點解而家d細路係咁 ?!

Chanpp921

係咪普遍物質富裕左, d細路唔知米貴, 又唔係好識體諒人, 有時仲有d自私, 講左好多次, 唔知幾時先大個

Yanamami

俾佢地做下義工, 望下世界艱難, 學下惜福.

One-Mama

因為不同年代的細路有不同閱歷, 他們未嘗捱餓.併力求生, 很多十多廿歲的, 連家務. 暑期工未做過. 踏出校門, 自己的書包可從來唔使自己揹(除了工人姐姐, 小學階段更常見年邁公公婆婆揹負十幾KG書包), 呢D現象四面可見, 更遑論尊師重道. 對長輩尊重及體諒.

社會風氣. 家庭教育. 同輩影響等等都屬其因. 作為家長, 我地都時經常以身作則, 自少養成良好品德 (當然, 知易行難, 但難都要盡力教), 唔可以容許下一代太放肆, 否則社會上更烏煙瘴氣, 道德淪亡.

至於做義工, 的確意義重大, 但切記要小心挑選啊.

Yanamami

小朋友係屋企做下家務都好.  自從細果個升上K3, 工人完約我就無再請.  大女細女都要幫手開飯收抬倒垃圾, 自己間房當然自己搞掂.  無工人媽咪係辛苦少少(若要上班就無得講), 但值得架. 自理力都高d.

Ahling2004

回復 Chanpp921 的帖子

如果有能力真係要生多個, 依家通常得一個小朋友, 萬千寵愛在一身.  佢地真係太幸福了, 無人情味, 自已顧自已, 不理他人的感受, 說話又直腸直肚, 自私自力.  我家中那個唔上唔落的青少年就係咁, 自問我地兩公婆已身作則, 由細自大都係教佢要大方做人, 人地對你好, 你都要對人好, 唔可以自私.....  依家佢都係咁, 真係好激氣...

Snakemama

Chanpp921 發表於 12-5-7 08:32
係咪普遍物質富裕左, d細路唔知米貴, 又唔係好識體諒人, 有時仲有d自私, 講左好多次, 唔知幾時先大個  ...

之前阿仔都係咁，鍾意食嘅就唔理其他人，食埋最後一件。次次都俾我話（好嚴肅、黑口黑面）。要求佢同人分享，而且喺食碟中最後果啲食物之前，一定要問齊同枱所有比佢年長的人。教咗3、4年，先至做到呀！

Yanamami

Snakemama 發表於 12-5-8 14:17
之前阿仔都係咁，鍾意食嘅就唔理其他人，食埋最後一件。次次都俾我話（好嚴肅、黑口黑面）。要求佢同人分享 ...

好難教.....提佢(身教)要拉住度門俾人出先.....唔知仲要提幾耐.  好彩入港鐵同lift都識俾人出先, 唔係就失禮死.  同d女講, 唔該記住我教d野, 唔係人地話我無家教就真係冤枉.....

Ahling2004

當我話個仔無禮貌時, 佢會話: 我係出邊及學校唔係咁架.  
真激氣...

One-Mama

呢D係責任問題, 正如今晚電視節目關於單親媽媽人數上升, 也正好反映出年青人, 少不更事, 往往不願為自己的行為負責, 結果造成漸多少女(婦)要身兼父職.求學.工作多方面的重擔, 加上一些同性關係日漸被接納, 社會上恐怕完整家庭觀念及結構也漸被推反!

S.S.

唔係唔教,真係教唔聽囉... 有時d 人好搞鬼,奉旨唔拉門, 自己個身過到就算o架喇...我搭親地鐵都鬼食泥咁--- 請先讓車上乘客落車, 我出唔到你地點入姐...仲有一次同個仔一齊,隔來個女仔想拎野出來食,我用好不屑既眼神望佢,跟住就同個仔說教喇....佢跟住同個friend 講,隔來個C9 好煩...咁佢都收返埋唔食,但我就忍唔住講,咁大個人唔駛人出口話都識喇...:;pppp: