考試壓力大唔大？

echoykw

想請吓現就讀陸慶濤的家長，學校每年的兩測四考，小朋友同家長會唔會好大壓力？因一般學校都是兩測兩考的，睇過之前有家長說期中考試只考中英數，期尾就考晒咁多科，另外仲有兩測，範圍會否很多？謝謝分享~

kommama

其實係兩測兩考，測只係中英數，考就全科

kommama

範圍並吳算多，同平時小測練習都溫哂範圍，到真正測驗考試都吳太辛苦。

xueyun

每年兩期中考兩期考。期中考只考中、英、數，期考每科都考。測驗經常做，有時一周兩科，小朋友習慣了當溫書。

echoykw

謝謝分享~因為睇完囝囝幼稚園派回的將軍澳小學資料介紹，發現陸慶濤全年有兩次測驗，四次考試，感覺小朋友的讀書壓力頗大，如果每年兩測兩考便很合理了。謝謝你地分享！你地小朋友在陸慶濤讀得開心嗎？我很心儀這間學校，希望囝囝能有幸入到啦~

bb亞媽

原帖由 echoykw 於 13-09-28 發表
謝謝分享~因為睇完囝囝幼稚園派回的將軍澳小學資料介紹，發現陸慶濤全年有兩次測驗，四次考試，感覺小朋友 ...

我仔今年讀小一， 他讀得很開心，是值得考慮的一間小學。

echoykw

回復 bb亞媽 的帖子

想請問吓小一每日功課量多唔多？另要家長跟進既閱讀報告同錄音功課，會否佷很費時？我是FTM，仲有個幾個月大既bb，依家有請工人，但佢主要幫我做家務，bb同大仔我自己跟。因想用埋呢個合約就唔再用，但擔心大仔上小一時，細果個先得一歲半，忙住做家務同湊細b，會唔夠時間理大仔d功課……謝謝分享~

bchung02

請問一人一樂器規定，如小朋友興趣不太大，問題大唔大？

bb亞媽

原帖由 echoykw 於 13-09-30 發表
回復 bb亞媽 的帖子

想請問吓小一每日功課量多唔多？另要家長跟進既閱讀報告同錄音功課，會否佷很費時？我 ...

我和你情況差不多，FTM 工人也是剛走。 初初那些親子功課是比較費時，但我想慢慢會習慣，用的時間比較少，而且錄音功課不是常有的，開學到現在只做了一次，應該可以應付得來的。

echoykw

謝謝你分享，我打算下年唔再用工人，希望同哥哥跟功課時，細佬唔好搞搞震啦~

circle2009

呀女今年小一，十分喜歡返學，平時普通6樣功課，包括改正，但學校有導修課，佢好多已做好一半。沒有默書，每完成一課英文有小測，中文，數學每教完幾課也會有小測，十分好，當溫書！先苦後甜，到真正考試時，大人小孩也輕鬆好多！學校好多課外活動參加。一班30人，倆个班主任，上了2星期課，老師就打俾家長說說小孩學習情況，十分盡責！我真的越來越喜歡陸慶濤小學！

echoykw

謝謝你們分享我也很喜歡這間學校，星期六就面試了，心情好緊張，希望哥哥有機會入到啦~不過今年好多人報直資，真係好大競爭

bb亞媽

原帖由 circle2009 於 13-10-03 發表
呀女今年小一，十分喜歡返學，平時普通6樣功課，包括改正，但學校有導修課，佢好多已做好一半。沒有默書， ...

對呀!我對這學校非常滿意啊，很感恩小兒能夠入讀。你女女讀邊班？我仔讀1D.

circle2009

回復 bb亞媽 的帖子

呀女係1 R 班！

ChaSiu

我阿女都好喜歡學校生活，每日有導修課可以做完功課先返屋企，家長可以多d時間同佢温習下或者其他親子活動，相對佢讀書壓力都少d, 學校網頁又做得唔錯，login後可以check返通告等事項好方便，樣樣都好細心！

mamama2000

echoykw 發表於 13-9-28 23:37
謝謝分享~因為睇完囝囝幼稚園派回的將軍澳小學資料介紹，發現陸慶濤全年有兩次測驗，四次考試，感覺小朋友 ...

好像沒那麼多吧! 我看見只是兩測兩考, 其餘的是小測(不佔分)。

hktkomama

小測會計考試分，不過好像佔全部的10%。

roccolamar

每年有4次考試，上學期有期中考(大約10月考)、期考(大約1月考)；下學期有期中考(4月)、期考(6月)。期中考佔20%，只考中英數；期考佔30%，全部科目都要考。

除每年4次考試外，中文、英文、數學、科學及通識都有平時分。中英數大約平時分10-12%左右，考試佔88-90%。英文科學，平時分佔30%、文字考試佔30%、Practical exam佔40%；通識平時佔60%，考試佔40%。

中文平時分 -- 1-3年級每學期評估6次，以其中5次評估成績計算平時分。平時不用每星期默書，在評估時會預留一小部份是默書。4-6年級每學期默寫6次、小測2次，以其中4次默寫及2次小測成績計算平時分。

英文平時分 -- 不用每星期默書，Quiz時會用到那些生字。每教完一課書1個quiz。每學期6個quiz。

數學平時分 -- 4次評估。1-2個單元1個評估。

基本上每次評估都差不多可以當溫書，2-3個評估後就差不多考試。因己全部評估時己revision過，所以唔太辛苦。

roccolamar

考試壓力大不大？現在小二暫時唔覺，係其他小學一樣好谷，每個星期都要中英文默書，家長都好忙。我覺得教完2-3課書才評估一次有機會break 一 break，可以有星期日溫下，大約2-3個星期才評估一次，唔係逼得好緊要。功課唔算太多，大部份導修堂己做完，但家長要有心理準備要幫下小朋友，因每個月都要閱讀一定數量的書，所以要成日去圖書館借書，又有親子朗讀、間中的閱讀報告、每月中英文錄音功課等等，都需要家長一起完成。所以在interview時學校都會選一些會支援小朋友的家長，所以我覺得他們的同質性很高。我們兩個都要返工、沒有請工人，放工回家便幫他對功課及溫書都沒有問題，相信其他父母只要有心都可以應付到。

roccolamar

但學校非常重視中英數，不合格是要留班的。個人覺得中文最深、英文最易。可能數學比較抽象，會有些小朋友只有數學比較弱些，特別是理解題，愈高班愈明顯！

個人覺得校長比較著重數學及理科，而中學亦以理科最強，不知是否會影嚮收生的男女比例。我覺得歷年每一班都是男比女多，差不多2:1的比例。因為一般男生要等到差不多高小時間，會突然發力成績會標上來，而男生普遍以理科頭腦最強。這點純是推論，只是今日聽完校長的數碼廣播訪問後，突然有這個想法。