請自重，確保小朋友有一個公平既interview

fion_yinyin

9-12月係小學interview高峰期，各家長家必十分緊張
但請未in既家長唔好上網問interview問左既咩題目，否則同出貓無分別，只要對自己小朋友有信心便可以了。至於想分享既家長，歡迎你地可以分享一下舊年問左既題目，今年仲進行緊既interivew既題目就最好不要公開了，否則對自己同已經in左既小朋友好唔公平

謝謝各位合作﹗

fion_yinyin

非常同意有家長指出「如果有人認為知道都沒甚作用，主要是看小孩的臨場表現，哪又何須心急提問?」

問interview問過乜既家長既心理大家都好清楚，始終知道題目後家長可能：同阿仔講定interview有咩項目同佢做定心理準備 or train下阿仔。我唔信d家長問完一d野都唔做law。如果問完乜都唔準備，家長根本都唔會問啦。

所以問親既家長都係有佢既目的，始終一早知道interview會考咩就會對其他in 左既小朋友唔公平。都係0個句：請確保小朋友有一個公平既interview

fion_yinyin

好開心大部份家長都是明白事理和講道理的，請那一小部份想佔便宜的家長不要再出貓﹗﹗

fion_yinyin

其實好簡單再諗下一個問題啦。問人地interview問左咩既家長咩心態先？咪就係套料然後操個仔，希望增加interview答岩題目既機會同埋增加入學既成功率。若非有此心態，問黎做咩先？

大家都好明白，考幼稚園時小朋友只有約2歲，好多野你想操都操唔黎。但考小學，小朋友普遍已經有4-5歲，已經能掌握好基本既知識和概念，父母自然可以和他操練一些題目，似便他interview能答對多些問題。例如家長知道interview曾問小朋友一個紅色三角形係咩顏色，家長都會同佢再溫下d顏色先啦。呢d預先知道題目然後增加分數既行為唔叫出貓叫咩？叫溫習啊？

會考考oral題目一定會日日都唔同。但考小學，有邊個可以肯定題目日日都唔同？

其實大家心知肚明考小學同考幼稚園 / 會考oral無論在小朋友程度 / 形式 / 可以問既範圍同深度 / 評估制度都唔同，邊個唔想自己小朋友有一個公平interview既機會？我知道有好多家長都堅守住呢個大原則，既然係咁，請某d家長唔好再包裝自己拎著數同攞便宜既行為﹗

fion_yinyin

英華係比較早面試的一間，之後interview會陸續有黎。希望各家長自律，等小朋友可以表現返佢自己應有既水平。

fion_yinyin

「自由平台」、「言論自由」大家都好識係「適當」時候拎黎保護自己
版主或者亦因為呢樣野呢幾日都讓大家「自由」討論interview題目吧

問interview題目同犯法根本係兩回事，如果問interview題目係嚴重到等同犯法，咁多位正義既家長都唔洗用咁多時間係到勸大家要俾小朋友一個公平既競爭環境﹗

不過真係都係0個句：請各位家長自律

fion_yinyin

bb kingdom d版主好update 呢到既討論內容的，我知道呢到d版主行動會好迅速，一見到d唔岩既topic就會做野，所以我知道問都係無用。事實係版主「唔郁手」其實係代表做左野

我地無權去阻止某d家長存心套料，但既然有d人咁公開做得出呢d咁不值既行為，一班講道理同明事理既家長就要出聲，而唔係任由呢種情況繼續落去。

一個小朋友可能講唔清楚interview內容，但十個小朋友講有個大概喇嫁，廿個講應該都知考咩喇掛，三十個講都知八成成題目啦，咪d家長洗乜上黎呢個咁hit既blog到問？佢地就係貪呢到人多好收風

最後，正如「守法」一樣，「公平競爭」呢個係大原則，應該人人都會認同，只係有部份人做壞規矩罷了

fion_yinyin

我唔想係到糾纏通唔通知版主，總之呢個topic 已經講到有個"hit"字。呢幾日有上下呢到都知發生咩事。唔知既話就係廢柴版主，但我信bb kingdom既版主係盡責嫁law，講完。

多謝你的分享。我同意個個父母都緊張自己既子女，但唔好用左d唔正路既方法去「幫」自己既子女law，請大家都公平一點﹗

fion_yinyin

大家稍安無燥，我都係想大家以理服人，見到d唔岩既野就要出聲。大家千萬唔好意氣用事，平心靜氣咁為自己子女爭取一個公平既面試環境。無論對方歪理有幾多，我地都要堅持我地既大原則，要以身作則咁話俾子女聽乜野應該做，乜野唔應該做。

真係唔明點解講黎講去都仲係有小部份人覺得問左interviwe內容至去面試係無問題。我真係唔係好信一個小朋友答對題目數目多會對面試無幫助law。

一群正義+明理+守規矩+唔走捷徑既家長正在努力確保「孩子會真正走出一條屬於他自己的路」，而唔係得到家長套料後有範圍既去操練。呢d唔係叫挑剔別人，而係叫撥亂反正。預先得知題目然後拎得較高分數就係唔應該，呢個係大原則，我諗唔會有人對「出貓」有第二個定義law。

fion_yinyin

其實如果我係學校入面既老師，可以既話都唔想預備咁多set題目，你估真係好得閒咩。係被迫改定係自然改呢，真係值得商榷。

我想問一個問題：唔通答錯哂就收啊？係就唔會有人上黎套料想操定先啦

fion_yinyin

好多時都唔係你肯賣我肯買就一定係岩的，例子多的是，心水清既家長可以自己諗下。我費時係到舉例搞到離哂題。

fion_yinyin

同樣地，若對自己的小孩有信心，就唔應該周圍去攞料然後操個小朋友相關既題目。呢點唔只我一個，之前已經有數位家長同我提出同一個論點了。post得上黎問interview題目既明白你想點啦，我都費時再畫公仔畫到出腸。
我對自己既小朋友有信心，但唔代表見到人地走捷徑講歪理我唔出聲law，根本係兩回事

fion_yinyin

我想係到提醒大家一點。英華第一round係全體老師都要負責interview，若有咁多人in既話，為公平起見，老師應該會盡量將小朋友既表現去量化﹙例如答對幾多條題目等等﹚。我唔信學校會容許每位老師係第一round只以主觀分數或觀察去評分，否則組與組之間收生準則既差異就會好大。我相信第一round答對題目數目較多會提高入第二round既機會，呢點應該不難明白。所以我先要在此多次強調面試既公平性。

至於第二round，係林校長一個人interview哂所有既學生，咁點去評估，觀察d乜就由林校長一個人去決定。係呢個個情況下主觀分數 / 印象分便會影響收分結果，同埋只有林校長自己知用乜去量度小朋友既表現。再者，因為入到第二round既小朋友已經過左第一round學科知識一關，林校長觀察小朋友其他質素亦好易理解。

fion_yinyin

其實上黎post問interview問題既家長只差在無明言「唔該講哂我聽in乜，因為我想我個仔答對多d題目然後入第二round」姐，但其套料心態顯而易見啦。明眼人一睇就只佢想走捷徑，試問無著數呢d家長又問黎做乜呢？
﹙註：以上論點之前已有與我立場一致既家長講了數次﹚

fion_yinyin

岩岩至有時間上黎睇
有d家長咁鐘意﹙指﹚點人做野既，成日叫人做乜做乜。正如上面有d家長所講，人地post 乜你有權唔睇，你無權阻止。咁我都無謂阻止d成日﹙指﹚點人做野既人喇。
但有個logic怪怪地law，人地套料我無權禁止，咁同樣道理，其他人亦都無權去stop我去勸人地要自律。若果以咁既logic講落去就會永無休止
多謝上面有家長指出事實既一面，問哂面試程序人地起碼會做思想教育。就係呢個原因，請大家都早in既小朋友公平一點

知道之前in 乜無著數無心理準備就係假的，說穿了就係想提高自己個仔入讀既桚會，仲要掩飾同講到自己好似好岩咁

fion_yinyin

自己幾時﹙指﹚點左人做乜做乜都唔記得，真係唔知邊個要慳返啖氣
另外，回帖既唔只我一人。覺得要守規矩既亦唔只我一個

成日都話父母要身教，自己做好榜樣俾仔女睇。拎tips再去interview呢種行為點講都係唔岩。若小學時問tips後再去interview 呢個做法無問題，咁將來小朋友升小/升中後，係咪都可以鼓勵佢去問左老師有咩咩咩題目先至去考試？

一般學校都好明白呢種人既本性，所以通常都會預備好多set題目。從理想角度，希望呢個方法真係可以杜絕到d套料既家長，等小朋友入到房真係表現到自己既真實水平。

但事實係學校無可能每日每組既interview都唔同題目，如果真係杜絕唔到有人套到料再去interview，咁就會對早in既小朋友唔公平。從不正當方法得益既就覺得自己好岩，反而「被做成不公平情況」既小朋友大家就覺得無問題，好奇怪

fion_yinyin

其實我早前亦講左幾個觀點，同樣係大家各自表述自己既睇法。我曾經從
1st round interview會被盡量量化等原因去分析點解答對題目數目較多會提高interview機會，但可惜有部份家長漠視了這個事實。

我從無掩飾我緊張子女，請為「似乎要掩飾的是樓主」此句找出我自相矛盾的說話才直接指責我。

怡家個事實係有一群家長十分守規矩，唔係第一組interview，雖然緊張自己子女，但都唔會係到套料出貓。反而有小部份人就用「分享」既名義黎拎tips幫仔女interview，真係唔應該

fion_yinyin

或者可以量化：「出貓家長可得多少分？」

fion_yinyin

連咁簡單既「量化」同「質化」有乜分別都要特登去查同搞到咁複雜，唔怪得可以連「出貓係唔岩」都要傾咁耐

請為「似乎要掩飾的是樓主」此句找出我自相矛盾的說話才直接指責我，未搵到又嘗試走去講第二樣野。你係指證我有套料既咪quote返我以前講過d乜 law﹙請你quote埋邊個post、日期、邊一版﹚

MAYANGUSPO多謝你明白我既意思，其實我講左咁耐就係想表達「係面試其間真係唔應該套料既, 因大家身為父母都想自己小朋友得到公平既對待」。

你可能都係岩既，想出貓始終既人始終會出貓，要出古惑既唔一定係呢到問，仲有好多方法可以套到料。總之就係要想盡一齊方法﹙無論正當與否﹚去幫自己仔女

fion_yinyin

「你唔想聽可以唔聽」，其他人見到我反對人出貓，唔想睇亦可以唔睇
「但犯不著指其他人出貓」，出左貓就係出貓，「指出其他人出貓」只不過係道出事實，反而我去道出事實就係唔岩，咩道理？
上blog問又好，去面試班問今年問左﹙並非舊年﹚咩題目都好，兩者都係出貓，無分別