下週(10/7)無線星期二檔案講有關自閉症兒童

Olympian

係有D膚淺，不過佢借三個唔同自閉程度的個案，比大眾知道自閉症人士的能力差異可以好大，唔係個個都會食自己隻手指落肚嘅!

pollybell

Olympian 發表於 12-7-11 18:34
係有D膚淺，不過佢借三個唔同自閉程度的個案，比大眾知道自閉症人士的能力差異可以好大，唔係個個都會食自 ...

問題就係個目的係乜羅??????想表達-認識自閉症,一般人唔識既只係有一個感覺,個媽媽好偉大.......羅,同其他殘障既小朋友有乜分別,唔了解既一樣唔了解,只有同情........

lotus88

社會上對自閉症人士的了解太淺，好多見到有些自我刺激行為以為佢哋有攻擊性，當正佢哋有精神病！宜家越來越多自閉症個案，點解政府唔投放多些資源幫助我地？讓社會知道自閉症人士當中都有某些長處，遇到適合的環境都能好似一般人咁發揮所長。我地唔要同情，只要融入。

yauman76

呢個節目得半小時, 好難一下子講到好深入(因為一般人都好難明白&體會), 制作人員已經探討三個不同程度嘅自閉症個案同埋佢地嘅行為問題, 希望大眾可以了解多一點同埋體會A仔父母嘅付出與辛酸. 呢個節目都係想大眾多d包容A仔同埋佢地嘅父母. 若果你地有留意其他討論區, 相信呢個節目已經引起大眾關注, 當然, 實際能否得到社會包容及接受, 可能需要一段長時間; 而我地家長可以做的只好繼續努力訓練好小朋友, 令佢地可以早點融入社會.

pinkdoll

yauman76 發表於 12-7-12 11:08
呢個節目得半小時, 好難一下子講到好深入(因為一般人都好難明白&體會), 制作人員已經探討三個不同程度嘅自 ...

我c6都有一個感覺, 呢個節目好似冇帶出一啲信息, e.g. 政府對自閉症小朋友的支援不足, 等s位好長時間, 私人治療費用好貴等等.

但我的睇法是這個節目想帶出另一個訊息, 想社會大眾明白自閉症的人心裡面的聲音, 就正如最後32歲的阿傑, 吐露了他的心聲, 點解社會得一套溝通方式, 用呢套溝通方式才為之正常, 其實就是正正想說, 每個人都有個別差異, 社會上就係存在有各式各樣的人, 只要這些個別差異不妨礙他/她日常生活, 日常學習, 日常工作就可以了.   

有一次, 有同事問開我個仔我點樣, 我話ok呀, 好多嘢都進步緊, 老師同治療師話我個仔對音樂有天份, 叫我俾佢學吓音樂有關既嘢, 個同事即刻同我講, 唔好要個仔去學音樂, 你搞返佢正正常常先啦, 唔好古古怪怪咁樣.......(當然我明白佢係善意提醒 但其實自閉症的人大咗 唔多唔少都會有少少古古怪怪行為 點都有啲被動 溝通都比較弱......)

咁我笑住問我同事, 乜嘢人先叫正正常常? 我哋有好多同事看似正正常常, 但待人處事都奇奇怪怪, 有啲好鐘意鬧人, 亦有啲好懶散, 有啲又好寸, 有啲好鐘意講人是非, 惟恐又天下不亂...呢啲人都好難頂....你咪一樣同佢做咗好多年同事.... 咁我同事諗諗下就話: 咁又係喎.........

apple~y

其實我覺得第2個案小朋友都幾叻
4歲先叫一聲媽媽
現在5 歲幾講0野一句句,可以出番主流幼稚園
年幾時間進步真係好大
自閉症小朋友都有機會融入社會

rabbit1411

就一句媽媽就心受同感。兩星期前寫了一封感恩信給班主，接放學時立刻對我說不要客氣是我們該做的事，我立刻打斷她的話說，對一個普通家庭家長是正常些，但對囝囝的包容同接納是很不容易，我的感謝用說話用文字都表達不到，正正像四歲半聽到他說聽媽媽的內心一樣，這句話就是在這半小時最刻骨銘心的話

fandd

愛兒城 City of Love
http://www.cityoflove.org.hk/media.php

vivi12

我睇左, 睇到差D喊, 但又唔想比囡囡睇到...

olima

作為星星孩子的家長，無論你認為拍得如何，我也認為值得一看。