有關自閉評估一問

小小堯

想請問大家, 究竟你哋, 係去邊度評估, 而得知自己小朋友真係確診為自閉症寶寶呢? 以下係我小兒 (到 08年11月尾, 便3歲了) 既小小資料 :-

1) 今年9月 : 到一間私人既言語治療中心做評估, 個治療師話小兒, 中咗幾個自閉既 points, 例如, 少眼神接觸, 喜愛看門既開關, 社交能力不太好....言語方面, 就只有18-22月既程度. 建議小兒返言語治療.

2) 今年10月 : 到協康會, 為小兒做了一個 "兒童綜合能力測試",
在大肌肉, 社交/情緒評為"一般",
在智能/語言/小肌肉/生活技能評為"有待改善",
comment 是 : 建議安排幼兒導師或言語治療訓練.
由於呢個測試係唔會診症(自閉症)既, 姑娘只係同我哋講, 小兒都可能係 "hi" 到小小自閉啫.

3) 剛到了健康院, 見兒科醫生, 經過約 35分鐘測試, 醫生只係話, 小兒講野係慢咗小小啫, 其他都無乜問題, 我哋追問, 究竟小兒係咪自閉症, 佢話, 佢唔可以診症, 而小兒亦唔係典形既自閉症小朋友, 如果要真正得知, 就要去再排做評估.

再過多幾日, 我就要去"兒童體智中心" 見姑娘, 如果姑娘覺得, 小兒真係有需要去"兒童體智中心"做評估, 就要再等4-6個月!

我知道, 出面係有得做自閉症評估既, 但係, 都好似要成 $3000.

小兒依家上咗2堂聖雅各既言語治療, 並且, 協康已經收了小兒做幼兒訓練（再過１０日先上第一堂）.

我依家心大心細, 究竟要唔要, 出去做個私人既自閉症評估 (都幾貴), 大家有乜意見, 請發表吓呀, 唔該哂!

**小兒現正在今年, 剛返半日既 k1**

hinhinmummy

原帖由 小小堯 於 08-10-12 17:29 發表
想請問大家, 究竟你哋, 係去邊度評估, 而得知自己小朋友真係確診為自閉症寶寶呢? 以下係我小兒 (到 08年11月尾, 便3歲了) 既小小資料 :-

1) 今年9月 : 到一間私人既言語治療中心做評估, 個治療師話小兒, 中咗幾個自 ...

sorry, 老實講, 其實

high 左 小眼神接觸, 社交弱 同埋喜歡一d 規律性的野, 例如like 看lift 門開關, fan 轉, 望街, 呢d 已經high 左自閉症既features, 問題係多定小, 典型定輕微

甘k1 老師有無暗示你聽, 佢係學校的情形? 例如同吾同小朋友玩呀? 有無d stubborn 野甘呀?

其實當初如果要快, 就是去搵私家兒科醫生, 直接寫紙去評估中心做評估, 甘樣就會skip 左健康院見姑娘, 再見醫生, 之後再寫紙去評估中心先見姑娘, 再等4-6個月做評估

至於會吾會比3000元出黎去私家做左評估先, 呢個要取決好多野, 真係要你自己先可以決定到

但我果時去養和做評估, 連埋report, 好似差吾多1萬元

要小心搵d 醫生係可以寫紙比你排政府既service, 即係s/i/e位呢d

小小堯

我都有 keep 住問 k1 老師, 亞仔返學情況, 佢話小兒比較自我, 但佢都肯混入小朋友堆既, 都肯同同學分享玩具, 但都唔係成日肯主動講野, 自己唱歌就會. 但真係唔太喜歡正眼望老師, 喜歡偷望多d囉!  

我再過2日, 就會去兒童體智中心見姑娘, 之後, 仲要等4-6個月先做到評估, 咁, 我現在已經幫亞仔上緊言語治療同埋就會開始, 做協康既幼兒訓練! 請問, 足夠嗎? 如果我出去做私家既自閉症評估, 究竟對小兒有沒有作用呢? 這點是我最想不通的! 請幫忙解答一下! 謝謝!

原帖由 hinhinmummy 於 08-10-12 20:56 發表


sorry, 老實講, 其實

high 左 小眼神接觸, 社交弱 同埋喜歡一d 規律性的野, 例如like 看lift 門開關, fan 轉, 望街, 呢d 已經high 左自閉症既features, 問題係多定小, 典型定輕微

甘k1 老師有無暗示你聽, 佢係學 ...

cltm

個人認為，如經醫生評估完，小朋友是需要排一些政府的服務 (即早期教育及訓練中心 / 特殊幼兒中心 / 幼稚園暨幼兒中心兼收弱能兒童計劃)，咁早d評估完，早d排位，早d有服務。

hinhinmummy

原帖由 小小堯 於 08-10-13 12:30 發表
我都有 keep 住問 k1 老師, 亞仔返學情況, 佢話小兒比較自我, 但佢都肯混入小朋友堆既, 都肯同同學分享玩具, 但都唔係成日肯主動講野, 自己唱歌就會. 但真係唔太喜歡正眼望老師, 喜歡偷望多d囉!  

我再過2日, 就會 ...

如果, 小朋友真係自閉症, 佢需要去s位/i位/e位既, 未有分別law

因為排位, 都吾係一排就有位, 好多時都要排起碼一年先會有位, 因為吾會有小朋友無啦啦係學期中退學(多數), 所以依家排起碼要09年8月先有位讀, 如果再等多半年, 甘你小朋友未要再係半年後先排隊law

如果09年8月入吾到, 就要等到10年既8月, 呢個就係時間的分別, 明無?

小小堯

咁, 即係話, 如果我想以最快既時間, 取得政府既 e/i/s 位, 最好就唔好再浪費時間, 等做政府既兒童體智評估 (因最快都要等多 4-6 個月), 如果, 我出去私人做一個自閉症評估, 如果私人評估出唻, 小兒真係有自閉症, 就可以將呢份私人評估報告, 交比政府既兒童體智中心, 佢就會比我即刻排政府既 e/i/s 位, 我理解對嗎?
私人評估, 你咪要去 協康/step/links..個d做, 先有公信力呀? 邊間好d呢?

hinhinmummy

原帖由 小小堯 於 08-10-13 14:00 發表
咁, 即係話, 如果我想以最快既時間, 取得政府既 e/i/s 位, 最好就唔好再浪費時間, 等做政府既兒童體智評估 (因最快都要等多 4-6 個月), 如果, 我出去私人做一個自閉症評估, 如果私人評估出唻, 小兒真係有自閉症, 就 ...

NO

吾是所有機構做既評估都可以拿去排政府位, 吾是所有醫生都得, 我所知既, 養和的兒童發展部的醫生(做評估果個但我吾記得佢名), 同埋step 既吾知邊個, 都可以去排期

協康的評估, 是吾會評'自閉症'呢一樣野, 所以佢地的評估report, 應該係用吾到黎做排期, 但我吾sure, 最好做評估前問清楚

但要注意既係, 在政府的評估中心做評估, 會有醫務社工跟進, 即係排期果d 甘既野, 佢地會'一手包辦', 但自己做, 醫生寫完紙比你, 你要自己拿去吾知邊樹去排期, 無人follow up

呢個係我仔04年評估完之後的information, 依家甘多年有無變就吾知啦

foreverangel

天使仔剛剛在step做左評估,佢話會為我地排S位

原帖由 hinhinmummy 於 08-10-13 14:47 發表


NO

吾是所有機構做既評估都可以拿去排政府位, 吾是所有醫生都得, 我所知既, 養和的兒童發展部的醫生(做評估果個但我吾記得佢名), 同埋step 既吾知邊個, 都可以去排期

協康的評估, 是吾會評'自閉症'呢一樣野, 所 ...

小小堯

即係, 如果去 step 做評估, 如果 report 係小朋友有自閉症, 政府會幫忙, 即可安排排 e/i/s 位, 對嗎?

原帖由 foreverangel 於 08-10-13 15:14 發表
天使仔剛剛在step做左評估,佢話會為我地排S位

foreverangel

唔係, 即係政府未排到就去私人(step, 協康), 私人快d評估到就快d幫你排, 一樣係e/i/s, 不過係快d同你排咁解.

原帖由 小小堯 於 08-10-13 15:34 發表
即係, 如果去 step 做評估, 如果 report 係小朋友有自閉症, 政府會幫忙, 即可安排排 e/i/s 位, 對嗎?

owl_2046

我亞仔07年9月排E位, 都要今年10月先開始有得返, 等我當初死蠢冇排S位, 剛剛排返又要等到09年啦.
等政府做評估, 有快又慢, 睇下你係邊區啦.
如果C人既政府都接受而你又負擔到梗係越快越好啦.
對於我地D小朋友黎講, 時間好緊要, 一定要加快訓練, 你都好, 幼稚園肯收你亞仔.
我亞仔流口水比歧視, 要自己比$返私人S位, 好Q貴.

原帖由 hinhinmummy 於 08-10-13 14:47 發表


NO

吾是所有機構做既評估都可以拿去排政府位, 吾是所有醫生都得, 我所知既, 養和的兒童發展部的醫生(做評估果個但我吾記得佢名), 同埋step 既吾知邊個, 都可以去排期

協康的評估, 是吾會評'自閉症'呢一樣野, 所 ...

gordon818

Actually I had the similiar case with you and I did a test in private clinic which they can refer you to the gov't service, I/E/S seat.  I need to wait around 10 months until I get a "S" seat in heep hong society.  If I wait the test of the gov't, that means need a longer period around 14-16 months.
The cost is around 7K.

blip

個人意見是政府既評估點耐都要排, 因為自閉症的評估可以有很多方面, 如語言, 大小肌肉, 感統, 智商等, 都會係唔同階段由醫生, 心理學家, 語言治療師, 職業治療師等不同專業人士做, 有需要的時候體智中心會轉介小朋友接受治療和訓練, 如果全部評估都由私家做, 收費會很昂貴, 因為大多機構是以每小時收費的, 如果小朋友唔合作, 時間會用多左, 而報告有些更是要另外收費的.

小兒去年七月由健康院轉介至體智中心, 獲告知需等候六至九個月, 幸而在九月中便有期見醫生和言語治療師做評估, 今年七月做IQ test, 跟著再排期做感統, 十月底都見了OT. 所以, 不要太憂累, 說不定很快便輪到.

kinheimom

hello!  可否update 一下你個仔的近況, 因我個細仔和你個b的情形近似, 現在等協康22/1做評估. thanks!

原帖由 小小堯 於 08-10-13 12:30 發表
我都有 keep 住問 k1 老師, 亞仔返學情況, 佢話小兒比較自我, 但佢都肯混入小朋友堆既, 都肯同同學分享玩具, 但都唔係成日肯主動講野, 自己唱歌就會. 但真係唔太喜歡正眼望老師, 喜歡偷望多d囉!  

我再過2日, 就會 ...

hellokitty1011

唔好意思, 甚麼係 "e/i/s"位?

January

係政府既服務
e位-即早期教育及訓練中心
s位-特殊幼兒中心
i位-幼稚園暨幼兒中心兼收弱能兒童計劃

原帖由 hellokitty1011 於 09-2-2 13:48 發表
唔好意思, 甚麼係 "e/i/s"位?

hellokitty1011

原帖由 January 於 09-2-2 15:20 發表
係政府既服務
e位-即早期教育及訓練中心
s位-特殊幼兒中心
i位-幼稚園暨幼兒中心兼收弱能兒童計劃

Dear January, THANKS!!

zzzlam

我今日去左政府既評估中心做評估,佢既result係輕微自閉傾向,咁佢叫我排eetc,但我見都要去到成8/9月先會有位,咁而家咪side左d時間囉?
會唔會有mami同小朋友去私人做training呀? 我見step要成1000蚊一小時,好貴呀

icookies1

唔好意思想問下自閉証既小朋友係點架. 我個B整體發展慢, 都好驚佢中埋自閉.