家長為了舖排子女升中路, 用在課外活動的開支真不少 !

YuYuMother

原帖由 goodboy1 於 14-01-27 發表
家下學校一般要求學生最少有一體一藝的課外活動，“藝”-通常會選玩器； “體”-自選一樣運動。
想入心儀中 ...

話就話一體一藝，其實都唔係人人有架……

有就錦上添花增加競爭力，無又唔代表一定唔得，始終成績最重要。

YuYuMother

fatman69 發表於 14-1-28 12:12
學咁多野，兼顧到學業嗎？

有d小朋友可以架。
叻嗰group小朋友真係品學兼優，樣樣皆精。佢地唔止讀書叻，time management 都好好，所以兼顧得到。亦都咁講，佢地家庭支援亦好充足。

YuYuMother

原帖由

我親戚個小朋友係自小比媽咪迫學彈琴，佢考完8級無再學，自始無再掂過部琴，所以真係要小朋友鍾意先得。

YuYuMother

原帖由 goodboy1 於 14-01-28 發表
說話係咁講, 但現實歸現實, 單靠校內成績, 想爭入頂尖名校, 機會微乎其微 !  ...

我意思係成績行頭，之後再體藝。如果成績都未搞掂，何來時間去一體一藝呢？

我知有d case有藝，但無體育，咪一樣入到band 1a名校，無話絕對一定要。無興趣就算，何必咁大壓力一定要有？

YuYuMother

fatman69 發表於 14-1-30 10:38
如果有好多課外活動，但又升不到好的中學，咁就白費心機！

其實講到底都係要睇小朋友興趣。

我小朋友有自己睇法，佢覺得參加活動為獎項為升中就失左意義，一開始已經動機不良，所以佢參加活動都係自己鍾意先參加。我都有同佢分析過升中形勢，不過佢有自己想法，我亦唔想迫佢。就算後來參加比賽或考試都係老師推薦或鋼琴老師叫報名，佢又唔係太熱衷。獎項都叫做有唔少，但未至於好多。

所以我覺得就算家長安排好多活動，都要小朋友肯參與投入先事半功倍，如果唔係無謂勉強，留番時間精神學業上，又或者假期休息下 family day 仲開心。