點教小一生重組句子

肥婆媽

阿仔小一，但是中文真是好差，特別在做重組句子，基本上可以話10句錯10句，除非真是好容易個句，想問各位，有咩心得可以教佢

mybryan

多做多看書

Jane1983

買補充做，可以快d去到合格水平。

最好係睇書，可以全面提升中文能力。

MrBeast

冇捷徑，多閱讀再加操練，and it will take time

wan_sosin

睇多D書，讀出聲，當對句子形式熟咗，小朋友就會知點樣嘅句子先通順。

little_yolky

肥婆媽 發表於 14-12-19 08:06
阿仔小一，但是中文真是好差，特別在做重組句子，基本上可以話10句錯10句，除非真是好容易個句，想問各位， ...

我好彩啲, 囡囡小一時10句大概錯9句, 佢仲要係成日睇書, 中文好過英文果隻

不過, 做多啲, 繼續睇書, 小二時就就變咗10句啱9句了。如果要測考好, 除咗睇書, 都要加適量練習既。又或者可以唔睇書, 但加大量練習, 但咁樣作文又唔掂, 所以, 都係為長遠計, 大量閱讀+小量練習效果會好啲, 雖然藥性較慢, 但係治本。

marcuscyrus

原帖由 肥婆媽 於 14-12-19 發表
阿仔小一，但是中文真是好差，特別在做重組句子，基本上可以話10句錯10句，除非真是好容易個句，想問各位， ...

我大仔睇好多書，但剛開始做重組時都老鼠拉龜，我教佢先組合兩組詞，然後再拼其他詞組落去，效果理想

MASAYA

首先佢認唔認得d字先？如果識睇識讀，叫佢做完一次讀一次，自己睇下順唔順口，一般黎講都可以自己分辨句子順唔順，畀d時間佢，試多幾次就識

如果唔認得d字，拎返課文出黎讀多幾次畀佢聽，認得字之後可以開始以上方法

jc2009

小一課程有教, 兩句素/三句素/四句素的結構

樓主, 可以試吓小朋友做重組句前, 問吓佢識唔識分, 如人物素, 活動素等, 可令佢容易分到次序.

肥婆媽

我有叫阿仔做完之後讀下順吾順口，佢就成日話好順口，我又試過叫佢試下用口語化講一次先，但是都是吾得

hadwinboy

原帖由 肥婆媽 於 14-12-19 發表
阿仔小一，但是中文真是好差，特別在做重組句子，基本上可以話10句錯10句，除非真是好容易個句，想問各位， ...

重組句子靠語感，一定要多看書。操補充練習也應該會有點幫助，做得多會發現句式差不多。

謙仔媽咪

試下將生字分開一個個寫係紙，之後換唔同位置叫佢讀

Carsonsh

要求小一生做句子重整，真係要求太高，普教中之下，小一生可以認齊D字都已經唔容易，悟性各人不一樣，簡直係揠苗助長!

傻太

原帖由 Carsonsh 於 14-12-22 發表
要求小一生做句子重整，真係要求太高，普教中之下，小一生可以認齊D字都已經唔容易，悟性各人不一樣，簡直 ...

K3剛開學要考小一，有d已考重組句子

yy0601

原帖由 肥婆媽 於 14-12-19 發表
我有叫阿仔做完之後讀下順吾順口，佢就成日話好順口，我又試過叫佢試下用口語化講一次先，但是都是吾得



  ...

要學懂辨別詞語（例如什麼是名詞、動詞）、基本句子結構，看多點課外書，再加上多練習，不能只叫小朋友讀下順唔順口，因為他還未有這個語感。加油！

ihv2kids

要先理解3要素（人物、地點、事情）和4要素（時間、地點、人物、事情）。之後掌握形容事情的形容詞。父母平時對話多留意自己句子舖排，當然要多看故事書。

jollyma

重組句子係極之無謂既文法練習，睇多D書學好語感，我認為冇需要刻意操練

964000

其實呢D重組句子有咩用？真的學到中文?