我放棄了…

Gloria_AY

我諗黎得教育王國問野既家長都係對仔囡好，想俾到佢地最好既教育，所以我見到好多都係俾佢出去補習，想佢攞到好成績
但係我之前仲相信一個道理：唔想俾仔囡出去補習。寧願辛苦自己用心去教，認為親切既親子教育可以俾佢更好既成長空間，教學份量等等都可以自由調節，又節省一筆金錢
但我發現我無論點教個仔既成績都係唔好，我開始懷疑我係咪教得好衰。我一直有問身邊朋友點教係最好，但發現我根本manage唔到…同埋上個月我發現我又有左，再過一排就好難下下跟佢到足
一向仔仔英文好差，今年介要鬼佬教，日日都同我講有好多唔識，聽唔明老師講野，成日話唔鐘意英文同個鬼佬好黑人憎…好擔心佢既學習情況
同老公商量後，我決定放棄自己教佢，俾佢去補習算…對佢可能無咩野，對我一個想親自教好佢既媽媽黎講，其實好心up…

Yanamami

唔需要禁硬頸去堅守一d不必要o既原則o丫.  你o既出發點好明確亦好正, 但.....世事總有好多外在因素影響成個效果.

有無聽過唔係識講英文o既西人一定教得好英文?  教要有一套方法去教, 而且人夾人.  有時d$係要俾人賺, 因個小朋友未必听自己教.  識有d mami講自己教唔到自己個小朋友彈琴, 游水....

而家更應搵外援, 是關有bb更要保持心境開朗, 否則破坏你最重視o既親子關係&生個"蚊憎"bb就得不償失.

瑄婷

我都好無奈地由今個年度起,比兩個女出去補習,香港教育就是這樣

囝囝mama

頂唔順!!就要外判啦!!!囝囝幾多年班!!!

opriority

力不從心的時候總係有，我而家都有少少失意…
而家你問我我真係信唔過自己，寧願俾佢出去補。唔係無自己教佢，只係大圍野都係出去學比較穩陣

SandyCPS

都唔可以講話放棄既，您都唔要迫得自己咁緊，您想做個好媽媽，親力親為。

但您也要衡量現況，有了小B，自己忟佢又忟，如果外判，可能大家開心一D。當然，過一兩年，佢試過補習又或者您可以處理，咪再計劃。

paltiBB

我好明白你的心情, 因我的理念與你完全相同.

你小朋友幾年級?? 是全職媽媽嗎??

我現在自己是一位全職媽媽, 仔仔出生後都有工作, 後來仔仔半歲大時毅然辭職湊仔, 一心想見証小朋友的成長,  寧願辛苦自己用心去教, 親子教育比補習社更好. 去年仔仔一年級還可以, 今年二年級, 他開始有點鬆散, 而且好依賴我幫他解題目.   我要他明白讀書是他的責任, 不可太依賴媽媽. 而且還有年幼的妹妹要照顧, 又要打理家務和照顧一家的大小事務, 有時心力交瘁, 特別在考試前的溫習, 我的語氣和忍耐的底線已達極限, 好易發脾氣. 我也發現問題開始浮現, 有時, 教學時說話內容太重覆, 累贅, 太多自己意見, 小朋友聽得多覺厭煩, 反而產生抗拒, 不願多聽, 惡性循環, 大家都不愉快.   

同老公商量後, 現正尋補習社. 我不是放棄自己教佢, 而是俾大家一個空間修補親子關係, 我知小朋友童年時不親近你, 日後長大更難修補. 趁有機會, 何況不放下自己有些原則換來更大的祝福.

原帖由 Gloria_AY 於 11-11-8 22:39 發表
我諗黎得教育王國問野既家長都係對仔囡好，想俾到佢地最好既教育，所以我見到好多都係俾佢出去補習，想佢攞到好成績
但係我之前仲相信一個道理：唔想俾仔囡出去補習。寧願辛苦自己用心去教，認為親切既親子教育可以俾佢更好既 ...

miriam

傻既~~~

我都係唔鍾意囡囡去補習既人, 但舊年 (P.2) 首先我爸爸身體出問題, 之後到我有事, 為左唔想再畀自己咁大壓力, 今年 (P.3) 我決定將囡囡外判畀補習社, 自己主力同佢吃喝玩樂, 依家無左學習壓力, 兩個關係好左好多.

kiiiiiller

放棄你想的；迎接好將來！

每個孩子各有不同的天資、才能、獨特的性格。
孩子喜歡選擇怎樣的人生，任由他們自行決定嗎？


追求學業成就！
從幼開始培養子女的學習動機，這就是最好的教育。

MariaBraun

大家咁話啦。媽媽教仔一定係辛苦，又成日擔心佢學得好唔好，又怪自己係咪唔識教佢，又話自己唔知買咩教材俾佢…教育呢家野，都係信任出邊既專業導師好
我個仔P3，早兩年開始俾佢出去補英文，而家佢d英文進步得快過我當年教佢。So what？小朋友學得好我地應該開心，唔係怪自己

naiviv

樓主這不是放棄,而是一個新開始就真......我是全職媽媽.也不建議出外學習的.....現快考試,我也很緊張,毛到時成績如何,再作打算....

IntotheSea

唔好話放棄，與小朋友相處既時刻已經係一種安慰。
我女女而家出緊去補，最近都好似無咩進展，搞到我勁擔心佢。但係只要你用心搵出個學習問題出黎，你就會幫到佢解決。所以我幫佢轉左第二間學。
有時唔一定係要親手教先叫關心先叫有滿足感。

sheffield

唔需要太介懷啦！我幾時都話，我賺人錢，人賺我錢…傷感情的就比錢人搞掂就好了。由我小學開始，我就見到學校老師d仔女都係同我返同一間學校，佢地多數都係成績差同唔乖個d小朋友，我就領悟到，搞得掂人地嘅仔女不一定搞得掂自己嘅仔女…你睇，我地講10句都唔及老師講1句！我地幾大份禮物都可能只等如老師獎的一個貼紙或鉛筆…老師(包括補習學校嘅老師)係有佢地嘅特別魔力的！再者，除非係好特別嘅小朋友，否則，在督促小朋友做功課同溫習嘅過程中，一定會有不愉快事件發生…倒不如將呢d不愉快事件搬去補習社(在補習社又未必會發生)，媽咪就可以輕鬆d同小朋友玩下嘻哈吓啦！
陀住細b要開心d，細b感覺到架！

TwoBabies

樓主加油呀! 每個小朋友的特質不一樣,你只係找一個適合佢的方法,唔好心痛.

另外,小朋友唔喜歡外籍老師一事,我覺得佢唔習慣,因為我們都會有喜歡或不喜歡的人,何況小朋友要面對講第二種語言的人,比D時間佢.

joeybecherz

樓主唔好傷心，就我個人經驗教育外判係好事，小朋友同你無左讀書既包袱個關係會仲好左。
雖然我無好多你果種想親自教好佢既心，不過為左學習我都同阿囡嘈左唔少交，例如話俾錢你返學又唔學唔好、話阿囡唔識做功課、又懶（其實盡左力），諗返起都幾無理取鬧。果陣咁岩學校d老師又有問題，我索性擲左佢去kwln tong ABC學英文，有出邊專業既人教我就唔洗再佢學英文。
而家少左個隔幕，佢多左搵我傾計，琴日仲add左我個facebook。所以你唔洗擔心太多，書本知識教育不成，人生也是一個教育呢。努力。

ANNAFRIEND

我都諗住搵補習社, 就係唔想自己甘勞氣傷身, 我覺得無須唔開心. 出外補習可以修補親子關係相當值. 不過想問一下補習社真係甘有用?

Mrs4

唔知補習社有無用ka, 家陣度度都開補習社, 有時都唔知邊間打邊間, 好似廣告同實際又有d唔同, 講到天開龍鳳ka, 究竟點為之好, 點為之唔好? 真係專科專教? Agent真係因應你既需要而搵個”適合”你既補習老師俾你?

想外判架, 真係唔想同自己既小朋友成日為讀書溫習事宜傷感情架, 但身邊又真係無人可以問, 其他家長亦未必會啋你啦~~ 適唔適合好個人感受…

究竟一對一好定group好, 有時又會諗, 小朋友初小啫, 係咪真係要外判呢? 小朋友成績又唔係真係咁差… 只係想大家都可以透啖氣啫… 就算外判, 又好似唔洗單對單, 但group又要放時間落去睇下有無成效, 可能過一兩個月後都係無乜進展或覺得唔係咁適合又要再揾過間/個.

所以, 唔係話想外判就外判架, 都要大家搵到同match到先得… 點解而家小朋友讀書大人會咁煩既…

Charlotte_mom

係呀, 唔好講到放棄~!
我女由細到大都好生性, 從來功課自己攪掂(最多ME ME MORE MORE做得夜), 我無唸過需要補習, 不過老實講, 有時教黎教去都唔明, 真係會火滾的(生得佢出, 你估我唔想大家開心咩)
而我仔就慢世魔王, PAIR爆! 我要返工, 山高皇帝遠佢真係啋我都生績, 話唔做就唔做, 於是小一我已經掟佢去補習
我從來唔覺得我放棄佢, 事實上, 我仔有ADHD而IQ比一般高, 學習絕對無問題, 只係佢肯唔肯郁姐, 我唔想每晚返屋企, 為左果幾份功課打打殺殺(聽日要交架大佬), 於是我外判俾人做, 然後夜晚我可以就住大家進度, 精神狀況, 學習情況等再跟進, 而家晚晚我都KEEP住同個仔做練習或者陪睇書, 輕鬆做一陣, 我放心知佢進度, 佢又可以去玩了
SO FAR試左一年, 我都好滿意呢個安排
凡事向好果邊唸呀!

miriam

原帖由 Charlotte_mom 於 11-11-11 16:31 發表
係呀, 唔好講到放棄~!
我女由細到大都好生性, 從來功課自己攪掂(最多ME ME MORE MORE做得夜), 我無唸過需要補習, 不過老實講, 有時教黎教去都唔明, 真係會火滾的(生得佢出, 你估我唔想大家開心咩)
而我仔就慢世魔王, PAIR爆! 我要返工, 山高皇帝遠佢真係啋我都生績, 話唔做就唔做, 於是小一我已經掟佢去補習
我從來唔覺得我放棄佢, 事實上, 我仔有ADHD而IQ比一般高, 學習絕對無問題, 只係佢肯唔肯郁姐, 我唔想每晚返屋企, 為左果幾份功課打打殺殺(聽日要交架大佬), 於是我外判俾人做, 然後夜晚我可以就住大家進度, 精神狀況, 學習情況等再跟進, 而家晚晚我都KEEP住同個仔做練習或者陪睇書, 輕鬆做一陣, 我放心知佢進度, 佢又可以去玩了
SO FAR試左一年, 我都好滿意呢個安排
凡事向好果邊唸呀!
               

Charlotte_mom

我家小姐又係有問題, 我全職湊住佢壓力大到坐係度喊, 隔離左右當晒我係癲婆, 日日打打鬧鬧, 考試測驗時發晒癲, 完全生人勿近 feel..........

今年外判我輕鬆好多, 加上補習社老師好好, 講到明囡囡係 "有 d 野", 所以有 d 科目無咁緊, 追度係點會話我知, 完全唔同晒.