情緒社交一問

whywhywhywhy

小朋友常說別人欺負他，當他做錯事或說錯話，別人告訴他，他便說人家欺負他，或不喜歡他！其他小朋友向他"咒"眉他又覺得別人不喜歡他。有時父母親一個疲倦眼神他又會說你不開心嗎？有時因為這樣令到他自己不開心，因為覺得別人不喜歡他，有時其他小朋友又會覺得好麻煩，小小野就係度話人針對佢。因為這樣很多時跟其他小朋友嘈交。有時甚至令他不想參與課外活動，有什麼方法可以教道他呢！而且他有時脾氣很大，小小事會發脾氣，試過玩不過人，便不玩！他下年升小學了不佑甚辨！？

lokaci

原帖由 whywhywhywhy 於 10-1-10 23:56 發表
小朋友常說別人欺負他，當他做錯事或說錯話，別人告訴他，他便說人家欺負他，或不喜歡他！其他小朋友向他"咒"眉他又覺得別人不喜歡他。有時父母親一個疲倦眼神他又會說你不開心嗎？有時因為這樣令到他自己不開心，因為覺得別人不喜 ...

小朋友很在意別人怎樣看待他, 對別人對他的評語和互動都很敏感.
其實有可能是自身的自信心不夠的表現. 小朋友對自己的存在價值來自別人對他的肯定, 而不是來自他自己. SELF-ESTEEM不夠呢.

whywhywhywhy

你的說法也有可能，因小兒比較頑皮，所以也會給我責罵，不知這是否他沒自信的原因，我是個比較嚴的母親，他一有錯我便會說出來，不知是否因為這樣，但不說出來教他，可以甚樣呢？？如何令他有自信心呢？

lokaci

與其責備, 不如在小孩做得岩既時間"獎勵"吧.
就好似REWARD SYSTEM 咁, 建立REWARD SYSTEM.
如果做得岩(可以好少事, 好似幫媽媽手, 聽話做功課, 自己的事自己做 ETC) 就有分加( OR 俾星星貼紙)


但相反如果做錯事好似唔聽話, break promises, 打架,唔做功課就要扣分扣星星.

咁小孩就好易明白咩野係可以做, 咩野係唔可以做.
但同時佢亦明白"星星同D分數"代表佢係有能力去做到D野.
得閒你可以你本書仔出黎俾佢睇下D星星, 同佢講話原來佢已經識做好多野已經做得好好. 證明佢唔係無用

whywhywhywhy

其實之前也試過你說的方法，最初有一點用，但後來大家都有點懶散，所以最後都不成功。而家小朋友年紀大左，我駡他己少了。但你說的鼓勵方法真的有點用。之前我試過俾本中文書佢讀，每日一個故事，佢都有d為應付我而佢讀俾我聽，有一日佢讀完，但不是太好，而且他又開始想發作頑皮，今次我按住自己的脾氣，反而問佢你估你講左几多個故事，佢最初以為我是笑他講得故事小，所以有d唔理我，到我說嘩原來你己經講左十個故事啦好叻阿！你重有五十個故事就講完呢本書，我個仔話早知我講多一個故事，咁咪可以剩番四十九個故事啦！我見佢咁講我都好開心！！
我都知小朋友要鼓勵，但有時他刻意做一些事令你不開心，真的很難忍。不過為了我個仔我嘗試控制我的怒火吧！多謝你的提點！！

lokaci

其實唔止小朋友, 大人都好需要讚美!
對待小朋友比對待咩野都還要付出更多的恆心同耐性!

加油啦! 努力搵到同你仔仔相處的方法啦