究竟係咪一定係我嘅責任??

littleflowers

我個囡囡今年係P.2，一直都係擺响婆婆度湊，而我每晚放工都會返去媽咪度食飯同幫佢睇功課&温書，之前未轉工都可以7點鐘度返到去。
但係啱啱轉咗新工，多咗嘢做，亦晏咗放工，咁有時佢爸爸會收早上去媽咪度食飯，但係佢就唔會幫佢睇功課，更加唔會幫佢温書，食完飯淨係响度上網或者聽歌。
有次放工返嚟已經差唔多8點半，見佢又係坐响電腦前面，我阿哥就幫囡囡對緊功課，囡囡第日又有英文默書，都未幫佢做
pre-dict，同佢講叫佢要幫個囡温書同睇功課，佢把口就講"得啦，陣間先啦"，但係最終咪又係我用咗3分鐘時間食飯，跟住就幫囡囡温書，佢就仍然坐响電腦前面............

唉....................

Berry_luk

原文章由 happyfamilybaba 於 08-5-12 17:48 發表
我情況也一樣差!永遠自己返工回家只有20分鐘吃飯時間,要求老公幫手情況與你一模一樣

我以前未做全職主婦時都係咁架, 回到家連鞋都未取(約8:00pm), 就叫個仔比功課我睇, 我就一邊吃飯一連看, 其實是我老公回家先, 佢都唔幫個仔睇功課. 有一天我頂唔住, 罵完老公一頓後叫佢幫囝囝睇功課及pre-dict, 佢有呀, 不過錯晒 , 功課錯晒, 第二天默書又錯, 唔幫好過幫, 最後咪又自己做返囉.

Terry280905

Hi,

我個仔都係P.2.
我也想知是否一定是媽媽的事呢?
叫C6幫, 他說: 由得佢啦!

KathyKwong

總之10個老豆9個都是這樣, 早2年我叫他幫個仔默書, 他在房間, 個仔在客廳, 跟本就聽不到說什麼(個仔投訴), 從此再不叫他幫忙.

小朋友的教學, 總是落在Ah Ma身上, 不公平.......

littleflowers

原來好多屋企都係咁嘅，冇計啦，唯有做媽咪嘅辛苦啲囉!

Charlotte_mom

哈, 算把啦, 我老公雖然出到聲就會幫手, 不過睇唔睇都差不多
上星期至發生左一次, 成張數學worksheet錯晒! 係無一條arm, 老師派返黎重做
之前又試過我再double check, 6 pair連線, 只連左4pair就話ok........
都無靠自己啦........

Berry_luk

原文章由 Terry280905 於 08-5-12 21:56 發表
Hi,

我個仔都係P.2.
我也想知是否一定是媽媽的事呢?
叫C6幫, 他說: 由得佢啦!

哈哈! 妳老公好攪笑, 如果是我聽到, 一定大閙同氣死. , 如果個仔成績同功課唔好又怪我, 叫佢幫就講遲啲先. 不如等個仔畢業先叫佢幫.

龍馬媽媽

我case有d唔同, p1開學我好主動跟阿仔功課, 但我eq唔好, 阿仔又唔醒, 日日吵得好厲害, 兩星期後, 老公驚家變, 叫我唔好跟, 佢自己跟直到現在p2, 當然仔仔考試默書有時成績唔好, 我會有d唔開心, 但就唔會批評老公教法, 要學識放手, 唔係真係會家變
但唔好以為我好正, 因為我還有個細女, 細女功課就我睇, 老公一樣完全唔插手, 不過女真係好教好多

AnnieClarabel

點解十個男人, 著咗八個都係咁?? 我老公都係差唔多, 仔仔P1, 我晚晚返到屋企即刻 bi li ba la 食飯, 之後同個仔睇功課 / 溫習 / pre dictation, 佢就對住個電視 (我都唔知幾耐未睇過無線劇集, 返到公司同事個個討論劇情都搭唔到訕) 叫佢幫手同個仔溫下默書, 我想去沖個涼先, 到我沖完涼, 都未開始, 個波又踢返畀我! 有時真係好火, 老公就答我佢英文唔叻, 等我幫佢溫, ok~fine, 但中默都係一樣, 有次真係嬲到鬧鬼佢: "英文你就話唔識啫, 中文識喇卦, 幫下手都唔得, 係咪真係想我短幾年命!"

上學期派成績表, 阿仔成績唔錯, 佢鬼死咁開心, 係咁讚個仔, 又同啲親戚朋友講, 但佢都唔知有無諗過個過程, 邊個幫個仔溫習, 我付出咗幾多? 成績唔係天跌落嚟架, 所有嘢都有付出 (包括我同我個仔), 可況 P1 咁細個, 邊會日日都識自律, 無父母管住溫書, 唔通真係由佢考天才咩, 我成日同老公講, 而家初小仲教到就教, 到高年級自己想教都未必教到, 都係想佢打好個底, 大啲就要靠佢自己喇

littleflowers

原文章由 AnnieClarabel 於 08-5-17 23:53 發表
點解十個男人, 著咗八個都係咁?? 我老公都係差唔多, 仔仔P1, 我晚晚返到屋企即刻 bi li ba la 食飯, 之後同個仔睇功課 / 溫習 / pre dictation, 佢就對住個電視 (我都唔知幾耐未睇過無線劇集, 返到公司同事個個討論 ...

我都係咁諗架，只要細個打好啲個底，一路上學深啲都會好啲啦。
我响隔離個topic睇到其他嘅媽咪啲分享話小朋友升咗上p.3啲成績可能會差都有啲驚呀，不過我覺得啲男人係唔明嘅，成日話我咁緊張仲乜~~~~~唔緊張就會有好成績咩???

Cyn025

原文章由 紫盈媽媽 於 08-5-18 19:27 發表
男人.............

我個老公一樣, 溫英文咩, 就話唔識, 溫中文就話唔識普通話.... 真係俾佢激死, 我鬧個女咩, 佢又話我嚇親佢... 講真我都唔想破壞我同個女既感情... 但放工返黎仲要睇工課/溫習... 個女又唔係醒過人, 唔勞氣就假la.... 最近我開始試交俾補習社教佢... 希望會好啲...

cluk15hon

Oh.  I am totally agree that the father will not give an helping hand for the mum.  Is the father will not concern their result?   Or they only think about the duty for mum only.   They will happy only for the result that they will not help for pre-dict or test.  They will do unless the mum ask for several time.   So, they think the kids will do that it is their liability.   Who will do automatical for themselves for revision ?     

原文章由 AnnieClarabel 於 08-5-17 23:53 發表
點解十個男人, 著咗八個都係咁?? 我老公都係差唔多, 仔仔P1, 我晚晚返到屋企即刻 bi li ba la 食飯, 之後同個仔睇功課 / 溫習 / pre dictation, 佢就對住個電視 (我都唔知幾耐未睇過無線劇集, 返到公司同事個個討論 ...

Terry280905

原文章由 Berry_luk 於 08-5-17 22:29 發表


哈哈! 妳老公好攪笑, 如果是我聽到, 一定大閙同氣死. , 如果個仔成績同功課唔好又怪我, 叫佢幫就講遲啲先. 不如等個仔畢業先叫佢幫.

C6 可能是隻恐龍.
仲話唔合格味唔合格LAW.

Berry_luk

原文章由 cluk15hon 於 08-5-22 15:47 發表
Oh.  I am totally agree that the father will not give an helping hand for the mum.  Is the father will not concern their result?   Or they only think about the duty for mum only.   They will happy onl ...

緊係唔係啦, 佢地都唔知幾concern呀! 不過唔教之嗎! 我叫佢教個仔, 佢就話遲D啦, 等等吓! 但到最係佢地就不了了之, 好啦, 成績出咗啦, 個仔今次D英文勁低, 佢就黑口黑面咁對住個仔, 唔concern就假.(因我個仔英文一向不錯)
但佢又唔知道, 邊個平時叫佢教, 佢就推三推四, 只不停的玩電腦同睇波. 我個仔考試那幾天,  佢就日日都8點後先返, 平時就7點左右, 你地話是不是有心唔教呀?!
本來想好似其他家長咁, 考試那幾天就唔煮飯, 叫佢買回來, 好彩那次考試第一天我諗諗下都係煮, 點知佢真的遲返, 仲連續遲返四天, 就是考試那四, 如果我唔煮, 個仔都無飯食呀! 氣死我. , 我真的唔敢再靠佢啦.

素兒

個個男人都係咁樣
所以我學緊放手.
我無咁多時間對2個囡d功課,
依家大囡ok,佢就好開心.
但細囡就咩都唔識,佢成日話我唔理細囡!
我真係想
c6放假就會訓,唔理佢地,同c6講,個細囡大個喇要學返d野,佢就話:'得喇,你搞喇,我無$$$.'
好嬲呀,唔講啦!

wyl

我老公都係咁架! 平日佢完全唔理亞囡啲功課, 有時啲數學思考題佢都會教一教亞囡, 其它中文英文唔駛指意佢。
試過去年我公司annual dinner, 咁啱亞囡第二日要默聖經金句, 其實範圍好少, 咁我就叫佢幫亞囡預默啦! 到我返到屋企亞囡已經瞓咗, 我問佢佢話已經同個囡溫咗, 點知派卷返嚟全部錯哂! 自此以後, 我冇再叫過我老公同個囡溫書做功課

AnnieClarabel

唔幫手都算喇, 之前試過有次叫佢幫手教下個仔數學, 佢睇完條題目就話: "攪錯呀, 6/7 歲人仔點會識做呀, 咁深 ....... ", 我即刻喝停佢, 拉埋我老公一邊講: "大佬, 深都要教架, 唔該你唔好喺個細路面前講, 學校教得就一定要個小朋友學, 唔識教到識, 而家你一咁講, 真係越幫越忙!"

自此之後, 中英數常普都唔駛佢幫手, 自己一手包辦好過 :evil:

AdaHo123

我見過有d爸爸唔係咁噃, 不過, 我果嗰都係咁, 要佢幫手睇功課都係鴉鴉烏, 仲要出聲先會幫手果隻

都唔明, 大家同樣都要返工, 放工一樣攰到死, 做阿媽既硬係做唔到唔理個細, 由朝忙到夜, 冇停過, d男人放工就可以放手歎, 仲要一句感激老婆的說話都冇

只能講一句.........世上只有媽媽好