想請教BAND 1的定義?

黃金屋

教育局把全港學生分為三個組別,
即是現行的所謂Banding 1,2,3

如果冇理解錯的話,是否
band 1 = 能達全eng教學的學生
band 2 = 50/50
band 3 = 暫不合以eng為教學語言的學生

未知是否咁樣介定.

benny2014

簡單來說就是根據學生的成績(中、英、數、常識、音樂、美術)標準化後再排名次，然後分成三個組別，Band 1是三個組別之中成績最好的學生，他們整體的成績比較好，所以英語水平通常都也比較好，但也不是絕對。

尤其是教育局將5個Banding改為3個Banding後，Band 1學生的人數多了，差距也比較大，英文比較弱而其他科目成績非常好的學生也有機會是Band 1，所以不是全部Band 1學生都能夠應付全英語教學。


Band 2, Band 3雖然成績較為遜色，但不排除有英語水平很好的學生。

至於一間小學有幾多Band 1名額，是根據TSA成績來決定。總之做學生的，只要努力在這六個科目(中、英、數、常識、音樂、美術)的呈分試爭取好成績，取得較高的名次，就有機會是Band 1。

ohnono

回復 黃金屋 的帖子

教局並不是跟據能否接受英語教學來作準則。



同學的banding只是給教局用來分配學生往不同學校，由於教可以無類，但學生始終有類，不論在資質、學習程度等都出現差異，所以就要用一個標準將差不多同類型的同學放在一起學習。

黃金屋

????
記以前最初有114間emi 果時,好似係用
band 1,適合eng中,band 2就50/50......

khmama

Banding%係用師兄師姐中一編班試Pre-S1來調整，唔係用TSA.

黃金屋

如果band 1學生係全港成績頭三份之一的學生,
而唔係我理解的合eng教學的頭三份之一學生,
咁為什麼eng中都係band 1學生,攪到我頭都

mesmerising

回復 黃金屋 的帖子

不是這樣的。本地有band1 中中，也有band2 英中。banding 是按成績分數，不是英語程度。

ohnono

黃金屋 發表於 13-5-4 15:29
如果band 1學生係全港成績頭三份之一的學生,
而唔係我理解的合eng教學的頭三份之一學生,
咁為什麼eng中都係 ...

好簡單。統一派位大抽獎個派位機制係band 1同學先抽先派。咁既然先抽先派，band 1同學未揀晒d英中先囉，攪到好似淨係得band 1同學先有得讀英中。

黃金屋

咁衣家冇eng中定中中,咁會唔會有其他有質素的中學被
band 1生選擇,變相提高學校的banding.

黃金屋

反之;會唔會有一些eng中,因學生多了選擇,少左band 1學生呢?
而跌banding

ohnono

黃金屋 發表於 13-5-4 18:57
反之;會唔會有一些eng中,因學生多了選擇,少左band 1學生呢?
而跌banding

西貢以前得一間英中，隨著人口的增加，區內升中學童人數亦隨著上升。當升中人數上升，band 1的同學數目亦增加。於是催生了三間英中。
跟據教局的規定，只要學校收到每班85%屬全港排名頭40%的就可以開一班英文班，有學校因而得益，亦會有學校因升中人口下降，收不到足夠合標準的同學數目而要減開英文班，變相降band。一般這情形會出現於升中人口減少數量大而band 1學額出現過剩的地區，例如九龍城區的陳瑞祺和沙田區的郭德勝。所以前年教局要推行縮班政策，大部份學校由原本五班中一縮為四班之後，情況才好轉。

今年又因為全港升中人口縮減，雖教局推行211減派政策，但估計仍會有部份band 2生能派入band 1學校。

黃金屋

回復 ohnono 的帖子

唔該晒!

咁即係第時如果 選擇學校 可以睇埋佢地有冇機會升或降banding.

安格斯媽媽

原帖由 黃金屋 於 13-05-04 發表
本帖最後由 黃金屋 於 13-5-4 18:58 編輯

反之;會唔會有一些eng中,因學生多了選擇,少左band 1學生呢?

很巧合單性學校，陳瑞琪，聖母及德雅便是b2英中，培正及金文泰全統b1中中