星級爸爸張老闆，唔使話人哋烏龜王八蛋呀?!

little_yolky

王家爸爸 發表於 15-5-27 14:11
我又覺得張老闆講得有道理，雖然語調太Harsh，得罪人。

我阿女去年暑假就係好似張老闆所講, 睇咗一個暑假(中文)書, 無練琴、無睇audio book、無做數學練習、無寫作, 所以, 今年佢將會「被」安排一個充實暑假

little_yolky

coco_cocopig 發表於 15-5-27 15:17
其實咩類型嘅家長都實有，有時都真係登小朋友可憐....連星期六日都要操卷補習



  ...

好似我親戚小朋友, 一星期七日, 學嘢+補習用咗六日, 得一日休息, 真係人都顛。不過, 個細路唔知點解又好enjoy喎。佢小學時操水操得好勁, 依家中學去體院學。上次飯局問我阿女去邊學游水, 我話巨鯨, 佢阿媽就好不屑咁係咁彈人泳會細。我心諗, 我想阿女學游水運動吓啫, 又唔係去比賽, 駛唔駛咁睇唔起呀, 我都好努力咁打電話打咗1.5鐘頭至打得通架。

little_yolky

S-Kwok 發表於 15-5-27 19:23
講起寫作，如果小朋友抗拒，你地會點處理?

我會同佢一齊寫, 大家寫完, 然後交換, 我哋會响對方文章下寫自己感想/回應/繪畫。不過, 因為日日寫, 所以你預咗lunch時要左手食飯, 右手寫文

little_yolky

S-Kwok 發表於 15-5-28 11:09
你女聽話，肯配合。我曾建議過，仔彩我都儍。對佢嚟講，最好24小時睇書




  ...

暑假前半就跟住做, 寫咗Frozen續集, 後來都同你阿囝一樣, 變成24小時睇書

little_yolky

ANChan59 發表於 15-5-28 12:06
好睇小朋友及家長自己的目的及期望！

如果定位中上，不用操，特別是小學生。

如果定位最TOP, 叻果班學生就去操速度及準確度, 無咁叻既學生真係操嚟無用, 操唔操都係中/中上。至於唔合格既同學都可以操下, 操到緊緊合格, 不過唔代表明白。

little_yolky

Yanamami 發表於 15-5-28 20:56
喺度有個隱憂......操果10年卷，可能考試真喺有d幫助，可能呈分都有d提升，但會唔會上到中學就成績唔掂當 ...

所以咪就係話要叻果批學生至好去操, 因為佢哋係識, 只係答題技巧唔完美, 令到佢到差幾分。操卷可以令到佢哋完美, DSE都應該有效。

但最驚係中/中上果批, 本身唔係最好, 有D唔明, 但透過操卷操咗上band 1, 上到中學錯配咗咁就辛苦了。放榜時可能見阿媽開心到喊, 讀讀下就知味道了

little_yolky

GreenMaDad 發表於 15-5-28 19:53
估計大部份報補習班給小孩的家長都屬於中產或基層家庭，雖然我不贊成補習，但也體諒其他家長的想法:可以的 ...

仲有一D好可憐, 雙職父母, 無請工人姐姐, 無四大天王, 所以有補習社幫手接校車, 然後去補習社做功課, 父母放工至接返屋企, 無辦法, 法例規定唔可以獨留子女在家。

當然, 應該有好大部份都係為咗操練成績而參加的, 真係唔太好。