真心問, 唔做profolio, 有冇人考到直資?

魚兒小寶貝

原本冇諗住做，我地只有d親子獎及活動証明，但某d津校叩門時指定要交profolio，如果考唔到直資私校，都係要做，咁做定都冇壞吖！

其實簡單平實已得，況且。。。諗得黎都做左啦! 仲有喎，d人講到考小學有幾大幾大壓力，有d又話後悔報得少等等，時間係冇得番轉頭既，交左profolio 起碼唔會後悔冇交，少一樣心理負擔先啦!

最重要一點係你或你對你小朋友信心不足，有足夠信心的話根本唔會問，直頭對profolio不屑一顧啦! 你睇置頂果個無獎無証書既分享，幾有自信!

做啦!

魚兒小寶貝

Charlotte_mom 發表於 14-1-21 08:38
我覺得做唔做不是issue，問題係你有咩擺落去。如果係勁料，年年拎傑出學生品學兼優獎，唔做都即收啦。相反 ...

係呀，簡直講緊表哥仔（前者）及我仔（後者）個情況。睇完表哥仔果份n張超學年+n張品學兼優+雲遊四海既profolio 後，自覺幫囝囝整黎都。。。不過好似我之前所講，有d津校要交依家唔整之後都可能要整，囝囝有d無謂濕碎野+幾個親子獎+品學兼優獎，做左交左叫心安理德好過冇咁囉!

魚兒小寶貝

回覆 傻太 的帖子

前者最終決定唔考直資私小，而大抽獎中了頭獎不用叩門（上年12-13）。
後者考3間直資，2間收，1間2nd冇去（今年13-14）。

我都唔知呀，我地最頭係履歷，後面有畫有功課有証書有獎有活動相家庭相，冇乜字；表哥仔果份都係咁啦，不過佢果份一大堆獎+鋼琴+義工最後寫住＂讀萬卷書，不如行萬里路＂就係由咬住奶咀開始既旅遊照。。。我睇落覺得有d串囉! 哈哈哈。。。當然係酸葡萄+講笑啦! 可惜冇去任何面試，哈!

魚兒小寶貝

呀~突然醒起一失敗例子，朋友（一家都係和藹正常人）兩人均是大學畢業，任職大公司唔錯既職位。囝囝讀九龍某活動教學愉快幼稚園，大家都希望囝囝有＂愉快童年＂，所以完全冇教或報任何學術上既興趣班，校內成績5分3係C。佢地份profolio 內竟然印埋成績表，然後父母各寫了一篇感想及期望（我覺得太多字）。。。最後冇一間學校收，自己聯系小學亦唔收，抽獎又去到好尾，叩門亦冇津校收好慘! 最後求爸爸母校收左。
佢地好後悔自己既天真與不智!

魚兒小寶貝

回覆 loveDD 的帖子

哎呀~乜咁嘥呀!
冇記錯我地考果3間都要求K2成績表或評估，所以我冇再放落profolio 內，但學校老師比既comment係寫落另一份成長紀錄內，因為比我仔既comment好好，所以我cut埋落profolio 到，第一版履歷，第二版品學兼優獎+老師good comment，之後果d唔睇都得。。。

魚兒小寶貝

回覆 Jane1983 的帖子

唔知架！但老實講，同著衫一樣，我肥果排就唔會著貼身衫啦!

魚兒小寶貝

crystalpui 發表於 14-1-22 11:58
我都係打算咁樣答.....
而呢個係事實呀.......
原來唔可以的嗎???

係，呢個係事實，但試想想，當小朋友真正讀緊小一、小二、小三。。。既時候，佢每個學期攞包尾番黎比你睇，你容許嗎?
有位朋友親戚話心知個女唔係讀書材料，所以話＂讀唔成書唔緊要，開心健康咪得囉＂。在幼稚園階段完全冇理佢學業上問題，搵左間＂程度較淺＂及少功課既小學。。。但當番左一個月小一時，佢兩母女喊晒。。。

魚兒小寶貝

回覆 y3y 的帖子

程度較淺及少功課既小學完全唔係問題，最緊要適合小朋友；父母抱＂讀唔成書唔緊要＂既心態都唔係問題。問題係功課一定要交，書就一定要黙，試就一定要考。。。放任既開心快活過後，係一連串既＂唔識呀＂＂做唔到呀＂。。。

接受唔等於放棄嘛，父母倒不如在幼稚園階段幫小朋友打好根基，令佢在學習上冇咁困難仲好啦。

魚兒小寶貝

報名表及面試時我都有提過希望囝囝健康快樂之類，而我亦都有表示好著重家庭教育。。。囝囝是在充滿愛與鼓勵中成長。。。亦期望學校可成為囝囝的伯樂。。。令他更上一層樓。。。