cac見兒科醫生會做d乜

fishcowcow

llam1210,
你個小朋友同我囝差唔多, 我囝好多野講, 把口唔停架, 不過大部分佢講既野都唔係用黎溝通, 只係表達佢既需要, 當真係問佢野時, 佢十成九唔識答, 加上佢脾氣較差, 經常大叫, 所以report寫佢係輕微自閉傾向, e生當時都係話可i or e位, 不過由於我囝有動機講野, 係社交差, 所以建議排i位

llam1210

你仔的report是在cac出？我又好似冇見在cac的文件有呢個。你仔現在如何？在上什麼訓練？唉，好擔心！

chowqv

llam1210 發表於 13-2-1 01:15
你仔的report是在cac出？我又好似冇見在cac的文件有呢個。你仔現在如何？在上什麼訓練？唉，好擔心！



  ...

醫生建議排咩位，會有個醫務社工跟住見你，問你意願，同埋入機排位。

因為要分地區。

llam1210

係呀，見完醫生有社工同我地傾，但我地之前在私人評估完就排緊隊了，所以係咁二傾咗一陣。我想問cac醫生只比了一張紙我話女兒社交比較弱沒有任何字眼提及自閉傾向。我想問係唔係因為未確診所以唔咁寫。又或者問你們的有冇咁寫

fishcowcow

我係CAC出REPORT的, 得一張紙, 不過張紙上面有寫輕微自閉傾向, 感覺統合問題, 我係排I位

cat1028

Cac醫生會有份評估報告，會列明言語，認知等能力約為幾多個月\同齡；再有診斷結果，你說的＂社交較弱"，下面就排咩服務，如e,I,s及俾咩家長工作坊等等。如不是自閉傾向，普系，就不要想得太差。

idak

我果張都無寫明係自閉，但報訓練又會問，我問番d姑娘轉頭！

llam1210

Fishcowcow,你仔現在如何？溝通好嗎？唉呢幾日想佢有多些交流溝通都係唔多得。係時間問題定點呢？擔心！

llam1210

係呀，就係寫社交較弱，認知係同齡，言語就話較少用作溝通。建議I 位。有工作坊建議然後社工同我地講囉！咁即係＂未＂係自閉譜系？其實我都唔多明。如冇事佢就唔洗比我排位。另佢有問我想唔想佢寫紙排精神科。我問醫生呀女有冇咁既需要，佢就話唔洗都得可以下年再評估時才看看。就冇refer囉

llam1210

你話出面個d訓練？咁你的又係寫社交較弱？出面又是不是當佢等同有自傾？d姑娘點答你？

fishcowcow

我囝同我溝通較好, 同外人或同齡就唔得, 佢識得表達自己, 但你一問佢問題, 佢就唔識答或只重複個問題, 不過如果係我問佢就會好少少
醫生都有問我refer去精神科, 我有照排, 因為都要排成2年

cat1028

你份報告寫呢d內容就唔係，我囝寫明＂自閉証普系＂，解釋埋點解，如不懂分享，無眼神接觸（社交），至於i位，其實只係學校有個老師協助你的孩子去參與其他小朋友的活動（我曾同一個兼收老師傾過，老師會先教你的孩子一些遊戲，再把孩子帶入班玩同一個遊戲，孩子會開心d及教同學仔點玩，互動=社交；等等）言語治療都會係兼收老師每夭同孩子做。

cat1028

你下年要再去，唔好諗得太差；參加d社交小組（我1月上協康2-4歲），問呀仔玩得開心嗎？呀仔都話開心，唔駛父母陪玩，需然唔知佢上堂玩咩，但問過主任話會俾機會小朋友表達，平平地，試下無防。

llam1210

Cat1028,想問一下你們去咗一次評估就會咁寫？還是要再評估多次？

cat1028

第一次見姑娘，第二次見醫生出呢份評估表，再要排精神科，無話要再返cac喎。

fishcowcow

cat1028,
我囝1月都係上協康社交小組喎, 我向灣仔centre上, 你向邊個中心呢? 會唔會見過面?

llam1210

我女未到2歲，協康建議我女上一對一的幼兒訓練。一星期一堂。上了三個月了。但我現在停了因為係平日上的我沒人手同女去。呢三個月係因為我坐月才可同佢去。你門可知道社交小組有冇星期六日的？

llam1210

協康社交小組你覺得幫到你們的小朋友嗎？

cat1028

我系上將軍澳頌明苑，星期六9：30，出門仲早過返學

fishcowcow

協康的社交小組是星期六上堂的啊, 不過未夠2歲不知道能否參加