下星期in學之園

sarubuta

咁試o下考無防, 都報o左名啦.  

"讀緊維記, 但女女好怕羞"  咁暫時覺得維記是否合適女女/家長是否滿意?  如果滿意又讀得好地地, 我就覺得無必要轉來轉去, 轉龍校又另計.

兩間比較, 個人覺得怕羞/較安靜的相對較適合學之園.  但兩間學校其實都鐘意主動的學生.  人家說填問卷的部份是考小朋友能否坐定定, 去年我女見PN時睇完書出位, 去望隔離枱的小朋友, 之後仲同其他小朋友一齊出去研究玩具櫃, 甚至校長想同佢傾計時, 她都只顧去睇玩具, 唔多答校長.  但最後竟然call waiting 有PN offer.  所以唔一定要坐定定先收(當然全程坐不定就一定不行啦! 她前兩parts 的interview 是有坐定定聽老師講, 做指令和答問題).  

距離可能是考慮因素, 但如果兩間都係奧運站附近 (行或坐短程校車可達), 我覺得考慮教育理念和教學模式比較重要.