夢醒時份⋯ ⋯

beastiebistro

回覆 天外之人 的帖子

其實我嘅睇法就係「唔係人人天生100分」，生出嚟就有分別。有人天生有100分，有人天生得50。不過天生100分嘅人未必一定有成就過天生50分嘅人，可能因為自負，可能因為懶惰，亦可能因為過多嘅負增值。


正正因為唔係人人天生100分，所以教育係應該精英制嘅。理論上更有某方面能力嘅人就應該接受該方面嘅培訓，哪怕係木工，定係fine arts，定係整嘢食。我認為讀得書嘅都唔一定有做醫生嘅能力，點解要神化醫學？歧視其他所有職業？

我認為只有家長先真正了解小朋友嘅potential，亦唯有家長可以擺脫虛榮肯落心機時間先可以幫小朋友unlock potential。太多家長被眼前嘅虛榮蒙蔽，或者唔願意投放時間，或者投放咗時間去追求虛榮，變咗追求功利嘅result。但願家長們可以夢醒，用多啲時間同小朋友溝通，尊重小朋友未必個個都係超人（無論家長心裡面有幾想佢係）。

ABC-DAD

ANChan59 發表於 22-10-10 18:01
尊重你的決定！

你有容人之量，希望無掃你興。
據我觀察，好幾位家長老友都係從少貫徹一種教育態度，堅持十多年才論證到效果。

半途出伽，未必有好收成。

ANChan59

ABC-DAD 發表於 22-10-10 18:22
你有容人之量，希望無掃你興。
據我觀察，好幾位家長老友都係從少貫徹一種教育態度，堅持十多年才論證到效 ...

點會呢，只會尊重！

我同意你的講法，教養孩童係要找對方向，方法，持之以恆，加上微調，才會發揮到最佳的效果。

兒女成材冇符碌，全面外判俾學校係錯誤嘅第一步。

stillgood20

akys 發表於 22-10-10 16:10
人個腦係好奇怪，阿仔係怪人，佢班同學好多怪人，連網上啲打機朋友都係怪人，好似唔怪就唔夠叻。雖然呢個 ...

我覺得lQ13x+積優．係最理想。
有時智商幾高．反而, 揾個聽眾都難．

ABC-DAD

stillgood20 發表於 22-10-10 18:43
我覺得lQ13x+積優．係最理想。
有時智商幾高．反而, 揾個聽眾都難．

如果IQ18x+積優，算唔理想？
好奇問一下你個邏輯性嘅焦點在哪裏。

智力檢測報告，我會看重能力嘅分佈範圍，瞭解一下強弱，好佈置教育方向，智能唔係教育小朋友嘅單一發展指標

Radiomama

ANChan59 發表於 22-10-10 17:48
我星期四回深圳7+3，年底先返香港，到時搞個飯局，預埋你這個EK男神。

人數就配合政府「躺平」清 ...

好呀！

ANChan59

Radiomama 發表於 22-10-10 19:15
好呀！

你之前提過要預埋你嘅！

ANChan59

ABC-DAD 發表於 22-10-10 19:09
如果IQ18x+積優，算唔理想？
好奇問一下你個邏輯性嘅焦點在哪裏。

能力報告中，我都較注重弱項而非強項，通常資優兒童被弱項拖跨，所以要補底！

我們都認同多元智能理論，不能單看IQ，乜Q都要留意下！

Yanamami

beastiebistro 發表於 22-10-10 14:16
回覆 akys 的帖子

我自己就係精英教育嘅信徒，或者可以話我believe in人盡其才，唔buy均一教育。唔通人人 ...

你呢個有100用50分，同有80用65分，直情好似講緊大細Y一樣咁。陰公~

Yanamami

ANChan59 發表於 22-10-10 19:16
你之前提過要預埋你嘅！

舉手先，又預我一份。

beastiebistro

回覆 Yanamami 的帖子

好彩有Yana媽，結果兩個都掂。

stillgood20

ABC-DAD 發表於 22-10-10 19:09
如果IQ18x+積優，算唔理想？
好奇問一下你個邏輯性嘅焦點在哪裏。

1.係我覺得2. IQ13x, 比一般人聰明,學習能力較佳,已經很不差
3.行使能力,資優/積優較平衡
4.Rarity rates, 能夠, 找到智趣相投, 講得明,聽得明的同伴,容易得多．

ABC-DAD

ANChan59 發表於 22-10-10 19:20
能力報告中，我都較注重弱項而非強項，通常資優兒童被弱項拖跨，所以要補底！

我們都認同多元智能理論， ...

係呀，係呀打桌球枝cue都好緊要，打唔打到147都靠佢，唔用自己枝Q真係唔多掂架

Yanamami

beastiebistro 發表於 22-10-10 20:50
回覆 Yanamami 的帖子

好彩有Yana媽，結果兩個都掂。

真係唔好用個掂字，平平凡凡。不過一路都生性唔洗我擔心，我叫做好幸福。

beastiebistro

回覆 Yanamami 的帖子

都係嘅，生活得愉快最緊要。

cafeva

beastiebistro 發表於 22-10-10 18:16
回覆 天外之人 的帖子

其實我嘅睇法就係「唔係人人天生100分」，生出嚟就有分別。有人天生有100分，有人天 ...

請教下家長如何unlock potential?

ABC-DAD

stillgood20 發表於 22-10-10 20:51
1.係我覺得2. IQ13x, 比一般人聰明,學習能力較佳,已經很不差
3.行使能力,資優/積優較平衡
4.Rarity rates,  ...

明白
咁不如另開話題，唔講呢啲啦。

ckh689

過路搭口，多年前孩子就讀的美國校區，有兩所提供資優班的小學，資優生可以選擇其中一間就讀。分別是A小學全班都是資優生，B小學是資優生佔大部分，但會加插幾位在某方面特別突出的學生，可能是英文、又可能是數學，甚至是畫畫也好，因為很多資優生，只是成績較為全面(all around)，但有些孩子雖然個別科目成績比資優生更佳，資優測試卻不夠高分，將這些孩子編到資優班，可以讓兩種學生學習對方的長處，不過老師說大部分家長都毫無懸念地選擇A小學。個人認為這就是所謂「鄙視鏈」，即使同是資優班、或是名校也的分tiers，分地區，家長們會不斷追逐。這是惡性循環、良性競爭，還是評級機構的一盤生意？

beastiebistro

回覆 cafeva 的帖子

我嘅做法未必人人適用，不過我估精神都係一樣。孩子未出世已經有大方向計劃，跟住逐步微調咁啦。當然都有trail and error，亦有幸運成份。

兩歲時本來諗住用m&m同個仔玩吓簡單數學（加加減減咁，因為有唔同色好方便。而且平時我完全唔俾食糖，玩完就食一粒），點知佢居然兩日就學識乘數。咁知佢嗰方面有興趣能力，就嗱嗱臨搵佢有興趣嘅material feed俾佢，睇住佢好似海綿咁有幾多吸幾多。我自己都要做功課，搵同陪佢上EPGY／CTY嗰啲online course，買大量嘅數學相關嘅書咁。0-2歲我亦選擇以單一語言（英文，還好我同太太都係海歸）同佢溝通教佢phonics，所以佢兩歲已經通phonics可以自己睇書。我可以話我個仔冇一樣數學concept係喺學校學嘅，基本上全部都係喺我買返嚟俾佢嘅書度學嘅。

我敢講如果我冇投放咁嘅心機時間，全盤outsource俾學校，佢應該唔會好似而家咁enjoy自學，亦唔會喺呢個年齡去到呢個程度。

ANChan59

ckh689 發表於 22-10-10 21:28
過路搭口，多年前孩子就讀的美國校區，有兩所提供資優班的小學，資優生可以選擇其中一間就讀。分別是A小學 ...

多謝你的分享。

美國可能情況跟香港不同，香港沒有什麼資優班或者資優學校，學校根本唔係太想收資優學生，學校及老師覺得他們麻煩，難教，很多時家長唔會同學校講，當然有些家長以為孩子資優可以入名校係美麗的誤會。

兒子小學有特別課程給high learning ability students，這些增潤課程分三部份，高階創意思誰，人際關係及情緒管理，不是學術性嘅，係幫助一般資優兒童的根本問題，例如人際關係及情緒問題，係好有幫助。

中學根本就唔會太著意，他們認為每個學生都係在多元智能方面有些強項，學校提供平台讓他們發揮，that’s it。

評估機構也有不同理念，有純商業，也有有心人，我當年搵的CP，如果你想用個評估報告嚟入名校，她唔會做。