小學讀直資,中學可唔可以讀返津校既呢?

ggoo

曾經聽聞小學讀直資,中學都要讀返直資,話是一條不歸路,請問點解D人會咁講既?
我想比阿女讀直資小學,又想只報私小做後備搏大抽獎,但鍾意既小學唔是自己住個區,一就要跨區抽(機會好微),一就去鍾意個區租樓(機會大D),但租樓既錢都夠讀直資小學,返學又遠D,咁點樣做好呢?諗到頭都大晒.
你地覺得直資小學既學術水平會唔會好過一D出名既津小呢?因為津小以前有得揀學生,可以保持好既質素,依家全部津小都要靠運氣,冇得揀人,學生質素會唔會下降好多呢?
希望我D觀點唔會比人鬧.

Geni

唔會, 讀直資小學一樣可以揀官津中學. 如果唔係, o個d冇中學o既直資點會仲有人爭住入

我諗你講o既不歸路, 係因為有d直資o既教學方式同一般傳統學校唔同, 驚程度同課程唔同難適應o庶!

其實揀學校, 首先唔係睇佢係乜o野類別(官津/直資/私校), 而係睇佢適唔適合你o既小朋友, 同埋, 唔係係報佢就收o家o麻. 如果你最鍾意同最合適o個間係直資o既, 咁即係考到就唔玩大抽獎都ok o既, 咪考o羅!相反, 最鍾情o既o個間係官津, 咁你就要好好考慮o下o勒!

至於官津同直資o既成績, 我覺得同小一o既學生質素有關, 但唔大, 因為出名o既官津, 自然有佢o既方法保持應有水準, 同埋, 小一冇得揀收乜o野學生, 唔等如佢冇得揀小二以上o既學生....

ziyi

是可以在中學時再轉回津貼等主流學校,但有一些直資如真道的教學理念是與主流學校有分別
再者,小朋友在一所學校建立了朋輩的關係,要重生再建立,除非那學校真的不好,否則未必對小朋友好.

G-Ma

我囡囡都係讀直資, 佢地既教學模式同官津係有d唔同, 比較開放d, 小朋友自由度較大, 抄寫功課唔多, 所以讀左幾年, 真係幾難轉返出去官津, 小朋友要好辛苦先可以適應返傳統教學模式.  所以我自己都打算比佢直升上中學.

當然每間直資都唔同, 我囡囡只係其中一個例子, 其他有d直資都本身可能係傳統教學(例如:英華), 咁要轉返出去就無咁辛苦.

ggoo

咁請問假如去到中學真是想轉返津校,咁自行派位個網是米跟直資既校網,例如九龍跟返九龍校網,港島跟港島校網?好叻個D是米可以自己響第一輪考去心儀既中學呢?跨區得唔得呢?
唔好意思咁多野問,因為真是好多野都唔識.

ziyi

是的,會跟學校所在的校網
而且到小六時學校會發信問你是否放棄統一