒叫佢寫下日記, 睇下圖書, 比D乘數佢做下 (升小二)...因我知小朋友個心好散, 上年升小一, 暑假時太HEA, 攪到上小一後中文字都忘記晒, 追得好辛苦先叫好D, 所以而家暑假比佢玩之餘, 仲要佢做小小功課.

天山雪蓮

原帖由 cmchang0927 於 15-08-12 發表
哈哈。。。我仔從小到現在升p4都係超失憶。升p1 暑假後A to Z數不齊26個，升p2暑假後連自己個名其中一個字 ...

咁點算丫，好驚啊

悠揚

我家慣例一放暑假就會飛, 旅行完回來玩多一星期, 之後每日大慨日程係早上上下暑期班及做學校及我比佢既功課, 然後就可以玩.

今個暑假女開始喜歡睇中文書, 又有做學校網上數學功課, 加上月尾考劍橋試, 所以整體中英數唔單止唔會失憶, 而且仲有進步. 返學前一星期就咩暑假班都無, 好好享受埋個暑假就返學. 我覺得暑假一定要輕鬆d, 但唔好由頭都尾喪玩, 真係會唔記得晒.   

S-Kwok

小朋友未能好像成年人般收放自如，有些小朋友可能未必能在一星期內回魂，又例如有些小朋友喺前一個學年有些科目/知識未穩陣，如果暑假咩都唔做，真係會渣都冇。所以，暑假做些練習，其實真係唔過分。重點係比幾多、小朋友要幾多時間去做、有冇留時間比小朋友做自己想做嘅事。

我自己就要仔每日一篇中文閱讀理解、聆聽及講普通話故事（約10分鐘）及網上數學。至於英文，仔就照常睇書，有時又寫吓故事咁，所以冇額外比嘢佢做。希望升上grade 2, 一切順利。

marcuscyrus

原帖由 哈利媽 於 15-08-11 發表
其實成個假期都有比少量嘅補充小朋友keep住做, 係呢2個星期去咗旅行完全冇做, 但係一問返佢之前學過嘅真係 ...

我那些連個阿媽姓乜都唔記得

rean_chau

經過上一個暑假，今年我每日都要佢抄一版書串十五個生字，唔好話我緊張，因為真係會日子有功，平時練唔切，暑假先有時間慢慢練。

S-Kwok

原帖由 rean_chau 於 15-08-15 發表
經過上一個暑假，今年我每日都要佢抄一版書串十五個生字，唔好話我緊張，因為真係會日子有功，平時練唔切， ...

其實各施各法，每個小朋友都有唔同嘅需要啫，經一事、掌一智，知道點樣令小朋友喺暑假有得玩之餘，又能得以改善，其實幾好喎。
我覺得我讀書嗰年代同依家唔同，以前啲課程無咁深、要求無咁高，暑假真係可以全部攞嚟玩。但依家唔同，課程深、緊湊，幾乎開學第二日就入直路要有全副學習模式，所以要小朋友keep住暑假做吓練習，或補返所需，只要小朋友有時間玩、睇書，取得平衡，就係好，而非怪獸。

emily21921

我的做法是七月全個月玩，八月就半天功課温習，半天玩。

LuckyFish

原帖由 sandra28 於 15-08-12 發表
玩到……keep到七成記憶已偷笑!

alan280204

應該暑假日日都要佢做練習, 一日做十幾個鐘, 做到老豆姓咩都唔知,  唔比佢玩, 咁先可以讀書攞獎, 讀名校, 唔係生個小孩黎做咩

一年讀10個月書, 放個暑假去下旅行又擔心唔記得, 又擔心點開學, 咁就唔好去啦, 日日迫佢讀書, 讀到佢發開口夢都背書就岩

Happyhappylive

今星期安排D俾佢溫下

siden

原帖由 kayi0556 於 15-08-13 發表
我都好憎人濫用怪獸家長，我暑假有問細囡想報乜活動， 佢自己亦揀左佢鐘意的， 但之前家姐試過一個暑假連t ...

我個rabbit寫ribbit!

siden

原帖由 marcuscyrus 於 15-08-14 發表
我那些連個阿媽姓乜都唔記得

連時鐘的時針分針都調轉

Kathy_bo

應該不會的，知識是技能來的

tauchuen

暑假真係要KEEP住做EXERCISES, HEA HEA地做都唔緊要....因為阿女D中英文生字同計數忘記了90%....