發展遲緩係唔係跟一世?

winwinwan1121

bb而家2歲半，整体發展遲緩，未識講野，同同齡小朋友相對大落後，係唔係等如佢將來讀書成绩會好差，有冇家長可以分享?

mosquito_chu

當然吾系，愈早發現，愈早接受治療，家長同小朋友做練習，痊愈機會好高嫁！

shuna

要睇佢本身potential, 有potential 你又努力訓練佢, 會追得返變正常小朋友學習能力但可能有一d野爭少少, 冇potential, 你又努力訓練, 會追近d正常小朋友或有限智能讀到普通小學, 未必讀書好叻, 又可能係輕度弱智, 冇potential 你又唔努力可以係輕度弱智或中度弱智。6歲評估就知, 所以好好把握而家既時間幫佢,將來既事係無限可能。

crystal媽咪

只要加以適當訓練, 視乎小朋友邊方面的遲緩(加上PT / OT/ST/PST....)
其實早發現已很好, 多做家居訓練, 多練習.
可以把差距追近同齡, 也有小朋友語言同小肌肉都慢2年多,
而家都追得返, 讀普通小學, 沒有支援.

加油 !!!!!

pocoyo123

小兒是一個例子, 小時評估, 整體相差1年半, A仔傾向, 入學前評估智能中下,A仔,今日在一間一線尾小學讀, 40人一班, 傳統教學,讀程不淺, 成績在全級中間, 真係要睇下你怎樣去面對佢的差距, 努力和小朋友向前行, 你會見到好多美好一面

湘兒

晤會。

我仔小時都係遲緩，情緒問題。初時家長的確難面對，係協康會早期接受左三年training ，repeat 一年k3。

到升小學前，CAD 個評估話他追返同齡，真係好感恩。宜家讀緊小一，亦比預期理想，中規中矩。

methy

有無發現慢，都無人知自己小朋友將來讀書叻定唔叻。眼前最緊要做評估（如果未做），搵訓練（如果未排到政府服務），幫助小朋友追返發展水平，以應付生活上能自理，語言上能表達需要，社交上能同人相處等等，將來係點、就算小朋友正常（發展），都唔知佢有無書緣，作為家長，盡左責任教佢，能力範圍比佢最好最多既資源就是了。
其實小朋友身體健康最緊要。

fmc

其實所謂追番,係剛猛車邊,唔會完全追到,我仔都係遲緩現在小3,普通淺課程學校,

小一默唔到書,考試唔使講,唔會及格,現在小3,追到D D,只有中文唔得,但功課令佢好吃力,落去補習班好D5點半去,9點會返來,唔落去就12點先會做完

winwinwan1121

原帖由 winwinwan1121 於 13-11-15 發表
bb而家2歲半，整体發展遲緩，未識講野，同同齡小朋友相對大落後，係唔係等如佢將來讀書成绩會好差，有冇家 ...

我但係真係接受唔到個仔幼稚園都要留班，口甘細個都要留班，几時留到大個，好似意味著會年年考第尾，知道佢唔係叻，但希望唔係年年墊底果個。。。

fmc

唔使驚，現在小學，唔比留班，我同我仔學校講想留班，兩年都唔成功，一係話無位，一係話佢唔係最差個個，除非佢有埋其他野，例如過度活躍症………

shirleyley

我囝同你囝差唔多年紀,都好擔心但沒法子,唯有積極面對,現在讀緊N班,亦在外面搵多啲培訓及多做家居訓練,希望跟得上,大家一齊努力吧~~~

angels'mom

回覆 winwinwan1121 的帖子

小朋友在幼稚園留班也很常見，若留班幫到佢，點解要咁執著﹖

朋友的兒子重讀K1，因為小手肌發展遲，上K2根本寫唔到字，點讀﹖

我個仔K1下學期才開始返學，讀了一年半K1，冇辦法，當時認為阿仔未得，現在覺得對他是一個正確的決定。

bauhiniakan2000

winwinwan1121 發表於 13-11-15 04:16
bb而家2歲半，整体發展遲緩，未識講野，同同齡小朋友相對大落後，係唔係等如佢將來讀書成绩會好差，有冇家 ...

你落心機教會相差好遠,看過文章曾比醫生應為弱智既小朋友,後來知道是自閉,佢媽媽不籪努力下,個仔讀到碩士,係中文大學返工,我仔係a仔,二歲四個月未識講野,bb話都無,現在三歲八個月,我落心機教,可睇住k1的書,讀晒d字出來,識晒三字經d字同識背,理解功課d題目,現在除體能外,大部份都追得返.

Letter_lalaland

其實如果幼稚園肯俾小朋友留班係好好彩嘅事，起碼學校唔怕麻煩肯幫手教。

而家一班主流幼稚園25人嘅班，閒閒哋都4-5個學生會有唔同程度嘅特殊學習需要。

waiwai2468

up

mademoiselle

我囡剛6歲, 今年9月上小學喇! 4月底喺中九龍度見咗言語治療師, 評估佢言語能力得4歲左右, 剛喺6月中見埋兒童心理學家, 評估佢係有限智能, 但佢報告建議上普通小學, 因為阿囡好聽話, 又肯跟指示做, 覺得可以上, 但我都好擔心。 冇喺出面做治療, 因為經濟未許可長期做, 我係去上講座, 自己同佢跟。

Olympian

父母希望孩子每天進步是理所當然的事。我們特殊小朋友的家長，進步的目標通常是追到同齡的能力；正常小朋友家長的目標，可能是要比同齡超前。追追趕趕，忐忑憂慮，其實兩班家長都有相似的地方。這幾年我興幸兒子進步良好，但當然某些方面依然落後。不過，自已要求孩子追及同齡的心態不斷減少，因為我知道這只會是無止境的追逐，跟好許多正常小孩家長其實無分別，長此下去，有一天也可能變成怪獸家長。相返，我對孩子的限際越來越接受。這種改變，令我心境平靜許多。平靜了就更能欣賞孩子和感受與孩子的親密感覺。當然，我仍會努力幫助孩子，不過我會時時刻刻提醒自己，盡了力就可以了，結果如何還是由命運決定，平常心，順其自然就好了。

dorabmon

回覆 Olympian 的帖子

Can't agree more!

kenwong888

Olympian 發表於 14-7-1 23:43
父母希望孩子每天進步是理所當然的事。我們特殊小朋友的家長，進步的目標通常是追到同齡的能力；正常小朋友 ...

Good!

Letter_lalaland

上咗小學功課係忙咗、多咗，唔得閒"玩"，因為要用好多時間磨功課默書考試；

但如果連 K3 嘅基礎學習能力同冇的話，又點有可能夠輕鬆愉快學習？
好快就會由 K3 追到 --》P1 掹 車邊 --》P2 落後  --》 失望 --》 放棄唔試


就算 K3 畢業當時追返，但並不等如可以放哂手唔再跟進。

好似 健身 同 減肥 咁，明明開始有啲睇頭就放鬆心情，完全停晒唔再"操"，唔再注意飲食。 之後又要再重頭來過囉。

玩住學，學住玩，玩係小朋友嘅本份，玩 需要用腦、眼、耳、口、鼻、手、腳、身體、心、智慧、記憶力、專注力、情緒、社交技巧。

多玩多遊戲，尤其戶外活動其實反而俾小朋友更多機會練習一啲學習所需要嘅技巧同能力。

6 歳前大家努力地追，但6歲後都要俾返多啲時間小朋友keep 住去公園玩，用腦去玩屬於孩子嘅遊戲、練下啲大肌肉、心肺功能、出下汗、曬太陽幫助激活維他命D去吸收鈣質。
唔keep住用，能力不進則退，以前嘅心機同成果就會冇咗㗎啦。