interview後有感...

petunia

我知道呢間係好學校。其實，好係班老師度，定係好係班細路仔度呢？

星期二，明明係返學日，會有一班學生唔上堂，走來做幫手，咁...佢地d堂點算？功課點算？學校咁輕易就俾學生唔上堂的？

我in下午，in完之後獎個女去左酒店食野，走時已經係7點。返去果邊搭車，發現仲有好多學生7點都仲係度幫手，佢地唔駛返屋企咩？

我有個朋友，佢話星期三入去，等緊時佢睇左套話劇，女生作男生打扮，仲有功夫同埋雜技，....佢地係點讀書的？

我知道，呢間學校係全港數一數二的。但是，學生勁到唔駛上課，放7點未放學，仲有數之不盡的課外活動，連補習的時間都無.....

唔怪得，佢係一間只收最top學生的學校。因為唔top就捱唔住。

想到呢一點，我會望一望自己個女，真係要捱到咁盡先叫做「全人」嗎？
還是....女拔才是太「邊緣化」呢？

(又或者，係我睇得出自己個女唔係咁的性格呢？)

petunia

mm.....每個考生收左100蚊報名費，但又用學生俾學費的上課日做面試？