以前不同網友分享中文作文的好方法

YolandaTam

謝!  呢啲方法用嚟寫記敍文 (雖然我自己同小女從來唔用, 反而係隨口噏當秘笈). 似乎寫抒情文又有另一種方法?
例如圖中呢篇文, "原作者" 唔識六何法, 亦從來唔注意修辭, 無論中英寫作一向唔起大綱, 信口開河.  佢話老師之前只係派咗張參考詞語表同俾咗兩篇短文佢哋睇, 其餘由佢哋自由發揮.  





補充一下: 我向"原作者" 訓話, 唔起大綱其實唔係一個好習慣.  因為到寫議論文, 說明文同論說文嗰陣就好容易邏輯混亂, 論點重覆, 自相矛盾, 結果撞大板!

YolandaTam

小時了了  係幾年班的作文?  發表於 5 分鐘前
小五.

YolandaTam

小時了了 發表於 15-4-28 12:55
真心請教點樣才令阿女中文作文有咁嘅文釆呢?

我見篇文用咗好多修辭技巧, 但我女睇好多好多中文書,  ...

唔好客氣, 大家討論.   啲詞語好似係個生字表有??? 任君選擇.  至於修辭, 小女話係憑感覺, 覺得咁寫好啲. 個人認為中文嘅難度在於好多時憑感覺, 憑意會, 好難有系統咁講點解咁係好.  
由細到大, 小女幻想力都好豐富, 好多時會隨口胡謅一啲故事: 喺佢口中, 佢最喜歡嘅玩具公仔(即我頭像嗰隻企鵝) 係一隻好mean, 好傻嘅貪吃鬼, 另外一隻兔仔玩偶 就係愛哭鬼.  也許寫作興趣同信口開河嘅能力就係咁形成.

但好肯定, 多閱讀係有幫助, 差在幾時攞到出嚟而已.

YolandaTam

S-Kwok 發表於 15-4-28 13:31
真係寫得好好。你女鍾意睇嘅書係比較優質嘅書?

佢睇書好雜:
初小嗰陣睇兒童版三國, 水滸, 西遊記, 白蛇傳等等, 又有大偵探福爾摩斯, 公主傳奇...
三四年級睇好多管家琪, 君比, 又有衛斯理, 金庸(射雕, 神雕), 儒林外史, 人物傳記, 朱自清...仲有一大堆中國歷史, 自己上網再睇啲古代皇帝, 妃嬪資料

今年睇世說新語, 遲少少會睇吶喊, 笑傲江湖, "甄嬛", "步步驚心", "宮鎖心玉" .... 見佢唔抗拒文言文, 我打算暑假同佢一齊睇古文觀止,

YolandaTam

好多謝你咁花心機去睇小女篇文, 仲提供咁有建設性嘅意見, 你真係講中晒我心事!  我收到篇文, 硬係覺得有啲唔知點咁, 而描寫文抒情文呢啲完全係我「死穴」,寫方面固然糟糕, 叫我睇都渾身唔自在, 講個秘密俾你哋知,我之所以貼篇文上嚟,係因為老師評語唔錯,但我除咗覺得肉麻之外就唔多識欣賞, 想知道一篇描寫文/抒情文點先叫做好。

成日覺得小女真係學壞咗師, 因為正如之前所講, 除咗喺大學同研究院寫論文,我自己寫作係從來唔起大綱, 即使以前讀書中文作文要交大綱, 都係作晒成篇文之後夾硬寫返大綱! 小女冇樣似我, 呢個壞習慣學到十足十。可能訓話真係唔夠, 要再睇吓點搞。

講開鍾意中文, 其實佢鍾意嘅係中史。

YolandaTam

S-Kwok 發表於 15-5-12 20:17
鍾意中史，會唔會對文言文有幫助? (有中史做了解文言文嘅背景）

你真聰明絕對有!  昨晚佢睇古文觀止第一篇 "鄭伯克段於鄢", 唔駛睇語譯都講得返係鄭莊公同佢媽媽嘅故事.   

YolandaTam

原帖由 loveDD 於 15-05-20 發表
我小朋友(小一)都喜歡看書，但繪本和資料性(例如介紹太空)多而且內容都比較口語化，對累積作文修詞幫助唔大 ...

試試先用中國民間傳說或志怪小說引起佢興趣，西遊記繪本係一個選擇。

YolandaTam

回覆 小時了了 的帖子

令千金在中文寫作上有長足進步, 實在可喜可賀: 四年級時仍有少少詞不達意, 五年這篇文句已通順了很多.  搞好了修辭, 下一步你可指導令千金在選材上多花心思, 例如"中秋節假期"一文, 全文焦點在星期日和表兄弟妹們渡過了愉快的一天, 如果能夠把其他瑣事簡略就可以避免給人"數白欖"的感覺, 再多寫一些和表兄弟妹之間的情誼和自己的感受, 那麼主題會十分突出, 絕對能成為不可多得的佳作!

YolandaTam

原帖由 awah112 於 15-10-01 發表
本帖最後由 awah112 於 15-10-1 01:46 編輯

好幾年冇留意阿仔d功課,睇完妳地post作文,一時興起走去睇下 ...

工整到似印出嚟，厲害 令公子美術肯定好好

YolandaTam

原帖由 小時了了 於 15-11-09 發表
本帖最後由 小時了了 於 15-11-9 10:45 編輯

恭喜，呢位老師 我哋成年人因為食過用唔同方法煮嘅牛𦟌，寫起嚟唔難，但小朋友就真係難啲想像到。𣎴過寫作嘅嘢好主觀，小女今年啲文，寫"穿越時空"題材，寫到又古代又未來再飛天遁地都俾老師話內容平淡，得70多分，無法強求。

YolandaTam

小時了了  您唔好嚇我呀 發表於 2015-11-09 15:07:23

有時所謂平淡，特別，係好睇個老師嘅品味同當時同學寫乜題材，例如你引用嗰位老師講話寫雪糕，當人哋寫糖果，你寫雪糕咪突圍，但如果個個都寫雪糕，你咪平淡。所以選材呢回事只有順其自然，揀自己最熟悉最有感覺嘅嚟寫，文筆通順，用語恰當一般唔會太低分，但要80以上真係好睇老師是否喜歡同學選嘅題材。你嗰位老師應該有啲心得，加油。

YolandaTam

原帖由 小時了了 於 15-11-09 發表
本帖最後由 小時了了 於 15-11-9 15:35 編輯

唔好客氣啦而家為人父母真係好似自己再讀一次書咁。啱啱星期六，小女常識科講槓杆原理，老師話個理論深，唔教，識用就得，就咁派咗張工作紙就算。結果咪要佢父親大人出馬惡補力學概念(幸好我家相公係讀工程出身)。如果靠我就死，我中三讀過少少物理，從無一秒鐘明過

YolandaTam

原帖由 小時了了 於 15-11-09 發表
本帖最後由 小時了了 於 15-11-9 16:20 編輯

引用小女嘅話：呢啲係資優生教育

YolandaTam

最近買咗優閱出版社嘅"寫作天書", 小女話內容同佢學校要求十分接近.  雖然呢本係供中學文憑試考生閱讀, 但我們家長消化過後作輔助教材啟發子女寫作都未嘗不可.  另外我正在看同一出社嘅"閱讀策略"一書, 好似唔錯.  

圖片LINK: http://www.goodread.com.hk/image ... 6%9B%B8-342x500.png

YolandaTam

小小愚見：各種抒情以「睹物思人」最易寫 (晏少少睇吓揾唔揾到小女篇《我的珍藏品》俾你睇睇)

YolandaTam

YolandaTam

回覆 小時了了 的帖子

YolandaTam

回覆 小時了了 的帖子

睇過呢篇文, 至少我知道個女心裏面係有佢外公的,,,

YolandaTam

我都好認同描寫文同抒情文難寫得好，我哋都市人生活繁忙，往往會忽略生活小節，而描寫文偏偏就係靠對小節嘅觀察，抒情文更難，有時真的無情可抒，仲要唔怕肉麻，真情流露先有感染力。因此我自己年少時作文見到呢兩類題目即退避三舍。

YolandaTam

痛苦使人成長