學之園之教學模式

妹豬妹妹媽

女兒現在讀緊N班，9月升K1有學之園之英普OFFER，因為相信學之園所提供的語境及升小一的情況相對較優，所以都有打算為女兒轉校。

但今天剛與老師傾談女兒在校情況，老師提及女兒的認知力較弱，如要她背誦、記著知識較難，反之生活化地教她，她又有興趣的事物，她記憶力變得好好，能牢牢記住所學事物。

女兒有這樣的性格，學之園的教學模式適合她嗎？

bobpinpin

小兒今年LHK1英普,暫時不覺LH學術要求高。中文教材是自家研發，學術認知不一定要高才能應付課程。

反而，好多書同練習要家長陪讀及進行。父母能否抽空参與温習可能較為重要。家長不用擔心小朋友能力太多。

妹豬妹妹媽

回覆 bobpinpin 的帖子

謝謝您!

hedhed

原帖由 妹豬妹妹媽 於 15-04-15 發表
本帖最後由 妹豬妹妹媽 於 15-4-15 23:26 編輯

女兒現在讀緊N班，9月升K1有學之園之英普OFFER，因為相信 ...

學之園面試好全面。咁多年都無收錯過學生的，佢地收中得嘅學生，都係佢地想收果類。放心入讀吧。

Lovelebron

咁多年都冇收錯過學生，好句好句！

妹豬妹妹媽

謝謝大家, 甘可以安心點! 只擔心為個女作錯決定, 害左她。

MrBeast

妹豬妹妹媽 發表於 15-4-17 08:20
謝謝大家, 甘可以安心點! 只擔心為個女作錯決定, 害左她。

是決定交唔交大訂還是call waiting，若後者即是話你未必是最適合個羣咁最好找讀緊的朋友問清楚，因為我看一些分享直覺覺得課程是較深，不過都可試下先，大不了唔啱咪轉校。

siden

幼稚園深極有限
如你女有以上問題，打好個底上小學不是更好？要真LH都讀唔掂，咪俾咗提示你揀小學方向？你點都冇蝕底wor

dbchu

我都有個朋友個女入左n，開心到爆，但佢攪到工到resign埋，全職陪讀，最後k1都係轉校

FaiFai1977

我仔都係LH K1英普，在職輪班爸媽，好少跟功課陪讀，小朋友都攪得掂，我覺得程度ok, 老師自有方法教，不用擔心。

phoebewong123

原帖由 dbchu 於 15-04-17 發表
我都有個朋友個女入左n，開心到爆，但佢攪到工到resign埋，全職陪讀，最後k1都係轉校



  ...

因為資質唔夠跟唔上定被勸退先？

dbchu

原帖由 phoebewong123 於 15-04-17 發表
因為資質唔夠跟唔上定被勸退先？

係家長問題，佢唔想太多家校合作，我相信大人壓力都唔小，我覺得咩學校亦都要配合咩家長，不單是小朋友本身問題

siden

N班都要resign全職陪讀？！仲要之後K1轉走？N班或K1半日班谷極都有個譜。

如果小朋友冇發展遲緩或學障，我覺得肯定係家長有問題或唔鐘意LH教法因了解而分開。

jjson

siden 發表於 15-4-17 12:31
N班都要resign全職陪讀？！仲要之後K1轉走？N班或K1半日班谷極都有個譜。

如果小朋友冇發展遲緩或學障，我 ...

你說得對，阿女是超細女，在LH完全跟得上，K1真是唔深，我好少跟阿女功課，最多是佢做完，我check 下，不過中文阿女弱D，可能要問我，英文及英數，全部自己做，做完自己放入書包，校長都話家長唔好陪住小朋友做功課，佢地會依賴。

K1都陪做，咁上小學點算，只要佢跟到，我有時都由得佢錯，等佢下次小心D，K1唔放手，K2梗加唔會放手，咁小朋友同家長就會走進不歸路 。

又咁講，我個人對小朋友要求唔高，唔使每次功課都有3個印仔，點都讚下佢，佢好喜歡做功課。可能有D家長要求好高，小朋友可能有壓力。

妹豬妹妹媽

回覆 MrBeast 的帖子

交大訂啊！

lambeanmama

原帖由 jjson 於 15-04-17 發表
你說得對，阿女是超細女，在LH完全跟得上，K1真是唔深，我好少跟阿女功課，最多是佢做完，我check 下，不過 ...

你好呀，請問你超細女是12月b嗎？考K入LH好叻。但班內應有超大b,大足足一年呀。你覺得有無太大concern呢？

妹豬妹妹媽

lambeanmama 發表於 15-4-17 19:53
你好呀，請問你超細女是12月b嗎？考K入LH好叻。但班內應有超大b,大足足一年呀。你覺得有無太大concern呢？



...

我個女也是細女，2012年8月B。同年9月B，出年16年先讀K1！

lambeanmama

原帖由 妹豬妹妹媽 於 15-04-17 發表
我個女也是細女，2012年8月B。同年9月B，出年16年先讀K1！

9月都做超大b?咁我呢細足14個月有多的超細仔都係早點番歸了。

jjson

lambeanmama 發表於 15-4-17 19:53
你好呀，請問你超細女是12月b嗎？考K入LH好叻。但班內應有超大b,大足足一年呀。你覺得有無太大concern呢？



...

是的，我小朋友是12月超細女。

太過獎了，其實K1面試都要看看運氣，有些小朋友考K的offer 麻麻，但到考小一，成績郤非常亮麗。我覺得考小一，小朋友的能力才見真章。

另外小朋友專注，淡定，喜歡閲讀，我相信好多學校喜歡收這種小朋友,這和是否大細B關係不大。

在學術來看，根據老師及ongoing assessment , 在英文及數學科成績和超大B及大B沒有分別。但中文弱些，但同大細B冇關係，是她自細接觸英文環境所致，我現在要調節她對中文興趣。

但連線真是比大B差一大截，我見班上的大B，真是連得很好，阿女，我覺得是一般。

自理能力，因由細個比佢自己做，所以自理能力和超大B沒有分別，這是根據老師評估說的。

當然，比起一D超班能力的超大B及大B，佢地又淡定又主動，他們確是搶眼，但隨著升上K2及K3後，大細B的能力差距會縮細，自己覺得問題不大。

但做大B及細B，真是好睇小朋友的發展，作為家長，應該最清楚小朋友的發展。