測驗結果，又一次失望!

KKJ

在測驗前三星期前已有安排補習老師加堂溫習，已我自己每次有測驗考試都攞大假同佢哋溫習，今次測驗範圍佔8成溫得很熟，但每次都係，一對著份巻就答唔到？有無媽咪可指教吓我，因上學期已考得較差，而6月又大考了！我應怎樣做才好？

mamee

KKJ 發表於 12-3-30 21:31
首先謝謝你們的分享，小兒四年級，品性也很純操行常常A,班主任亦選了他做班長，又常常鼓勵他，但上學期成績 ...

我個仔都係小四, 身邊有同學仔和你一樣, 已經好努力全方位溫習, 英文就合格, 但中數常就大多數唔合格.
我覺得除左補習外, 真係要分時間放開去睇書, 打番好個底. 其實每日能睇到20-30分鐘已經好好, 再每日做一篇閱讀理解, 唔駛一定要做番四年級, 睇小朋友程度慢慢做上去, 積下積下一定有進步. 睇書其實真係好有效, 不過就好似睇中醫咁, 一定要時間.

其實常識比起中文數學, 算比較出得直路, 我覺得中文除左溫熟詞語外, 根本好難溫; 數學就考小心同文字題轉數; 如果小朋友理解較差, 你同佢溫習常識時, 就考你同補習老師, 同一樣野要變來變去用唔同問題咁問佢, 口語答熟, 就用文字打番出黎(出卷), 要佢睇完問題寫/講番答案. 佢自己睇問題同你地口語問, 對一個理解力較差既小朋友來講, 係可以差好遠.

aeiou_drm

我仔衰在不小心覆卷，看一次沒做少就叫覆完，但次次都。。。唉，如那次他小心覆卷，就會好很多，激死`

囝囝mama

回復 iriskko 的帖子

我到同意!!其實係咁學校教學模式唔適合佢囡囡!!!去到Band3學校佢想讀書到好辛苦!!!!



還是無乜睇課外書!理解力不足!!只是偏向課本內容!!非常不足的!!!

yeesumyin

平常溫習無問題, 我相信係心理壓力問題, 當遇到緊張環境, 所有事情變得渾亂. 可以的話多參加一些比賽活動, 不著重得失只重取經驗! 我唸應該有幫助.

大個仔係我

可能參加D考試操卷班,因為而加有D補習社社都有都操,最重要俾D卷岩唔岩,同有冇解卷同教考試技巧,因為甘個小朋友先可針對唔好去改善!

iriskko

有時小朋友真係同考試無緣份架..我有朋友個女都係咁架...真係由尾背番轉頭都得架..但係真係一考試佢就會衰架...所以佢媽咪好快就接受佢女女係咁的事實..無比壓力佢女女...佢女女宜家雖然讀band  3學校..但佢好乖又無學壞....
我覺得睇下你地點睇...有時可能係學校的教學唔岩佢...可能佢去一d無咁傳統~的學校佢會讀得更好..更有發揮

MariaTsui

KKJ 發表於 12-3-30 22:28
主科只有英文較好83分，其餘都係53-64分左右，一科唔合格係GS!係屋企溫習時都很熟，再問佢大部份都識做識答 ...

GS的確不易,囝囝學校的GS不是熟讀就可以,學校考GS,就好像我以前考EPA,要熟讀資料,加以個人分折,用自己的文字作答,最好平日多睇報紙,一齊討論時事,才可以取得高分.

CrabPincers

唉, 我仔岩岩同樓主個仔相反
中英常都好OK, 係衰數學, 不小心..............
明明2240, 抄落列式, 都可以抄2440............死吾死

小豬嘜

同意!! 其實閱讀不但幫助到累積詞彙,有助中英文科. 連數學都有幫助,因數學既文字題都好需要小朋友既理解力的. 如果單是題目也解唔到. 即使條題目只係加減數亦會出現問題.  其次,真係要等份卷派番,留意佢係咩問題. 時間唔夠?離題?真係未必係佢唔識嫁喎!!

囝囝mama

回復 KKJ 的帖子

培養佢睇書!!帶去圖書館書借書吧!!星期曰盡量去公園,圖書館,不要睇電視,玩小D電腦!!!睇書可以練習專注力和吸收大量生字!!!想成績好一定要有良好閱讀習慣!!!睇D有知識性書!!科學,小說....努力!!!努力!!!(玩電腦,睇電視好影响小朋友專注力!!!)我屋企唔睇電視,只睇新聞!!電腦玩半小時!!!

sallyhuang

若閱讀理解唔好，平時溫書時要叫佢多解釋詞語，多點提問佢，同佢討論課文。平時一齊討論新聞及身邊發生的事，培養其思考能力。

KKJ

謝謝你的見意！

KKJ

謝謝你的見意！

YolandaTam

樓主, 你話令郎理解力弱, 咁佢懶唔懶諗嘢架?  我嘅意思唔係話佢個人懶, 即係佢會唔會係好乖, 成日問標準答案嗰啲模範學生?  如果係, 喺高小或以上, 一多思考性嘅題目, 呢啲乖仔乖女一係就唔知點樣揾到人指點迷津, 成功轉型, 一係就成績下滑.  

照我嘅有限經驗(觀察自己同學, 同埋做大學助教嗰陣啲學生), 恕我直言,理解力弱嘅人通常思考力都唔係標清, 更甚者有啲人直情懶諗嘢!  呢三項都係令學生成績不濟嘅主因:  理解力弱, 吸收知識唔夠, 之後就會覺得思考係好悶嘅事, 又或者自己基礎唔夠, 根本無從思考.  如是者日復日,年復年, 人就會懶諗嘢, 亦懶得去理解, 結果惡性循環.
如果不幸被我烏鴉嘴講中令郎係呢種人, 咁補習只可解燃眉之急, 根治嘅辦法係多啲同佢討論佢有興趣嘅課題, 引導佢多啲思考, 加上多閱讀, 即使讀書做唔到最top嗰啲, 個人成長都會比而家好架!  試吓啦!

motherotk

Nothing can be achieved without efforts and finding out the needs of your specific child..

handle the kid's issue by yourself, tutors may not understand, the exercise may not understand.

motherotk

回復 KKJ 的帖子

Back to the level he can handle, get the foundation build up, step by step.. this is the only good ways of learning, especially for kids that need more time to learn.

No miracles for learning outcome, unless the kids are gifted or with exceptionally high IQ, they do have really quick learning pace, with surprising fast reading and writing abilities. Normally, we still need to build up foundation.

Some parents asked their kids to "memorize" composition during exam, if the kid is lucky, then the marks is high, but this is a really bad habits. I know some school teachers encouraged kids to memorize "composition" model answers. Really bad habits.

KKJ

對呀！理解力確係較弱，因閱讀理解最好弱，應怎樣提升呢？