保良局唐乃勤初中書院交流區

wi-wi

hi all,

我囡囡來自私小, 成績一般, 做野慢, 好在性格溫馴受教. 小學派位好好, 同學仔知道佢讀呢間, 都一致話聽都未聽過, 我的一些朋友亦一臉同情的對著我們, 坦白說有點不好受, 不過我跟囡囡說, 做人做事眼光要放遠一點, 成功的話幾年後學校經已是另一番景象了, 而事實證明今年的唐中質素經已高了很多, 要知道學生質素才是才是學校的真正BANDING, 希望未來日子, 大家齊齊努力.

wi-wi

我囡囡有些跟她差不多成績的, 去了深水埗一間直資, 班主任極力推薦入直資, 話唔應該去搏一間冇經驗既學校, 但我同老公堅決要選, 學校冇我地乎, 其他同學仔想選唐中, 但敵唔過學校, 最後選左其他.  希望我地既選擇冇錯LA.

我昨天打電話回校, 查詢校服問題, 佢地轉去比訓導主任聽, 解釋詳盡好盡責, 主任仲話歡迎家長隨時致電校方, 感覺學校好有熱誠同關心.

[ 本帖最後由 wi-wi 於 10-8-14 21:58 編輯 ]

wi-wi

我地心情跟你一樣, 當天的家長問我打算怎樣, 同學仔又問囡囡從未聽過此校, 好在囡囡對我們很信任, 相信我們的決定. 她返訓練營沒有太大反應, 因為佢話平時都好聽我地話WOR. 佢話閉眼的一首歌時間想起的是我們一家人開心溫馨的情景.

wi-wi

noel2010,
妳兒情況確實很荊手喎! 要知道讀書是要從心出發, 但係佢依家咁抗拒, 怎會自發功呢? 妳有冇跟學校商量過佢既問題, 學校方面由於有過往應付荊手學生的經驗, 相信佢地會好樂意比到有用既方法你, 趁現在還未踏入真正青春期,快些找班主任相量一下, 唔好浪費仔仔的高IQ.
BTW, 我個女不是精英班, 但佢地除中文課本及術科的科目用廣東話教外, 佢話上堂都是用英語授課的, 叫仔仔唔好鬥氣, 上番第班就得架啦!

wi-wi

noel 2010,

希望時間可以幫到你仔仔喇! 起碼佢而家返屋企都有跟妳分享學校生活, 總是正面的呢, 支持妳!
各位家長, 今個星期五有小測了, 我地仲加西史默書, 但亞女好似舊雲咁, 唔知LS測邊, 又唔知西史默咩, 各位知可以話我知嗎?

wi-wi

唔該晒兩位先, 我女做嘢慢, 晚晚淨係做功課都做晒D時間, 你地小朋友係咪好快做完功課?

wi-wi

我囡都盡量在飯前完成, 但飯後又通常發現甩漏, 激死. 佢攪呢攪路, 每晚成12點先瞓, 好擔心唔夠瞓.
係呢, 你地仲有冇日日幫佢CHECK功課, 我冇喇, 唔知會唔會太放鬆呢?

wi-wi

hi kiufyma,
我都想有機會列席旁證, 想請教如何參予呢?我不是委員啊.

wi-wi

功課量我個人認為都不少, 可能我囡做嘢唔快.  但有樣嘢我都幾安慰, 佢上左呢間學校後個人主動左, 即使開著電腦 (因要做功課)都控制住唔玩, (可能真係多功課) 待完成再說, 還有佢在校好開心好開心, 一放學就不停講在校既事, 次次講到我唔比佢再講落去 亦因為這樣, 即使好多功課佢都好開心, 好希望佢可以KEEP住呢份熱誠.

wi-wi

ilearner 是每天都要做的英文網上習作, 要log in, password 在十月時學校已給同學了, 我見我囡好緊張的, 天天都話要做.