請教大家如時光倒流一年，你會點備戰

iamadc

我見不少意見都係話考學習態度和品格。所以我無比仔仔考很多cert，我比佢上社交班而無上面試班，上drama 班比佢講野有自信。另外有踢足球和游泳等佢有戶外活動，身體健康, 當中也學到聽指令和合作。

學術方面我們只比佢上中文認字，因為我見小一中文和他現在學的程度差很大。英數我見好多人補，但佢學校加上我們的reading 已很多。數學佢很有興趣但我見坊間都係找個fresh grad 同佢操exercise, 我怕佢會有反效果。

我的想法會不會太天真？

hkpapa852

iamadc 發表於 14-11-11 09:25
我見不少意見都係話考學習態度和品格。所以我無比仔仔考很多cert，我比佢上社交班而無上面試班，上drama 班 ...

如果你唔係係諗住俾小朋友讀英小, 練習中數好過英數(可惜坊間多數"補習"都只係英數).

個人覺得, 不要刻意為考小一而去做太多的訓練. 給小朋友的, 應是一些持久, 而且有幫助的他們成長的, 不是去報雞精班, 考試班等......

其實無論大家如何努力,如何準備, 都沒有辦法保証一定可以讓小朋友考到某校的一個學位..... 除非你既準備就係同相關人任打好交道, 有特殊渠道入學囉!

奥脫福

拿拿聲信教、申請做校工、加入社團、找個校董結婚。。。

MrBeast

Find out 將會就讀小學課程和你小孩能力的差別，再加以預早訓練，如多抄寫，練好小肌，如數教快，就補一下（當然學校中數就補中數）

IRK

備戰不是一年前才開始，是從幼兒期觀察孩子的强弱項，配合家庭的教育理念加以栽培。考小一有太多人為不可控制的因素，不管結果如何，以長遠一點的目光培養孩子，才不會浪費光陰。

神婆小茜

我覺得平常心對待便可

hellolo

備咗都唔代表有offer

tiggeryyw

其實K1已經要開始培養和準備...  明白可能冇OFFER.... 但也和小朋友盡力參與準備這埸遊戲

sze0203

奥脫福 發表於 14-11-11 11:08
拿拿聲信教、申請做校工、加入社團、找個校董結婚。。。

你去到好盡~~同校董結婚仲唔夠要做埋校工~~:p

我會繼續做返自己, 讓小朋友做返本份，路已走過，唔需要任何後悔～～

奥脫福

sze0203 發表於 14-11-11 16:18

你去到好盡~~同校董結婚仲唔夠要做埋校工~~:p

我會繼續做返自己, 讓小朋友做返本份，路已走過，唔需要任何 ...

講之嘛，邊個都係天下無敵！  

如果真係要答樓主的問題，我覺得除左小一自行的「必收生」、「計分制」以及大抽獎時
「搬屋」有得「備戰」之外，其他的根本係備無可備！因為你唔會有 syllabus，亦唔會有
marking scheme！能做的只有盡力 train up 孩子，但試問邊個可以豪言「備」完之後一定
duck ？！而且最驚真係隻雞會變左做鴨！

hkpapa852

奥脫福 發表於 14-11-11 16:31
講之嘛，邊個都係天下無敵！  

如果真係要答樓主的問題，我覺得除左小一自行的「必收生」、「計 ...

其實可能唔駛結過婚，走去宣誓轉監護人可能都得（我記得幾個月前成日有人問點証明係個小朋友監護人）；不過都係講吓笑！
依家係學校揀人，根本唔到你諗，真係唔好諗咁多，係諗都去諗大抽獎策略。

更加唔好Offer都未有就問XXvsYY，咁樣幻想法，真係人都顛。

朱總理

其實五歲就要考咁多野，仲要唔怯場，真係harsh 。無奈遊戲係咁玩。。

sylvianyiuchun

我會俾多些心理準備，多些正面讚賞，俾多些機會佢int, 讓孩子汲取經驗後自然發揮

matv

如果再來一次, 我會再做, 唔會再做, 同會加番做的是:  
A. 我會再做
比佢上話劇班, 普通話班, 參加朗誦比賽, 學PHONICS,上ENOPI, 在家教佢基本畫畫的結構. 考CAMBRIDGE STARTER, 考普通話對答初階 上中文認字班, 上面試班. 成日要佢同唔同國藉老師朋友說話, 去好多外地旅行, 影好多相.
B. 唔會再做
明知佢唔鍾意音樂, 運動, 唔迫佢, 唔浪費時間, 但比佢試, 影低D相.
C. 會加番做
上說故事班, PN開始同佢看書, 講好多大人先明的詞彙(中英文)

little_kid

可否解釋下點解再做／唔做／做返果啲？

hkpapa852

matv 發表於 14-11-13 17:55
如果再來一次, 我會再做, 唔會再做, 同會加番做的是:  
A. 我會再做
比佢上話劇班, 普通話班, 參加朗誦比賽 ...

要再做咁多野可以得到D乜？得到的恐怕只有一個忙碌而又不快樂的童年

IRK

原帖由 matv 於 14-11-13 發表
本帖最後由 matv 於 14-11-13 17:59 編輯

如果再來一次, 我會再做, 唔會再做, 同會加番做的是:  

其實晚上自創些故事講俾佢地聽，大大吓，小朋友會跟住講，我囝在人前夠膽講故事，仲自創名字，諗返轉頭，都係無心插柳。唔洗花錢花時間上故事班。我自己初初自創，都係講得好無聊，但d細路又覺得好聽(可能俾面媽媽)，作咗咁多年故仔，日子有功，老公都話我勁。

話時話，原來好多學校都考看圖講故事。

little_yolky

朱總理 發表於 14-11-11 19:51
其實五歲就要考咁多野，仲要唔怯場，真係harsh 。無奈遊戲係咁玩。。



  ...

所以依家啲細路真係好出色, 我哋以前影張相好似蕃薯咁, 佢哋依家見到鏡頭仲識擺pose

matv

回覆 hkpapa852 的帖子

我指再做, 即係我已經做左, 而且覺得有用, 當然不是全部同一時間做, 是從PN開始分階段進行的, 小朋友通過遊玩中學習, 一點都不辛苦, 加上在INTERVIEW時, 全部用得番, 佢好有滿足感, 又唔使谷, 幾好.

唔做當然係做過而覺得無必要, 但因人而異, 如小孩子是慢熱型, 你便要觀察長點時間才幫他取捨.

而我會加番做即係我在INTERVIEW后發現小朋友欠了此部份的培養, 但看來各校都很重視的表達能力, 如再有機會, 我會加強此PART, 用任何方法都可以.

pearltsang

原帖由 matv 於 14-11-14 發表
回覆 hkpapa852 的帖子

我指再做, 即係我已經做左, 而且覺得有用, 當然不是全部同一時間做, 是從PN開始分 ...

上故事班真係好重要㗎，不過始终覺得讀名幼最緊要，不喜匆插，小女有3個offer.