我的心聲留言 !

家熹媽咪

致李宗德小學的所有家長 :

我先答謝每一位花時間睇呢段內容既家長及相關人仕 ! 本人所打既呢篇回應 , 不代表學校 , 校長 , 任何老師及家長 , 只想就最近所發生既總總事而同大家分享一吓 !
本內容唔係要爭議任何事 , 更冇打算耍針對任何人 , 希望大家了解 , 此乃我個人之觀感 !
就數學中文化一事而論 , 早前有傳話喺本月26日將會有一個相關講座 , 如果真有其事 , 我希望家長們都盡量抽時間出席 , 雖然我唔知道 , 最後結果係乜 ? 但對任何一位家長嚟講 , 呢件事都係切身事 ! 至於有傳話校長會一意孤行進行呢個項目 , 我個人嚟睇 , 如果真有其事 , 學校有冇必要多此一舉 , 攪個talk , 叫晒d家長去聽 , 難道唔駛人力物力 ? 我相信學校唔會搵我地嚟玩 , 比完意見又照做 ! 再者 , 如果校方堅持要咁 , 難道佢地又會估計唔倒風險咩 ? 就呢件事而論 , 大家先唔好比不必要既壓力自己 , 我地靜待學校進一步既公佈 !
第二件事 , 就潘老師要離職一事 , 雖然潘老師並冇教過小兒 , 我深信佢都應該都係一位好老師 , 今次傳出佢要離職 , 有家長作出正常反應 , 想留下潘老師 , 呢點亦可以理解 ! 不過 , 請容我講一番 , 大家未必啱聽 , 或者唔想聽既說話 , 有冇人可以好肯定 , 潘老師點解要離職, ? 江湖傳聞真係有好多版本 , 但我敢講 , 成件事最清楚既人 , 就係當時人 …. 何以家長們會咁激烈 , 咁大反應 ? 會唔會係聽咗d 咩傳聞 ? 相信大家心目中都一定有一個版本 , 過往幾年 , 我地學校都有老師流失 , 亦有好多家長不滿 , 當時我好記得自己都回應過 , 其實同今次事件一樣 , 作為一個家長 , 一個媽媽 , 我好希望好既老師會留任 , 但老師去留 , 又係咪我地想像中咁樣 ? 我懇請大家都可以抽返個身出嚟 , 用客觀既心/眼去睇整件事 … ? 盲目去幫某一方 , 最終傷害既會係邊個 ? 潘老師係一位資深既老師 , 佢為乜而走 , 冇人知 ? 如果有外人會知 ? 點解唔反問 , 點解呢d事會傳遍整間學校 ? 何以家長們都會作出咁激烈既行動 ? 成件事我同大家都一樣 , 冇親眼見 , 冇親耳聽 ! 家長應否介入此事 ? 如果老師真係遇上問題 , 我相信老師一定識得如何處理 , 從何處理 ? 而唔係由家長組織起處理此事 !
當前我地緊張既事就只有一件 , 就係中數問題 ! 其他事 , 大家可以暫時放低 ! 我希望大家明白到 , 我地唔係冷血 , 唔係不聞不問 ? 而係當中有幾多真 , 有幾多假 ? 真係冇人知 , 何必要令自己同小朋友都唔開心 !

我確信最近既事 , 令好多家長都好頭痛 , 作為一個媽媽 , 一個家長義工既我 , 同大家都一樣 , 會以小朋友既前途為大前提 , 但唔係打亂自己陣腳 , 重有一個月左右就考試喇 ! 各位家長唔好分心 , 事情總有解決既一日 , 唔好講話我地 , 就算係家教會好 , 校董會都好 , 都唔可能會一時三刻話了結就了結 ! 話處理就處理 !
最後 , 都係多謝各家長花時間去睇 , 啱唔啱聽都好 , 只願大家以平常心待平常事 !

CY.Carol

家熹媽咪,
好同意您的講法! 因作為一個家長, 真實的故事我們知道有幾多呢? 但子女的學業是我們所有家長最緊張的,所以數學中文化才是當務之急的問題, 學校必須出來與我們探討的,不要再讓家長疑慮了!

kenichi

最怕係假民主，意見接受，政策照舊，我剛剛感受過學校這個作風了。

P6MA

我幾相信英數改中數會係一個漸進式嘅改革，因五、六年級要應付呈分試，改得太急學生難適應，影响成績之餘，家長又會投訴教育局，但由一至四年級開始改呢，學生便容易適應。所以我估計明年的小五會係中數，再過多一年英數便在李小消失。不過正如版主之言，凡事用平常心對待吧，李小改革，是好是壞又有誰知呢，學校嘅改革應是從學生的利益來作出吧。

amychoi

我只感受到好大壓力同困擾, 憂心的事好接近我, 我怕選擇錯了會影響到囡囡的將來, 煩死人.

默然回首

見得太多假民主的Show了，在這個時代是不能不做Show的。 在Show上，主持的總有一大堆包裝得很漂亮的所為"理由"讓大家不容易在一時三刻間作出應對。
至於風險，校方自然心中有數。 總然有家長會用腳投票，為數也不會很多。 09年入讀小一的若因"李小"的數學中文化而轉校，也有不小的新生在 waiting list上等著。 再者，在未來的歲月裏在這區域總有願意其子女讀"中數"的家長作李小的顧客對象。

[ 本帖最後由 默然回首 於 09-5-14 23:23 編輯 ]

kinglongma

原帖由 P6MA 於 09-5-14 12:18 發表
我幾相信英數改中數會係一個漸進式嘅改革，因五、六年級要應付呈分試，改得太急學生難適應，影响成績之餘，家長又會投訴教育局，但由一至四年級開始改呢，學生便容易適應。所以我估計明年的小五會係中數，再過多一年英數便在李小消 ...

I'm sorry, I don't agree 學校嘅改革應是從學生的利益來作出吧,
我想還是你一廂 情願吧了

P6MA

在討論區內發表意見的有誰不是一廂情願呢？不過我的意見卻是有根据的：
妳可知去年李小的BAND1率的百分比有幾多？我雖然不知，但我只知全級第十五名的學生靠統一派位的第一志願入了信義？而她於自行面試的趙中就失敗了。另外去年差不多有60多人去了李兆基，所以學校才可公布入英中有70%，BAND1百分率提都不敢提。
今年呢？我就知道勒，BAND1率約25%，全級頭36名肯定是BAND1，37名後就未能肯定，不過估計今年也會有60多名學生入李兆基，所以學校仍會公布入英中有70%以上，。因李兆基全級頭三十名有獎學金(學費全免)故吸引少李小BAND1頭的學生入讀，故今年於李小考70名以上的很多連面試都冇，未來入英中的%會下跌，唯一出路只有提高BAND1%，英數改中數也許是朝著這方向而作出呢。

waiwai108

家熹媽咪,

　　完全同意你的說法，希望大家冷靜想一想，不要自亂陣腳。

LEECHUNGTAK

係當中有幾多真 , 有幾多假 ?

唔係打亂自己陣腳


同意

全職媽咪

真係要放長雙眼睇吓！