皮紋測試呃人

edea

投訴(1)  指皮紋測試扮科學　揭兒童教學掠水局
2010年08月05日 - x周刊

望子成龍，皆是父母心願，但究竟如何栽培成才，很多家長都束手無策。
有奸商利用指皮紋扮科學評估，聲稱能預知子女腦部的先天潛質，實質是乘機推銷教學用品。專家踢爆皮紋形狀與腦部活動毫無關係，銷售的用品亦沒功效。

上週書展，在兒童展區內規模較大的某皮紋測試中心售賣教學用品，吸引不少父母上前詢問。而過往有不少家長誤信某皮紋測試中心的指皮紋科學測試，買下近萬元的學習字卡。

關小姐有一個四歲大的兒子，早前她收到某皮紋測試中心的職員推銷電話，謂可以免費參加兒童手指皮紋測試，發掘孩子的腦部先天潛質，「佢�話呢類測試要成千蚊，而家唔使錢好�數。」關小姐又見兒子交際能力差，懷疑是學校氣氛造成，「去測�佢內在性格係點，睇�使唔使轉校。」於是馬上約實評估日子。

她來到某皮紋測試中心，職員即走上前熱烈招呼，「她叫仔仔將十隻手指，輪流放�掃描器上。」

不消三分鐘，職員已製成天賦潛能檢測報告，「佢話仔仔智商好高，其中右手拇指的指紋，反映了左腦前額葉的活躍程度，得分最高，代表管治能力好強，但邏輯同視覺能力較弱。」

某皮紋測試中心職員指小孩的十隻手指頭，逐一放在掃描器上，幾分鐘電腦便自動分析指紋，評估兒童天分，認真神奇。

某皮紋測試中心職員指小孩的十隻手指頭，逐一放在掃描器上，幾分鐘電腦便自動分析指紋，評估兒童天分，認真神奇。

關小姐陪兒子玩九千元買來的字卡，但只玩了三次，兒子便不耐煩地說：「咁難點玩啊？」轉身便走。（廖健昌攝）
捉心理�簽卡

職員隨即拿出一套名為 XXIQ的圖案配對字板，「佢話係德國製造，專訓練小朋友的邏輯思維。」並趁關小姐陪兒子玩卡，乘勢問她有那間銀行的信用卡，「佢話唔同卡有唔同優惠。」她遞上恆生卡查問，「點知佢之後就碌左九千蚊，要我簽名。」

「我果日睇完牙科打左麻醉針，反應唔夠快。同埋聽到佢話仔仔天分高，令我衝昏頭腦。」便乖乖簽賬。

她回家愈想愈不對勁，覺得測試兒戲，未幾便致電某皮紋測試中心要求退款。但對方咬定已賣貨品不能退還，只肯送免費語言測試，「治療師測試完，話仔仔要上發音矯正班，又咪係要我俾錢！」關小姐惟有急急腳離開，以防再受騙。

罪狀一　指皮紋科學搵笨

記者翻看某皮紋測試中心寄給關小姐的電郵，內容指只要掃描九個月以上兒童的指紋及掌紋，透過電腦分析便可知道腦細胞分布，從而檢測小孩的先天潛質。電郵還附上亞視節目《下午麼麼茶》的皮紋學專訪，由社工講解如何憑手指睇性格。

城大生物及化學系副教授林漢華指，無科學證據顯示腦部活動影響指紋圖樣，「每隻手指指紋組合形狀，根本好隨機。兩個有畫畫天分的人，指紋唔會相同，掌紋又會隨住年紀而變化，唔可以作準。睇指紋、掌紋話個小朋友有咩潛能，基本上你點講都得。」

記者到某皮紋測試中心放蛇，發現不少家長買下大批教學用具，甚至出動手拉車運送貨品。

區愛娜狠批這款字卡食水深，「坊間類似認字卡，都只係賣二、三百蚊。」（林志謙攝）


罪狀二　智能測試一派胡言

事主兒子的測試報告，列出了溝通、音樂、閱讀等潛能數據比例分布，資料驟眼看頗可靠，但註冊教育心理學家區愛娜卻認為只是扮專業，謂正統測試兒童智商的只有韋氏評估，要由註冊臨床心理學家或教育心理學家負責測試。

韋氏測試須花上逾一小時，心理學家透過對談、圖片、砌積木等形式，測試小朋友的記憶、語文、視覺等能力，計算智商高低。而測試對象為六歲以上小童，「太細個講野都未清楚，點測試到溝通能力。」

她續指坊間不少商家亂掛名銜，幫人做五花八門的心理測試，其實目的是賣產品，「如果話有操練小朋友智商的課堂上，千祈唔好信，因為智商係無得操。」而韋氏評估的題目也非常保密，不會流傳。

[ 本帖最後由 edea 於 10-9-7 14:35 編輯 ]

happybbg

deleted

kisskubb

事隔多年，小孩們長大了，係咪真如當初皮紋分析？

ccjm

我6年前，仔2个月大時做了。一路佢的特性和潛質也跟皮纹结果9成符合

summer2

Del

monchichi_yim

回覆 Cutemom0808 的帖子

請問你去個間公司叫什麼名？我真係好想帶我小朋友去！但是好驚比人𠱓！

TEMPO123

早知。

iriskwok_yk

回覆 細咩咩 的帖子

請問可否提供呢位皮紋師的資料?

Libychiubi

Cutemom0808 發表於 11-2-11 14:09
我看皮紋情况跟各mami又好大分別呢！

我朋友介紹去看皮紋，主要是覺得講得好似幾準plus八卦。果間皮紋中 ...

我想問你係邊間check皮紋?我都想check ,thanks

Ireneying

一早都覺得喺，感覺同睇相差吾多，但就講到好科學咁

chanwendy

細咩咩 發表於 14-5-21 10:48
回覆 breadbb 的帖子

903嗰個皮紋師係幾準, 不過收得超貴, 我一家三大一細去check收七千蚊, 大人嘅係覺得 ...

請問可否提供你的皮紋師的資料呀, 我都想同小朋友睇吓.

細咩咩

回覆 breadbb 的帖子

903嗰個皮紋師係幾準, 不過收得超貴, 我一家三大一細去check收七千蚊, 大人嘅係覺得九成準, 咁貴希望阿b嘅都準啦, 仲有, 呢個皮紋師係冇嘢賣嘅, 純粹出報告, 教你點睇份報告, 教你點處理同家人相處嘅問題, scan完指紋佢亦聲稱係要送去德國嗰邊分析去會出到報告, 唔會係五分鐘就搞掂, 百幾二百蚊嗰啲通常都係呃人, check完唔係叫你買教材就係上playgroup

zzxhang

$$$$$

viscattery

原帖由 Cutemom0808 於 11-02-11 發表
我看皮紋情况跟各mami又好大分別呢！

我朋友介紹去看皮紋，主要是覺得講得好似幾準plus八卦。果間皮紋中 ...

我都同個仔做過，當日寺佢未夠兩歲，result話佢唔專心，第时做功課会勞氣...當時阿仔不知專注力幾好！我覺得好流！點知兩年後一做功課....我真係噴哂血！不过我呢間都係要預約同另一曰睇report

Taka12

回覆 cattoo 的帖子

Hi Cattoo, can u pls pm me the details in Yaumatei? many thanks.

silvia_ng

要揾啱人做咁就真係好準架！我兩個早前做左，我老師解釋時真係好準，而佢採集手紋時係人手印，非用機器，另外結合了手診心理學，睇埋有冇其他問題。
可惜我老師唔睇小朋友，肯幫我只因小朋友同我溝通出問題，唔係好識教，所以先請佢出山。佢主要係教手診心理學，而非教MME (即皮紋), 唔係做太多case, 我有佢幫，我摸到某啲位了。
有同佢傾過市面上既皮紋測試，佢都係no comments,  只會話各自修行，佢冇理。
有興趣的家長， 請不要pm 我，因為我老師唔會幫人睇的啦！

cat2007

最近都收左2次電話
好在冇去..