2015-16 仲有 IS 會有位的嗎?

彥彥媽咪

大家好...想請教

小兒9月就升小四了，一直都在 local school 讀書，都係一間地區普通學校，用意都係想佢識多D 中文字先走，因本來都已打算安排佢小六畢業就出國升學，所以都希望佢先到主流傳統小學學習先再走。

但由於佢天資普通，無任何特異功能，寫字亦慢，所以好多時考試都寫唔切，試過成版做唔切，咁考試成績當然唔好啦，數學科尤其差，小三考試係 4x 分，因佢要慢慢先計得出。佢成績都會浮動，有時好，有時壞，真係睇佢個日考試是否認真。

由於係 local school, 自小二起老師已有說話聽，成日叫我地幫幫佢，但其實佢唔係唔識，係慢D，同好多時唔專心，我對孩子亦從來唔係期望要考第一，讀名校，只要達標就夠，但老師當然唔滿意啦，成日在班上已忽略佢，亦鬧佢，話佢慢，唔做好功課之類，哥哥都証實有此事 (哥哥都係同校，但成績比佢好，所以唔會有呢D野發生響佢身上)，依家升小四，被分到最渣個班，哥哥話學校只顧精英班架咋，細佬去到最差個班一定無人理。

我都講我唔係介意細佬成績唔好，只係想佢讀得開心，佢自己就唔覺被老師忽略，因我從來唔會因為老師比說話我地聽我就捽佢，但我同哥哥看在眼內就心知肚明。朋友們知悉此事都叫我比細佬轉去國際學校，話個邊環境會較正面，起碼唔叻都唔會比老師睇唔起...云云....我係想試轉，但又有以下想法:

1) 自知細佬成績唔夠好，成績表又唔靚仔，眼看好多讀 IS 既小朋友都十項全能，小兒英語溝通無問題，但當然同 IS 小朋友比梗係唔得啦

2) 再加上成日聽到話 IS queue 已好長，咁競爭咁大，自要叻人先會收，細佬更無機會

3) 有諗過轉去無咁辛苦既 LS, 但問題係, 我估 LS 都會嫌佢成績唔夠好唔肯收佢，去再差D 既就同依家無分別啦，何必要轉？

3) 咁我想請教下各位，是否仲會有 IS 會有位，又唔介意小朋友成績麻麻?  我在想，紅既學校我地唔駛諗了，咁請問仲有無其他會有機會?  會有 IS 肯收呢D 小朋友嗎?

如果真係無就只好捱埋呢三年先走啦....

謝指教

彥彥媽咪

回覆 blc_mama 的帖子

謝謝你既資料, 我會去試

彥彥媽咪

回覆 紅紅 的帖子

我其實都係想問下各位知唔知會仲有咩IS 係唔多人爭就去試 ONLY, 莫講話一線既我考唔到，有能力去考都唔輪到我地啦，我一向感覺 all IS schools are elite schools, 唔係 "平凡人" 讀的, 個個非富則貴，家庭背景去唔到首富LEVEL 都多數係社會上收入高既一群，所以我仔應唔會引起呢D 一線學校既興趣, 故只可試一D 未收夠學生，又或仲可以多收幾個個D 學校我地先會有機會。

你講既HAPPY LS SCHOOL 我地唔係無諗過，但同上面一樣道理，好多香港家庭都爭崩頭唔夠分，咁阿仔咁既成績更唔吼啦，先即管試試問問各家長知唔知仲有學校仲有位可以申請。

anyway, thanks for your advice!