小一生，我跟得好辛苦，救教

fc926

學查字典,可以加強中文字結構了解,從而加強記憶

little_yolky

kenwong888 發表於 14-11-24 06:09
Me too!
中文字又唔識得多，但要做閱讀理解!
She cannot handle!

我哋學校小一時既閱讀理解測考時老師會讀埋篇文, 所以唔識字唔緊要, 最緊要識解。


我當年教囡囡睇書, 啲常用字：的、要、有、了、就、是、你、我、他等等係叫佢記咗佢, 因為成日出現。其實，讀得晒全套青田, 都無好大問題了, 唔識果啲佢哋會估的。

kenwong888

little_yolky 發表於 14-11-24 12:36
我哋學校小一時既閱讀理解測考時老師會讀埋篇文, 所以唔識字唔緊要, 最緊要識解。

Thx!

yanyan6

小一,做阿媽出盡力,仔女都未必掂,要佢都要吸收得到,小二好多野都適應左,但各方面都要求高左好多,不要以為小一過左就得.小二難好多同比分再緊好多,我仔小二,努力中

HaYi

試下外人教, 有時有用, 唔得再想其它方法,

1234ats

wan_sosin

題外話,屋苑內聽到有是非話,成日帶個小朋友落街玩,成績唔慌好!但我真係偷偷笑,而家社會,家長大多數唔會比成績唔好嘅小朋友落街.當然唔出街玩仲有大把原因,我當然唔係指留係屋企就成績唔好啦.
-------------------------------------------------------------------------------------------------

我的看法與多數家長剛剛相反。玩耍是孩子成長重要一環，我要求兒子每天一定要到樓下玩耍最少40分鐘，而且一定要玩到攰，跑步單車踢球捉迷藏等，只要能出汗的都可以。玩完回家洗個澡，如果累了可小睡半小時。

我兒子現在上中學，無論第二天是否測驗考試，仍然有每天運動習慣，運動能幫助他讀書更專心，穩定情緒，提高學習效率。

我是強烈建議學校每天讓學生有玩耍時間。不過相信香港大部分家長都不同意。

happycandy

我都很贊成小朋友可以落街玩，我囝四點放學，六點才讓他做功課。中間有時去公園玩，有時帶他去吃好吃的，有時去看書。Relax完便好專心做功課。
不過，讀書方法個個不同，阿媽有恆心，一定找到方法。只是太長時間做功課及温習，只會事倍功半。:

marble2004

回覆 1234ats 的帖子

I strongly agreed to let children play.  But I also take it into consideration when kid can only finish his /her homework by 11ish...so now what I am doing now is to ask my daughter to play / rest /  do some exercise before doing her homework.  I told my kid you always have to finish your homework, even after you play, you still have to do homework.  However, on the other way round, if she only play after finishes her homework, she probably will just jump in her bed after finishing her homework, so I let my daughter play before she does her homework.  Hope this can balance her life...

wan_sosin

1234ats 發表於 14-11-24 15:24
wan_sosin

題外話,屋苑內聽到有是非話,成日帶個小朋友落街玩,成績唔慌好!但我真係偷偷笑,而家社會,家長大 ...

真係開心有另類家長,無將學業同正常遊戲運動時間掛鉤!

我樓下看更同我講,得我個仔時時落公園玩,其他小朋友連幼稚園生都唔出去玩!

現在太多家長將小朋友生活扭曲了.

wan_sosin

IloveJJ 發表於 14-11-24 22:22
咁我都俾個讚你啦！我都係想個仔日日有得落公園，幼稚園時，已日日帶佢去完公園先返屋企。不過，我呢度都有 ...

我住青衣區,樓下有個大公園,所以要玩好方便,但無乜小朋友玩囉,我仔想搵個小朋友一齊玩下都唔易.
早兩年都唔係咁少人玩架,唔知點解近兩年唔見晒d小朋友.

snow_miffy

佢由n1讀到k3, 係學晒所有音嘅，又有教blending, 只係佢唔習慣咁做，無論讀同串字都係……因為哥哥讀同一間幼稚園，入小一後串字，讀字係完全無問題嘅
其實由細都有同佢睇書，但可能一路依賴我講，佢就無睇字
其實我唔係怪責緊佢成績唔好，追唔上，亦好同意如果幼稚園無谷，基本上同正常津校係有好大個gap嘅
我只係懷疑，係我個仔真係能力偏低？呢種教學方法唔適合佢？定係真係要時間適應呢？定係我唔識教佢呢？
我唔係要佢好叻，亦無同其他人比較，我只係好擔心，如果呢種教學方法根本唔適合佢，就要幫佢轉其他學校，我唔想佢每日俾人塞塞塞，塞到連學習興趣都無埋
其實佢每日放學返到屋企，都會休息一個鐘(食茶點/玩下/有時睇一電視)先做功課，但都可以做好耐先做得完
每日同佢搏鬥，好攰

Julybabe

原帖由 snow_miffy 於 14-11-23 發表
我一向無特別谷個仔，咁佢好好彩入左間唔算好谷嘅津校。但我覺得跟得好辛苦……
佢明明學過phonics, 但又唔 ...

比佢補習？

wan_sosin

snow_miffy 發表於 14-11-24 23:41
佢由n1讀到k3, 係學晒所有音嘅，又有教blending, 只係佢唔習慣咁做，無論讀同串字都係……因為哥哥讀同一間 ...

咁你平時覺得佢聰唔聰明?最叻邊方面嘅嘢?

有無留意佢主要係視覺學習,還是聽覺學習多,甚至觸覺學習?

記憶力方面是所有事都唔多記得,定係學業上先唔記得?

專心嗎?

要找出原因,真係要多方面觀察!

還有可能有一些心理因素,例如佢唔明識字有什麼用?

soright

The most important of phonics is know how to blend. Not just only read out the sound.u can teach (all/fall/tall/mall/wall) this,method very useful and kids more easily to catch up

MrBeast

snow_miffy 發表於 14-11-24 23:41
...我只係懷疑，係我個仔真係能力偏低？呢種教學方法唔適合佢？定係真係要時間適應呢？定係我唔識教佢呢？...

A bit of everything, 有些人唔係咁sensitive to phonics ，咁你要找出佢強項，以強補弱。
佢係完全唔記得點串定串錯？如後者，初步串完你可叫佢用拼音讀返個串錯的字。

EGG_PY

我小朋友仲係幼稚園生, 出年升小一
但我聽說小一是適應年, 但開學頭記要背書, 是否課程偏深? 定係正常? 如係正常, 我都好擔心, 因我小朋友都係如樓主嘅小朋友咁....

little_yolky

snow_miffy 發表於 14-11-24 23:41
佢由n1讀到k3, 係學晒所有音嘅，又有教blending, 只係佢唔習慣咁做，無論讀同串字都係……因為哥哥讀同一間 ...

係呀, 同樓上wan_sosin咁講, 要多注意下小朋友係邊方面較弱。你果個問題可能係：男仔+細佬。聽講男你係無咁集中的 (我兩個女, 好彩都專心), 但可能佢呢樣唔叻果樣叻。小一係要時間適應的。我就覺得幼稚園谷唔谷hea唔hea其實同小一無好大關係。我囡囡都係happy school, 但升上小一無任何問題, 因為學校教自律自理教得好好, 佢知道要自己顧自己。我囡囡間小學仲係私校添, 聽其他JM講, 測考係算多了。


唔好咁氣餒, 要奸巴爹, 你有精神, 小朋友又有精神的。我發現, 當媽媽表示得好攰、好燥, 小朋友就會自動關上學習既大門, 乜都聽唔入耳了。